طلبات نوتة أ / عادل صموئيل الجزء الثانى

[sayed_lv]

[QUOTE=ehabalaaeldin;593629][QUOTE=عزت شحاته;593508]

المشاركة الأصلية كتبت بواسطة ehabalaaeldin

1.اعتذار للأستاذ عادل .. لأن انا عارف ان احنا عاملين دوشة في الركن الخاص بالنوتات بتاعته .. بس معلش هو قلبه كبير و هيستحملنا
2.انا استمعت ل عزف السيد وائل ل ( اهواك ) .. و استمعت بيها جدا .. ريشة انيقة و كلها احساس و هو دة اهم حاجة في المزيكا .. الاحساس .. الاخنلاف حول نص دييز طالع ولا ربع بيمول نازل مش هيكسر الدنيا .. خاصة لو بتلعب منفرد .. فا تحية ليك يا وائل و لعزفك الجميل

3.اخويا الكبير عزت :

قمت بتنفيذ وحوي يا وحوي .. شكرا للاستاذ عادل لأن من غير النوتة ما كانش حاجة اتعملت
عشان محدش يقول ان أنا مش بفهم .. انا عارف ان دليل المقام في النوتة طالبة مني سي ربع تون ..انا معنديش برنامج يتعامل مع الربع تون فانا تعاملت معاها علي اساس ان مفيش ارباع في الدليل و انها سي بيمول و بتصرف بينها و بين السي النتورال حسب الميلودي .. وجب التنويه مش اكتر

مرفق : Midi عشان لو حبيت تغير في الاصوات نفسها علي اي برنامج توزيع
Wave عشان تسمع عادي من غير effects و ناوي تسجل في استوديو .. مهندس الصوت يزيط براحته
MP3 يعني ممكن تسمع علي كدة مش هتقول لأ في الزحمة يعني

( انا اسف .. المنتدي بيقول ملف خطأ لمل برفع ال ميدي و الويف .. مش عارف حلها اية ؟! )

لو عجبتك يا عزت باشا قوللي .. و لو مش حلوة برضه قوللي .. انا مش بزعل .. ولو عاوزة تعديل في حاجة قوللي
اتمني انها تكون قريبة من اللي انت عاوزه
و متتأسفش يا رجل .. العيب فيا أنا في موضوع العربي دة .. انت مية مية

استاذى العزيز / ايهاب
العمل متقن و واضح ان فيه مجهود كبير
ما هو اسم البرنامج الذى تتعامل معه ؟؟
و لماذا لا تستخدم احد البرامج التخصصه فى التوزيع و الهندسه الصوتيه و على فكره لا تحتاج الى امكانيات باهظه و حضرتك واضح انك بتعرف تتعامل كويس مع البرامج دى .. و على فكره معظم البرامج دى تسمح باضافة الالات الشرقسه التى بها امكانية السيكا و احد هذه البرامج و اسهلها فى وجهة نظرى هو الفروتى لووبز Fruity Loops Studio Producer Edition و ده مساحته صغيره و يمكنك اضافة الات من HTT Oriental Scale و دى فيها قانون و عود و ساكس حلوين و فيها اكورديون بس جودته مش حلوه اوى و دى تسمح بوجود السيكا


و ايضا تقدر تستخدم luxonix purity و دى مفيهاش الات شرقيه بس فيها الالات الاساسيه اللى ف اى اورج و ايضا بها امكانية السيكا

و للالات الكلاسيكيه و توزيع الاركسترا يمكنك استخدام Edirol orchestral ودى ايضا تدعم امكانية السيكا

و على فكره كل ده كده مساحته لا تتعدى واحد جيجا و كل ده متوفر على الانترنت مجانا و على سيرفرات التحميل المختلفه
ياللا بقى حمل و ورينا الشغل التقيييييييييل
ارجو ان تتقبل تحياتى و مرورى...

