طلبات نوتة أ / عادل صموئيل الجزء الثانى

[enooza]

مساء الخير وشكرا على المجهود الرائع

[enooza]

مساء الخير اولا احب اشكرك حضرتك على المجهود العظيم
تانيا كنت عوزة اغنية ( حببتى من ظفيرها طل القمر بس تكون( -1) اى موسيقى بدون كلام اوغناء واغنية احمد جمال احلف بسماها وبتربها اللى غنها فى البرنامج اعرب ايدل
وللك جزير الشكر

[Samers]

مساء الخير استاذنا العزيز عادل
اود اولا ان اثني على هذا الجهد الجبار في جمع ماسات الفن الشرقي وهي مهمه ليست بالسهله واتمنى لكم دوام الصحه والعطاء
لدي استفسار فيما يخص مؤلفات الاستاذ الموسيقار رياض السنباطي ، يا ترى هل هناك من قام بتدوين بعض من تقاسيمه العظيمه
ودمتم بكل الحب والموده

الاخ العزيز
انت لو راجعت كل مرة انا حد سأأنى نفس السؤال وانا جاوبت كذا مرة لكن نقول كمان
الموسيقى نوعين نوع على ميزان وده سهل تدوينه حتى لو اللحن صعب ممكن مدون شاطر كافيش حاجة تستعصى عليه بتبقى خلصت المشكلة يعنى اللحن لو كان صعب اللى بيعزفو بيتعب شوية لكن بيطلع بحذافيره لأن اللحن اللى على ميزان بيكون فى حدود كل العلامات الايقاعية المعروفة بانواعها وانت بتعزفو وبيطلع مضبوط 100%
لما نتكلم عن اللحن اللى من غير ميزان وهو نوعين اما ادليب او تقاسيم
والادليب يعنى مثلا زى اغنية انت عمرى
بتقول : رجعونى عينيك لأيامى اللى راحوا لحد نهاية الادليب ويدخل الميزان او اللحن اللى لى ميزان من : قبل ماتشوفك عينيا .. الى آخره
الادليب ده بيختلف عن الموزون ان المطرب بيطول فى علامات ايقاعية او بيقصر فى علامات اخرى والحركة دى ممكن تخرج عن المقاس المحدد بتاع العلامة اللى كلنا عارفينه وبنمارسه بمعنى ان النوار مش بتبقى نوار ممكن تبقى اطول شوية او اقصر حاجة كما ان الاديب بيحتوى على سكتات كتير ايض مش محددة الطول بدقة ..
والخلاصة ان الادليب لما بنكتبه بيبقى تقريبى وعشان تعزفو صح لازم انت تكون حافظ الاغنية بحيث ان تطوع النغمات الموجودة حسب ما انت حافظه وحسب ما ام كلثوم بتقول يعنى انا لو بعزف وقدامى مطرب .. فى الادليب انا بقرأ النوتة لكن اذنى مع المطرب بنسبة 90% عشان ما ابقوش او اتأخر عنو وهنا بالطبع ممكن الخبطه فى غناه
اتمنى تكون وضحت الصورة وعلى فكرة انا كل ما حد يسألنى نفس السؤال ممكن اقول معلومات اكتر
الادليب بيبقى الملحن هو اللى ملحنه بمعنى انك كل ما المطرب يغنى نفس اللحن ( يعنى لو ام كلثوم غنت انت عمرى خمسين حفلة مختلفة ) لازم تلتزم بنفس اللحن يعنى نفس الادليب ممكن تجود فى جزء صغير جدا لكن الهيكل لازم يكون موجود لأن اللى بيسمعها حافظه وبيستمتع بالتكرار ده
اما التقاسيم ده موضوع تانى خالص ... يعنى فيه عازف عادى بيعزف اللحن لكن مايعرفش يعمل تقاسيم لن التقاسيم بتبقى ارتجال ( يعنى نوع من التلحين لكن فورى ) لازم يكون العازف اولا قدير جدا جدا فى الآلة بتاعته وثانيا يكون خبير فى المقامات والانتقالات السليمة بينها وثالثا عندو ابتكار فى حلاوة الابتكار ده
والتقسيمة مش بتتحفظ بمعنى ان السنباطى نفسه شخصيا ( واشتغلت معه 20 سنة ) لو فى اغنية محددة زى اشواق مثلا بيقول تقسيمة .. لو فى حفلة اخرى بيقول تقسيمة غيرها نفس القصة فريد الاطرش كان بيقسم فى معظم حفلاته
ولو سمعت كذا تسجيل لأغنية الربيع مثلا تلاقى التقاسيم مختلفة كل حفلة بمعنى ان بيبتدى بمقام الاغنية ثم ينتقل منه الى مايجود بيه ربنا عليه فى تلك اللحظة الفورية
والجمهور كمان لو دور خطير فى الموضوع يعنى لو عمل نقلة حلوة والجمهور قال الله يعنى اظهر اعجابه اوى تلاقى المزاج يبقى احلى والتقسيمة تطلع خرافية
وانا كمدون ما اقدرش ادون تقسيمة لن زى ماقلت من قبل ان الادليب بيبقى العلامات مش فى مقاساتها الطبيعية
وحتى لو اتكتبت اولا حاتبقى صعبة جدا وثانيا حيروح طعمها وتبقى سخيفة
طيب انا عايز اعزف اغنية الربيع فى حفلة الجمهور سميع يعنى ممكن اعزف تقسيمة .. انا بسمع تقسيمة فريد وآخد الروح بتاعتها واعزف التقسيمة ببصمتى انا
من هنا الدرس اللى تستفيده لا تبحث عن نوت التقاسيم فهى غير مجزية خالص ... لو توافرت فيك الشروط اللى قلت عليها فوق يعنى تسمع التقسيمة .. وتكون متفهم فى المقامات يعنى تحس ان التقسيمة بدأت بياتى مثلا بعدين ممكن تخرج منو على كرد يعنى تعمل مى بيمول وتقول جملتين تركز الكرد ( للمستمع ) بعدين ممكن تعمل فا دييز يبقى حجاز
او من البياتى تتحرك ناحية الهزام يعنى مئات من الانتقالات ولازم طبعا تكون سلسة عشان المستمع يحس بيها
على فكرة نفس القصة لو بتسمع قرآن كريم للقراء العظام بتوع زمان زى الشيخ مصطفى اسماعيل ومن كان فى عصره كانوا خبراء فى المقامات يعنى نفس السورة لو ابتداها بياتى وقالها فى كذا مكان فى نفس الليلة كان كل مرة بيقول اداء ومقامات مختلفة
واقول لكم على سر خطير ( طالما جبنا سيرة الشيخ مصطفى اسماعيل بالذات ) كان عبد الوهاب وام كلثوم شغوفين جدا جدا يسمعوه .... وانا اقول لكم على السر .. كانوا لما بيسمعوه ممكن يسرقوا منه نقلة لحنية يعنى من مقامين بعاد عن بعض ماحدش لصقهم مع بعض من قبل ... يعنى تخيل الجهلاء بتوع دلوقتى اللى بيقول لك الموسيقى حرام مع ان الشعائر الدينية فى كل الاديان فيها كمية رهيبة من الموسيقى يعنى حتى لما تسمع الآذان ده فيه موسيقى
وتخيل سيادتك لما كانت ام كلثوم وعبد الوهاب انهم كانوا بيتعلموا من موهبة الشيخ مصطفى اسماعيل نقلات مقامية خطيرة جدا جدا ما وصلتش لأن تدرس فى المعاهد الموسيقية
مع اطيب تحياتى عادل صموئيل

