رد: طلبات نوتة أ / عادل صموئيل الجزء الثانى
اخوتى الاحباء
اشكركم جميعا على تعليقاتكم البناءة
لكن احب ان اضيف كلمة
اهم ميزة من بيها الله على الانسان هى العقل ... ومع الاسف العقل ده صار شىء ثانوى غير مستعمل .. او الجهل اصبح هو صاحب الكلمة الاعلى واصبح مصير العقلاء ان يصرخوا فى صمت مثلى .. يعنى الكلام عن الاجندات الامريكية والغربية وان كانت موجودة , تلاك الاجندات يروج لها بالخبث والدهاء وهنا تأتى حرب العقول .. يعنى لو انا بشغل مخى وهيثم صديقى مثلا بيشغل مخه .. معا حانعمل سد لن تستطيع الاجندات اختراقه .. لكن لو واحد ركن مخه على الرف هنا حاتبقى نصف القوة وهنا سهل جدا اختراقها ... احنا المسيحيين لانرفض التيار الاسلامى .. ولكن ننظر الى التاريخ الحاضر والماضى .. انا انظر الى نصف الكوب المملوء .. انا بروح تركيا كتير جدا .. لاحظت ان التيار الاسلامى لما مسك الحكم البلد مستواها ارتفع اكتر من الحكم العلمانى ( كما يسمونه ) اكتر من عشر مرات .. يعنى ارتفع معدل دخل الفرد عشر مرات واختفت البطالة .. هل تعرفوا لمادذا اليونان افلست ؟ لأن اليونان تعتمد على السياحة بشكل كبير جدا .. والتيار الاسلامى فى تركيا لما اعتنى بالسياحة جدا جدا .. انخفضت الاسعار بشكل ملحوظ لدرجة سحبت الى تركيا 90% من سياح منطقة الشرق الاوسط .. يعنى انا ممكن اروح تركيا 8 ايام مع تمن تذكرة الطائرة والاقامة وكلو كلو اقل من لو قضيت 8 ايام فى اسكندرية تخيلوا ؟ يعنى اول ما عملوا الاسلاميين عندنا انهم حاولا بكل الطرق القضاء على السياحة والمؤسف [انها لأعذار واهية جدا لا يقبلها العقل يعنى قالوا منع الخمور الللى يسمع كلمة الخمور يفتكر ان الناس بتشرب الخمور طول النهار وتعربد فى كل مكان علما بأن الخمور حرام عند المسيحيين زى ماهى حرام عند المسلمين والخمور تقدم فى اماكن محدودة جدا جدا جدا .. يعنى عمرك ماتلاقى واحد سكران فى الشارع مثلا .. وقالوا عشان المايوهات .. ولو سألأت اى مصرى عمرك شفت بنات لابسة مايوهات فى مصر خلال العشرين سنة الماضية مش حتلاقى غير فى اماكن محدودة جدا جدا وخاصة جدا جدا .. يعنى شاطىء اسكندرية ملى بأماكن السباحة تلاقى الستات بينزلوا بملابسهم الكاملة لأن بالتأكيد مفيش واحدة اتجننت تلبس مايوه فى مكان مفيش غيرها لابس مايوه بإختصار اعذار واهية .. انا كنت اتمنى انهم يدرسوا النموذج التركى مش النماذج الفاشلة او اللى تسببت فى كوارث منها تقسيم دول عظمى الى دولتين متحاربتين الى الابد لن التقسيم طبعا فيه ثروات موجودة فى اماكن زى ابار البترول مثلا جت فى مكان يجعل كل طرف يتنازع عليها وهنا طبعا بييجى دول الغرب تلعب عليهم .. يعنى دول الغرب مش هى اللى جت ولكن التصرف هو اللى اداها الفرصة تيجى وربنا يستر
مع اطيب تحياتى
|
العرض الشجري