[guest]

[QUOTE=sayed_lv;593723][QUOTE=ehabalaaeldin;593629]

المشاركة الأصلية كتبت بواسطة عزت شحاته

استاذى العزيز / ايهاب
العمل متقن و واضح ان فيه مجهود كبير
ما هو اسم البرنامج الذى تتعامل معه ؟؟
ياللا بقى حمل و ورينا الشغل التقيييييييييل
ارجو ان تتقبل تحياتى و مرورى...

من غير استاذ ولا حاجة يا سيد سيد

انا اتعامل مع برنامج Mixcraft ..
المشكلة عندي مش في صوت الالة اللي تنفذ الخط اللحني لو فيه ربع تون !
المشكلة عندي في كتابتها اصلا بالربع تون .. و انا مضحكش عليك مش اد كدة يعني في البرمجة و الحاجات دي عاوزة لعب في السوفت وير بتاع البرنامج و انا مليش في الكلام دة
شكرا علي البرامج اللي قلت عليها.. هحاول اجيبها من النت و اشوف ايه الكلام
و ربنا يكرمك في الثانوية .. عقبال ما تروح الجوية

سلام

[sayed_lv]

[QUOTE=ehabalaaeldin;593786][QUOTE=sayed_lv;593723]

المشاركة الأصلية كتبت بواسطة ehabalaaeldin

من غير استاذ ولا حاجة يا سيد سيد

انا اتعامل مع برنامج Mixcraft ..
المشكلة عندي مش في صوت الالة اللي تنفذ الخط اللحني لو فيه ربع تون !
المشكلة عندي في كتابتها اصلا بالربع تون .. و انا مضحكش عليك مش اد كدة يعني في البرمجة و الحاجات دي عاوزة لعب في السوفت وير بتاع البرنامج و انا مليش في الكلام دة
شكرا علي البرامج اللي قلت عليها.. هحاول اجيبها من النت و اشوف ايه الكلام
و ربنا يكرمك في الثانوية .. عقبال ما تروح الجوية

سلام

اوك يا ايهاب "و على فكره اخويا اسمه ايهاب برده "
و البرنامج اللى بتشتغل عليه ده برده كويس و يسمح باضافة الات اللى قولت عليها و اللى بتزل من على النت بامتداد dll او exe و بصيغة vst او vsti او dxi و لما بتسطبها بتفتحها من جوه الميكس كرافت و مش محتاجه متخصص فى السوفت وير خالص كل الحكايه انك بتجيب الاله و بيبقا فيها السكال زى اللى فى اى اورج شرقى و بتدوس على النغمه اللى انت عايزها و بتبقى سيكا
انا عملت اول صفحه من النوتة .. يعنى توزيع سريع كده و خفيف و الات هى الناى و العود و الوتريات بس و طبعا ايقاع .. و معلش بقى استحملو الدوشه دى
مرفق ايضا الملف الاصلى للاغنيه مضغوط و بصيفة الريال بلاير
تحياتى..

[عمرو الهنداوي]

استاذ سيد ربنا معاك فى الامتحانات

طيب مافيش برامج مساعدة تضيف اصوات الالات شرقية تانية؟؟
بس تكون عالية الجودة واصوات شبه حقيقية والالات تضيف اصوات ايقاعات جاهزة شرقية


انا عندى كل البرامج اللى انت حطت صورهم بس مش مقتنع اوى بيهم----
انا عايز حاجة احترافية اكتر فى اصوات الالات الشرقية والايقاعات وما يهمك الحجم

لو عارف اسامى البرامج المساعدة دى من فضلك قولى اسمائهم فقط


كل التحية

[guest]

ماشي يا سيد سيد

كملها بقي ..

سؤال بما ان حضرتك خبير يعني .. انا نفسي في module طبلة .. عندك ؟

شكرا

[sayed_lv]

المشاركة الأصلية كتبت بواسطة ehabalaaeldin

ماشي يا سيد سيد

كملها بقي ..