[عاشقة العود]

يا ريت استاذ عادل تدون اغنية الراحلة وردة الجزائريه "الوداع" مع اطيب تحياتي

[وادي أسامة]

ارجوك يا استاذ عادل اريد نوتة للموسيقى التصويرية لمسلسل العراف والموسيقى موجوده بالمرفقات

الاخ العزيز
اولا اهلا بك فى المنتدى
هى المشكلة ان الموسيقى دى موزعة يعنى لحن اساسى فوق وتحته حاجات تانية كتير بتتعزف مع بعض
المشكلة ان احنا ممكن نكتب اللحن الاساسى لكن كتابة التوزيع بتبقى صعبة شوية وعمرها ما بتطلع دقيقة لن الموزع بنفسه هو بيكتبها بإيده يعنى عارف اصوت الاول ايه ثم اصوت التانى ايه ثم الثالث وهكذا
لكن احنا لما بنسمعها الاصوات الكتير دى بتتداخل بتلخبطنا
والمشكلة كمان الطريقة الحديثة بتاعة دلوقتى غير بتاعة زمان يعنى زمان كان اوركسترا بيعزف مع بعضو وكل عازف لو بارت او صفحة التوزيع بتاعته زى الموسيقسى الكلاسيكية
لكن دلوقتى الوضع بقى مختلف ومزعج شوية ازاى ؟
ان بيبقى عادة عازف اورج واحد بس بيبقى شاطر اوى اوى
بيسجل اللحن الاساسى وهو بنفسه بيغير الصوت ويعزف حاجة على تراك تانى
ويغير الصوت ويعزف اضافة على تراك ثالث وهكذا يعنى عندو 24 تراك يفضل يحط عليهم اضافات
المشكلة الخطيرة انت بتعزف آلة ايه ؟
يعنى لو بتعزف آلة واحدة وعزفت اللحن الاساسى حايبقى المستمع سامع حاجة فقيرة اوى يعنى صوت واحد من اصوات كتير يحس ان حاجات كتير ناقصة .. لأن اللحن الاساسى هنا تقريبا جملة واحدة او جملتين
لكن لما تسمع اغانى زمان اللى من غير توزيع ممكن انت على عود او كمان او اى آلة موسيقية حسب شطارتك تعزف اللحن كلو بحذافيره والناس تصقف لك
عموما ان شاء الله اكتب لك اللحن الاساسى قريبا
مع اطيب تحياتى عادل صموئيل

[kamalia]

كل عام وانت بخير.عيد مبارك سعيد
الله يحفضكم

[sohersharaf]

الاستاذ الفاضل / عادل صموائيل

تحياتي لحضرتك...

