طلبات نوتة أ / عادل صموئيل الجزء الثانى - الصفحة 38

**نور الصباح** · #1 06/12/2014, 19h01

احبائى
اقدم لكم من روائع الفنان عادل مامون
انت واحشنى اوى يا حبيبى
مع اطيب تحياتى
WWWWWWWWWWWWWWWWWWWW
شكرا جزيلا يا أستاذنا
على ما تقدمونه من نوتات متقنة
لأعمال جميلة خالدة خلود فن الزمن الجميل
وعقبال طلباتنا
نوتة أغنية المجموعة
{ يا صبح يسعد صباحك }
وإن شاء الله سنواليكم بالملف الصوتى
فى مشركة قادمة
وشكرررررررررررررررررررررررررررا
أخوكم
نور الصباح

**عادل صموئيل** · #2 06/12/2014, 20h23

اقدم للأخت الجديدة فى المنتدى ايمان موسى
اغنية على الحجار

فى هويد الليل

طبعا انا يشجع الاعضاء الجدد انا دونت الاغنية دى مع انها مش من النوع اللى متعود او احب ادونه لأنها بتتبع نظام الاغانى الحديثة اللى فيها توزيع كتير وبيبقى اللزمات الصغيرة سريعة اوى هى بتبقى استعراض تكنيك لعازفى الكمان فى الفرق الحديثة دلوقتى .. والالحان الحديثة بتفتقد للسلطنة بتاعة زمان لأن كان الكمنجات بتعنى تحت المطرب طول الوقت بتسلطنه لكن دلوقتى المطرب بيغنى فى الهوا يعنى اما تحته ايقاع فقط او الحان تانية موزعة بتشتت الجمهور المستمع العادى ... وعندنا بيكون لحن موزع لازم شرط اساسى ان يكون المستمع دارس موسيقى ( ده فى حالة التوزيع المحترم يعنى زى الكلاسيك او توزيع زمان بتاع اندريا رايدر والمجموعة دى ) .. ليه دارس موسيقى ؟ عشان ماتبقاش العملية زى المكرونى الاسباجيتى وهو فى وسط المعمة مش فاهم حاجة لكن دارس الموسيقى والكلاسيكية بالذات بيحس وبيتمتع بالعبقريات يعنى بيحس بالخط اللحنى الواحد رايح منين لفين وبيقول ايه ولو خط تحته بيبقى امتزاجهم بيعمل ايه والهارمونى ...والاورات ان وجدت ... لكن النهاردة لما يبقى كل الاغانى موزعة بلا استثناء وهم عارفين ( او بيستهبلوا ) ان 99% من المستمعين معندهمش فكرة عن التوزيع واللكلام ده وامتناع رواد الزمن الجميل عن سماع الاغانى الحديثة ده خلا التوزيع بيبقى معظمه عك او تفعيص او حاجات مكررة 900 مرة يعنى واحد موزع شاطر اوى فى الاورج بيسجل تراك بعدين ممكن يحط عليه اى عدد م التراكات بس فى الآخر التميز فين ؟ مش موجود يعنى زمان لما تسمع فؤاد الظاهرى بيديك توزيع خفيف بس بيضخم الصورة اللى ع الشاشة 100 مرة .. كمان كان الاناشيد الوطنية الحماسية منها التوزيع بيخليك تبقى سامع دبابات ومدافع كانك ع الجبهة ... المهم تحياتى الى الاخت العزيزة وان شاء الله النوتة تعجبك لأنى لما بكتب النوع ده ببقا خايف لنى بكون سامع كذا صوت وبحاول اصطاد منهم اللحن الاساسى لأننا مانقدرش نكتب التوزيع
وليا رجاء لو حد عايز يرد ممكن ياخد عنوان الموضوع فقط مش محتاجين اقتباس للموضوع كله عشان توفير عدد الصفحات وشكرا مع اطيب تحياتى