سؤال بما ان حضرتك خبير يعني .. انا نفسي في module طبلة .. عندك ؟

شكرا

المشاركة الأصلية كتبت بواسطة عمرو الهندواى

استاذ سيد ربنا معاك فى الامتحانات

طيب مافيش برامج مساعدة تضيف اصوات الالات شرقية تانية؟؟
بس تكون عالية الجودة واصوات شبه حقيقية والالات تضيف اصوات ايقاعات جاهزة شرقية


انا عندى كل البرامج اللى انت حطت صورهم بس مش مقتنع اوى بيهم----
انا عايز حاجة احترافية اكتر فى اصوات الالات الشرقية والايقاعات وما يهمك الحجم

لو عارف اسامى البرامج المساعدة دى من فضلك قولى اسمائهم فقط


كل التحية

استاذ ايهاب و استاذ عمرو
ان شاء الله هحاول اكملها بس حاليا صعب .. بعد الامتحانات بقى لأن يومين الراحه اللى كانو عندى خلصو و بالنسبه لموضوع الطبله .. انا بستخدم اصوات الياماها "انا منزلها من النت بامتداد krz و ده اصلا معمول عشان يشتغل على الاورجات kurzweil " بس الميزه فى الفروتى لووبز ان بييجى معاه vst اسمها Direct Wave و دى بتشغل معظم امتدادات اصوات الاورجات و منها النوع اللى انا قولتو ده و الملف مضغوط و فى المرفقات و ده طبعا عباره عن كل صوت لوحده و انت اللى بتركب الايقاع .. لكن فى بعض البرامج المساعده زى darbukator وده تقريبا ملوش اى لازمه انا جربتو و معجبنيش لكن فى برنامج تانى اعتقد انه حلو بس مجربتوش لان مساحته كبيره عليا و هى حوالى 3 جيجا و البرنامج اسمه wizoo darbuka و ده برنامج ايقاعات شرقى فقط بس الايقاعات جاهزه و بالنسبه لموضوع الالات الشرقيه العالية الجوده فهى عادة "تباع" على شكل اصوات منفصله لكل نغمه لكل آله بامتداد wav بس بتبقى غاليه اوى يعنى السى دى الواحد ممكن يوصل لحوالى 150 دولار على الانترنت اما بالنسبه للوتريات و خلافه من الالات الاساسيه فى vst امكانياتها عاليه اوى بس نادره على الانتر نت و مساحتها كبيره و اسمها vienna orchestra strings ده طبعا بخلاف الات الكونتاكت و الكومبليت اللى ممكن يعدو ال 100 جيجا بايت و على فكره انا عندى حوالى جيجا و نص من الايقاعات الشرقيه الجاهزه بامتداد rx2 و الصيغه دى تعمل على معظم برامج التوزيع و دى معناها ان اللوب ده يعمل على اى تمبو و بيتأقلم تلقائيا على سرعة المشروع من غير استخدام اى برامج مساعده بس طبعا المساحه دى يستحيل اقدر ارفعها على المتندى و لكن ممكن اقسمها و ارفعها على احد مواقع الرفع لو حد عايزها بس الموضوع ده هياخد منى شوية وقت لان النت عندى بطئ جدا

تحياتى

[guest]

سيد سيد

تكون مشكور يعني لو كملنا كلامنا عن الموديولز علي اللينك دة

http://www.sama3y.net/forum/showthread.php?t=96451

عشان دة ركن النوت .. و المواضيع هتسيح علي بعض
و يمكن للاخ عمرو و غيره يتابع برضه علي اللينك دة و لو نقدر نضيف خبرات لبعض يكون حاجة جميلة يعني

تحياتي

شكرا

[سليم العباس]

احبائى

اقدم لكم رائعة من روائع الفنانة فايزة احمد

ياما انت واحشنى

شكرا أستاذ عادل على التحفة الفنية الجديدة للرائعة فايزة أحمد .