مع حضرتك سهير محمد شرف موجة التربية الموسيقية بكفرالشيخ والجميع في توجيه التربية الموسيقية بكفرالشيخ يقدم لحضرتك تحياته واحترامه فنحن لم نطلب من حضرتك اي نوته الا وارستلها لنا مشكورا, ولي طلب عند حضرتك نوته اغنية ( الله يا بلادنا الله علي جيشك والشعب معاه - الحان محمد عبد الوهاب وغناء عبد الحليم حافظ)

ولسيادتك جزيل الشكر


سهير محمد شرف

الاخت العزيزة
اولا اهلا بكى فى المنتدى وسلامى الحار لكل اسرة التربية الموسيقية فى كفر الشيخ وببعت سلام خاص لأستاذة اسمها رضوى انا كنت مرة اديت محاضرة فى طنطا من كذا سنة كان فيها مجموعة من مدرسى الغربية ومن كفر الشيخ وقابلتها هناك وحسيت انها شاطرة اوى وييجى منها مش مدرسة عادية موظفة يعنى
ياريت تكونى تعرفيها وخليها تدخل معانا وتسجل فى المنتدى المنتدى لو قدرتى
الاول اهم شىء فيه هنا الاخ العزيز هيثم الصالحى فى اى مشاركة له هو عامل فهرس لكل النوت الموسيية اللى انا مقدمها فى المنتدى وهو عامل له تقسيم جميل جدا يعنى مقسم كل حاجة بعنوان يعنى انا من كتر ما بدون نوت انا بنسى دونت ايه والفهرس بتاع هيثم ده بيعتبر المرجع بتاعى عشان ساعات كنت بدون نوت اكون مدونها تانى
فى الفهرس ده حتلاقى حاجات تكفيكى كمدرسة موسيقى لمدة سنين طويلة ومش حتلاقيها فى مكان تانى غير هنا
لنى كموجه اول موسيقى سابق باخد بالى جدا طبعا من طلبات المدرسين اخوتى بالذات وبحاول اخليهم يعزفوا حاجات كان من المستحيل انهم يعزفوها معلش اتعبك شوفى الفهرس ده ولو الانية مش موجودة طبعا يسعدنى جدا انى ادونها لك
وكلام فى سرك احنا الايام الصعبة دى محتاجين اكبر كمية ممكنة من الاناشيد الوطنية وبالذات الحلوة اللى تجذب المستمعين وبالذات التلاميذ اللى بيسمعوا القرف اللى بيتقال الايام دى ونفسى نعمل لهم غسيل اذن وغسيل وجدان وجرعة كبيرة شوية من الوطنية لأن بينى وبينك الوطنية اليومين دول بقت عندها شوية انيميا
مع اطيب تحياتى ومنتظر ردك عادل صموئيل

[sohersharaf]

شكرا جزيلا لحضرتك .. وحاضر هسال علي الاساذه رضوي دي واوصلها سلام حضرتك ليها واوصي عليها كمان.
بخصوص النوته الخاصه باغنية ( الله يا بلادنا الله علي جيشك والشعب معاه ) انا دورت في الفهرس الي حضرتك قولتلي عليه ولكن لم اجدها.

شكرا


سهير شرف

المشاركة الأصلية كتبت بواسطة sohersharaf

الاستاذ الفاضل / عادل صموائيل

تحياتي لحضرتك...

مع حضرتك سهير محمد شرف موجة التربية الموسيقية بكفرالشيخ والجميع في توجيه التربية الموسيقية بكفرالشيخ يقدم لحضرتك تحياته واحترامه فنحن لم نطلب من حضرتك اي نوته الا وارستلها لنا مشكورا, ولي طلب عند حضرتك نوته اغنية ( الله يا بلادنا الله علي جيشك والشعب معاه - الحان محمد عبد الوهاب وغناء عبد الحليم حافظ)