**mahmoud feteih** · #3 07/12/2014, 07h17

صباح الجمال والرضا وتسلم ايديك وعنيك استاذنا الكبير عادل باشا

**مهدي01** · #4 16/12/2014, 14h10

يا استاذ ممكن نوتة رائعة محمد منير عن الام الحبيبة

اخى العزيز
المطربين اللى بيغنوا دلوقتى لا ينتموا الى النوعية اللى متخصص فيها المنتدى
مع اطيب تحياتى عادل صموئيل

**منذر44** · #5 16/12/2014, 19h50

استاذ عادل
سلمت يداك على كل ما تقدمه من روائع وابداعات ستبقى خالدة على مر الازمان
وبمناسبة الاغاني الوطنية اتمنى من حضرتك تدوين اغنيتين وطنيتين من زمن الفن الجميل وهما

المعارك مستمرة
ويا ويل عدو الدار

**عادل صموئيل** · #6 16/12/2014, 20h05

احبائى
من روائع محرم فؤاد

كله ماشى

مع اطيب تحياتى

**muhamadibra** · #7 16/12/2014, 20h37

اقتباس:

المشاركة الأصلية كتبت بواسطة عادل صموئيل

احبائى
من روائع محرم فؤاد

كله ماشى

مع اطيب تحياتى

روائع محرم فؤاد - قد تم بروزتها - والفضل للمايسترو الذي ازاح عنها الغبار - فشكرا جزيلا - عندي طلب لاغنية ماهر العطار - مين يأمن لك مين وانت عنيك حلوين - لو سمح الوقت
د محمد ابراهيم

**hisham88** · #8 16/12/2014, 21h31

تحياتي للفنان العظيم الأستاذ عادل
يا ريت يا أستاذنا إذا تكرمت تقوم بتدوين أغنية الفنان الكبير وديع الصاقي دار يا دار يا دار يا دار قوليلي يا دار
و لك جزيل الشكر لما تقوم بهم من مجهود رائع يسعدنا و يمتعنا جميعا

اخى العزيز
انا مدونها من قبل واليك الرابط
http://www.sama3y.net/forum/attachme...0&d=1383296453
رجاء انك تدخل على الفهرس اللى عامله الاخ العزيز هيثم الصالحى تلاقى كل النوت وتختار منها ما تب وشكرا
مع اطيب تحياتى عادل صموئيل

**عادل صموئيل** · #9 11/02/2015, 10h54

احبائى

اقدم لكم من روائع الفنان كمال حسنى مع شادية

لو سلمتك قلبى

مع اطيب تحياتى

**عاصم المنشاوى** · #10 11/02/2015, 13h41

الأصدقاء/
تحية طيبة وبعد...

يعنى أستاذنا الجميل الفنان / عادل صمويل ...يتعب نفسه ويكتب لنا اجمل النوتات وبنسعد كلنا بيها
طبعا - بدون مقابل - وأذ فجأتن تلاقى خمسين ستين ساعات تلتميت واحد عامل لها داونلود...
وماتلاقيش اللى بيقول له شكرا يااستاذ- تسلم ايدك يااستاذ ...ألا الدكتور محمد أبراهيم .والفنانين المحترمين مع حفظ الألقاب (المنير- على ثلاثة-سليم العباس-وحيد فريد- الدكتور منذر-وبالطبع الأستاذ هيثم الصالحى ..وأبو الذوق كله عمنا الأستاذ /احمد عبد الله الأمير الشهير ب نور الصباح - هابى بيرث داى ياعمنا - .

..مايصحش كده ...ولا أستثنى نفسى طبعا...طبعا أنا بأقصد اللى بينزلّوا النوتة ومابيقولوش شكرا
يعنى المفروض نلاقى خمسين شكرا على الأقل ...وبعد كده يحذفهم الأستاذ الكبير / محمد الآلاتى عشان السيرفر...
المهم يوصل للفنان انه تعب وانه شكرا بافنان...الفن بدون صدى ...مالوش طعم

على العموم شكرا يااستاذ عادل ويخليك لنا يارب ....طبعا دى مجرد وجهة نظر ربما تكون خاطئة ...

الأصدقاء ...حد يقدر ينزل لنا برنامج تقطيع أغانى مونتاج زى الريلبلاير مثلا فى قسم برامج مفيدة
وله جزيل الشكر مقدما.