طلبات نوتة أ / عادل صموئيل الجزء الثانى

[عاصم المنشاوى]

[SIZE="4"] ,وآدى أول زبون أهه...يامسهل يارب ....أبعت...مين قال انا كمان...

بص ياسيدى "...أركب مترو الأنفاق من محطة رمسيس"محطة مصر" باب الحديد...أتجاه الجيزة ممكن تنزل محطة "الأوبرا"...حتلاقى الأوبرا قدامك على طول ...لو نزلت ميدان التحرير..."السادات" ...خد كوبرى قصر النيل وامشى لآخره كأنك رايح على برج الجزيرة ...ح تلاقى عمك سعد زغلول فوقيك بالظبط بيقولك "مفيش فايدة ياواد ياعزت"...سلملى عليه وخش دار الأوبرا ...أول حاجة ح تقابلك على يمينك متحف الفن الحديث ملكشى دعوة بيهم دول عالم لاسعة يابا....وعلى شمالك المكتبة الموسيقية ...مليانة نوت ...بس الموظفين قرفانين من نفسهم ......ملكشى دعوة بيهم دول ملهمش فى الفن ...خليك دوغرى .أى حد تقابله أسأله "مسرح الهناجر فين"...ح تلاقينى قاعد .....بقولك ايه ياعزت "انا تعبت ...كلمنى ع الموبايل ياعم أسهل.../SIZE]

[عزت شحاته]

ههههههههههههههههههههههههههه
يعنى المكان جوه الاوبرا كده عرفت ولو تهت هاكلمك ع الموبايل
انا روحت زمان الاوبرا فى رحلة البحث عن النوت وفعلا الموظفين قرفانين
وفاكر الكلام ده من عشر سنين او اقل
قالولى اى نوتة عايزها ادفع عشرين جنيه وكانت العشرين
بصراحه عشرين كانت تودينى من مغاغه لمصر وتروحنى
روحت سايبهم وطالع دخلت مكتبة هناك برده فيها شوية نصوص مسرح من اصدارات هيئة قصور الثقافة
اشتريتهم وقعدت اتجول ف الارواق والدهاليز
واتفرج على ولاد الناس والموسيقيين الهاى لايف لحد ما المسى مسا عليه
وبعدين اخدت بعضى وروحت مروح بعد ماحققت
حلم من احلامى دخول الاوبرا

[sayed_lv]

الله عليك يا استاذ عاصم على الدعوه الجميله دى
انا ان شاء الله اكيد جى
و ادينى عرفت السكه .. هركب المترو من جمب البيت "حلوان" و انزل قدام الاوبرا
مفيش اسهل من كده
و على فكره يا استاذ عزت ده برده حلم ليا انا كمان ادخل الاوبرا و اخيرا ان شاء الله الحلم هيتحقق و بالنسبه للتوزيع يجيلك ديلفرى لحد باب البيت .. و الله يكون فى عونك و فى عون الزميله "فيولا" ..
و الى لقاء ان شاء الله
تحياتى