ولسيادتك جزيل الشكر


سهير محمد شرف

الاخت العزيزة
اولا اهلا بكى فى المنتدى وسلامى الحار لكل اسرة التربية الموسيقية فى كفر الشيخ وببعت سلام خاص لأستاذة اسمها رضوى انا كنت مرة اديت محاضرة فى طنطا من كذا سنة كان فيها مجموعة من مدرسى الغربية ومن كفر الشيخ وقابلتها هناك وحسيت انها شاطرة اوى وييجى منها مش مدرسة عادية موظفة يعنى
ياريت تكونى تعرفيها وخليها تدخل معانا وتسجل فى المنتدى المنتدى لو قدرتى
الاول اهم شىء فيه هنا الاخ العزيز هيثم الصالحى فى اى مشاركة له هو عامل فهرس لكل النوت الموسيية اللى انا مقدمها فى المنتدى وهو عامل له تقسيم جميل جدا يعنى مقسم كل حاجة بعنوان يعنى انا من كتر ما بدون نوت انا بنسى دونت ايه والفهرس بتاع هيثم ده بيعتبر المرجع بتاعى عشان ساعات كنت بدون نوت اكون مدونها تانى
فى الفهرس ده حتلاقى حاجات تكفيكى كمدرسة موسيقى لمدة سنين طويلة ومش حتلاقيها فى مكان تانى غير هنا
لنى كموجه اول موسيقى سابق باخد بالى جدا طبعا من طلبات المدرسين اخوتى بالذات وبحاول اخليهم يعزفوا حاجات كان من المستحيل انهم يعزفوها معلش اتعبك شوفى الفهرس ده ولو الانية مش موجودة طبعا يسعدنى جدا انى ادونها لك
وكلام فى سرك احنا الايام الصعبة دى محتاجين اكبر كمية ممكنة من الاناشيد الوطنية وبالذات الحلوة اللى تجذب المستمعين وبالذات التلاميذ اللى بيسمعوا القرف اللى بيتقال الايام دى ونفسى نعمل لهم غسيل اذن وغسيل وجدان وجرعة كبيرة شوية من الوطنية لأن بينى وبينك الوطنية اليومين دول بقت عندها شوية انيميا
مع اطيب تحياتى ومنتظر ردك عادل صموئيل

[خالد ابوشقرة]

لو سمحت يا استاذ عادل انا عايز نوتة أغنية(رافضك يا زمانى) للفنان\ مدحت صالح
يا ريت لو حضرتك تكتبهالى فى موعد اقصاه 20/11
حتى اعزفها فى حفل تابع للأدارة

خالد مصطفى ابو شقرة

الاخ العزيز
اهلا بك فى المنتدى
لما يكون جد محتاج حاجة مستعجلة ويكون فى الإمكان انى ادونها انا تحت امرك ان شاء الله قبل الميعاد
مع اطيب تحياتى عادل صموئيل

[slimaloui]

المشاركة الأصلية كتبت بواسطة عادل صموئيل

احبائى
يسعدنى ان ابدأ معكم قسم طلبات النوتة من جديد هنا
لأن موضوع طلبات النوتة الاول عدد الصفحات زاد بشكل اصبح من الصعب اننا نكمل فيه , وقد قامت ادارة المنتدى مشكورة بغلقه يعنى يفضل كما هو لكن ماحدش يقدر ينزل فيه مشاركات
والمشاركات والطلبات ان شاء الله حتكون هنا فى هذه الصفحة الجديدة حانكمل فيها المشوار ان شاء الله
طبعا الطلبات القديمة ان مش بنساها والموضوع طبعا موجود عشان ابحث فيه عن طلباتكم
واشكر الاخ العزيز هيثم الصالحى على تعبه فى عمل الفهرس ... والفهرس طبعا شغال زى ماهو
مع اطيب تحياتى

الرجاء منكم أخي تمكيني من تنزيل المرفقات فكلما أردت التنزيل أجد عبارة "المرفقات مخفية مؤقتا " وانا بحاجة أكيدة لها فمذا أفعل أرجوك ساعدني و لكم جزيل الشكر

اخى العزيز
هو فيه مشكلة فنية فى السيرفر عاملة تعطيل لجميع المرفقات عمومما فى كل اقسام المنتدى ومن المؤكد ان ادارة المنتدى مش ساكتين يعنى بيشتغلوا لحل الموضوع فى اسرع وقت ان شاء الله
بس هو المفروض ان اى عضو بيدخل المنتدى او اى منتدى انو يحمل كل اللى بيحتاجه ما ينتظرش الظروف لأن المنتديات عموما كثيرة الاعطال يعنى انا مثلا فيه منتدى بنزل منه اغانى عشان ادونها مش بنتظر لما احتاج الاغنية وادخل واحملها ولكن بدخل كل ما اكون فاضى واحمل منو على قد ماقدر بحيث تبقى الملفات موجودة عندى واكتبها لما ربنا يسهل بعمل حساب ممكن عيز احمل حاجة يكون النت عطلان او المنتدى نفسه عطلان
مع اطيب تحياتى عادل صموئيل