[عاصم المنشاوى]

الأصدقاء

خبر ساااار جدا

فى مثل هذه الظروف العصيبة التى تمر بها البلاد...وافق الأستاذ"عادل صمويل"

مبدئيا على اللقاء الثانى مع عشاق الأستاذ......وبناءا عليه ...يسر الأستاذ الفنان / "أشرف محفوظ "المحامى والمستشار القانونى ان يدعوكم الى هذا اللقاء الممتع مع ذكريات وروائع الأستاذ ....

الزمان : يوم الأربعاء 11 يوليو الساعة السادسة بعد الضهر .....بنقول قبلها بأكتر من 3 اسابيع عشان ميبقاش فيه أى عذر لأى حد.....وعشان اللى مسافر وح ييجى فى اجازة الصيف يكون معانا انشاءالله ...زى الأستاذ /محمد السويفى ...واللى امتحاناته خلصت زى الموهوب / سيد ...وباقى الأصدقاء أ.أحمد ارمندو ...أ.أحمد نور الصباح...أ.عمرو الهندواى ....أ.أحمد الأهلاوى ...وياريت من خارج القاهرة الفنان السكندرى /نزيه محمد ...والفنان البورسعيدى التشكيلى /محمود فتيحة....والفنان / عزت شحاتة ......يعملوا حسابهم يكونوا معانا ...وياسلام بقى لو اى صديق من الدول العربية ....طبعا أخواتنا الفنانات والمدرسات ...نتمنى وجودهن ....!!!وارجو ان لا أنسى حد....

المكان : سهل جدا وفنى جدا... وراقى ...وهادئ....وفى وسط البلد وهو ( كافيتيريا بوتشيللى) بجوار مسرح الهناجر بساحة دار الأوبرا بالقاهرة...امام كوبرى قصر النيل...

[عزت شحاته]

هاشوف الاستاذ
( يا خراااااااااااااااااااااااااابى )
هاشوف اخونا ف صفحة طلبات نوتة
( يا لهوىىىىىىى )
انا جااااااااااااااااااااااااااااااااااااااااااااااااا ااااااااااااى
ولو ينفع ويرضوا يحجزولى تذكرة الجطر ( القطار )
دلوك ( فى الوقت ده )
عاجوم احجز ( اقوم احجز )
(ملحوظه الترجمه مخصوص لولاد الناس اللى ما يعرفوش لغتنا )
------------------------------
حبيبى / عاصم
الشكر ليك على اهتمامك بالموضوع - بس ما تنساش الخريطة
يعنى اللى جاى من الصعيد يركب ايه يمشى ازاى يروح فين
والوصفه السهلة الهايله
ومع السلامه يابو عمه مايله
عزيزى الاستا عزت
ارفع راسك فوق انت مصرى جاى من مصر ام الدنيا
كلامك مش محتاج ترجمة
يعنى احنا فى مصر عندنا لهجات عامية
الاربعة الاساسية فى الصعيد والقاهرة واسكندرية وبورسعيد
الاربع لهجات دول فيهم ميزة خطيرة جدا جدا
ان فى كل الدول العربية من المحيط الى الخليج لو هم 16 دولة فى متوسط عشر لهجات عامية فى كل دولة يعنى 160 لهجة
التميز بتاع ال 4 لهجات دول ان كل الدول بيفهموهم كويس اوى اوى
بسبب الفن المصرى .. يعنى من اول ماطلع الراديو فى الثاثينيات وهم بيسمعوا الغناء والتمثيليات الاذاعية
بعدين انتشرت السينما كان الفيلم المصرى نمرة واحد فى كل الدول العربية بعدين الفضائيات
بس المشكلة الخطيرة ما يجيش ( ربنا يجعل كلامنا خفيف عليهم )
عايزين يلغوا الفن من مصر .....
مع اطيب تحياتى عادل صموئيل