طلبات نوتة أ / عادل صموئيل الجزء الثانى

[armendo]

اخى العزيز استاذ عادل

يا سلام احلام ارمندو ماتنزلش الأرض ابدا مش كده ولا ايه؟

اشكرك على النوته الجميله لهذ الأغنيه الجميله للراحله شهر زاد واخدت منى فقط خمس دقائق لسهولتها ودقتها.

عزيزي الأستاذ عادل عندى كلمتين احب انك تعيهم جيدا ,احترامى وتقديرى لشخصك لم يكن مصدرها فقط انتسابك للفرقه الموسيقيه الأشهر فى الوطن العربى وهى بالطبع اضافه قويه لشخصك الكريم وان لم تكن الأساس ,فاحترامى وتقديرى لك يرجع فى المقام الأول الى سماتك الشخصيه التى تتحلى بها والتى اثبت من خلاها انحيازك الكامل للهواه والمبتدئين الذين بالكاد يقرأون النوته ويعزفون اصعب الألحان بسهوله ويسر... يا عزيزى لقد اصبحت صفحة طلبات النوته هى قبلة كل هواة الموسيقى من العازفين ليستفيدوا من تدوينك المبتكر للنوت انا شخصيا لم اكن احلم بعزف اغنية مضناك جفاه مرقده بهذه السهوله فانت صاجب فضل يا استاذ عادل ..اما حلاوة الروح وخفة الدم فحدث ولا حرج ولذا استطعت ان تستأثر بحب واهتمام كل اصدقائك بالصفحه وايضا باحترامهم والفنان الحقيقى يا صديقى هو من يؤثر ويتأثر بمن حوله فيحدث التفاعل الذى تراه يوميا من خلال مشاركات اصدقائك واحبائك.

كل الأحترام والتقدير لشخصك الجميل
احمد (ارمندو)

[dorame]

[QUOTE=عادل صموئيل;605864]

احبائى

اشكركم فؤدا فردا على شعوركم
انا راجل بتاع شغل يعنى بحب اشتغل اكتر مما اتكلم
اقدم لكم

عسل وسكر

للفنانة شهرزاد

الاستاذ عادل صمووئيل
انت اللي عسل وسكر
شكرا جزيلا لك
هناك اغنية لوردة الجزائرية رحمها الله اسمها
لا تقل لي ضاع حبي من يدي
اعتقد انها لحن البروفسور رياض السنباطي اذا ممكن تتدون متى سنحت لك الفرصة

[وائل علوي]

الاخ العزيز والمعلم الفاضل عادل صموئيل
تحية طيبة...... لن استطيع ان ازيد على كلمات اخواني الاعضاء لانهم قالوا اكثر مما كنت اريد قوله
بصراحة انا دخلت الصفحة النهاردة فقط بقالي كم يوم معدتش عليها وصفعت بخبر اعتزالك وتضايقت كثيرا وكنت اتصفح الردود وانا على يقين تام ولهفة بان تقع عيني على تعليق منك بالعدول عن هذا القرار لانني اعرف شخصيتك تماما,, صحيح انا لم اقابلك ولا مرة لكن معاشرتنا لك في المنتدى اثبتت لنا الكثيرعن اخلاقك النبيلة وان رجل معطاء مثلك لا يمكنه التخلي عن اصدقائه واحبابه وتلاميذه واعلم جيدا انك لا تستطيع العيش بدون الموسيقى ونشر كل ما لديك للعالم اجمع
وصدقني عندما رايت مشاركتك الاخيرة ونوتة عسل وسكر هزتني كثيرا كلمتك التي قلت فيها انا راجل بتاع شغل ومحبش كلامي يكون اكثر من افعالي
بالفعل هو ده عادل صموئيل صاحب الانتاج الموسيقي الضخم وانت كالنهر الذي لا يتوقف عن العطاء
انا التمس لك حساسيتك من هجوم بعض المبغضين والحسودين وصدقني يا عزيزي اعلم انك تؤلمهم وتوجعهم بهذا الكم الهائل من الانتاج والشغل والتحليل والتأريخ فلا تستغرب حسدهم وحقدهم عليك وانت اعرف الناس انه لابد للنجاح من ضريبة وانت طول حياتك كنت شاهدا على مثل هذه الازمات التي تعرض لها كبار الفنانين بحكم صلتك القريبة بهم
كلمة شكر وعرفان للاخ القدير محمد الالاتي على تصرفه الحكيم وتدخله في الوقت السليم
تفضل استاذ عادل الملف الصوتي لنشيد موطني
مع خالص تحياتي واحترامي لكل من ساهم في عدول استاذنا عادل عن قراره

[memahima]

انا مبسوطه اوووى ان حضرتك رجعت تانى ياريت بجد مفيش كلام اى حد يأثر فى حضرتك
واهى حكمه واتقالت الشجره المثمره يقذفها الناس بالحجاره وحضرتك قيمتك عندنا اكبر بكتير
من اى حاجه ويارب يخليك لينا عالطول
الابنة العزيزة
اشكرك ومبروك النجاح المبهر وطبعا مش كتير على تلاميذى
بس وحياتك انا الصورة اللى انتى حاطاها اللى الجيتار بيتشوى دى بتخلى جسمى يقشعر
يعنى لو عايزة تحطى صورة فيها نار حطى لنا واحد بيشوى كباب او فراخ
وانا عليا السلاطات والعيش
مع اطيب تحياتى عادل صموئيل

[sayed_lv]

السلام عليكم
استاذى العزيز عادل باشا صموئيل
انا مش هتكلم فى موضوع الاخ اللى بيتفزلك ده لان الموضوع خلاص مات و اتدفن
و اعتذر عن قلة مشاركاتى .. لكن انا متابع المنتدى بشكل دائم
و انا اوافق على اقتراح الاستاذ عاصم المنشاوى و يوم الجمعة كويس جدا و مناسب
و لو اوك انا جىىىىىىىىىىىىىىىى
ياللا ميين قال انا كمان ؟؟!!!!

[عزت شحاته]

[QUOTE=عادل صموئيل;605864]
احبائى

اشكركم فؤدا فردا على شعوركم
انا راجل بتاع شغل يعنى بحب اشتغل اكتر مما اتكلم
اقدم لكم

عسل وسكر
================
عشان حضرتك انسان حلو
ف لازم لما ترجع
ترجع ومعاك عسل وكمان سكر
----
الف مليوووووووووووووووووووووووووووووون شكر
=============
الجمعه مش عارف بس هاحاول
لان مواصلات الصعيد بقت سيئه جدااااااااااااااااااا
اليومين دول

[وائل علوي]

اخي واستاذي الفاضل عادل صموئيل
والله انا محرج منك جدا ومكسوف اطلب منك هذا الطلب لكنني مضطر ومحتاجه في اقرب وقت وسالت الاستاذ احمد الجوادي اذا كان متوفر لديه ام لا ولم يرد عليا الى الان بسبب مرضه ربنا يشافيه ويعافيه واخشى انه غير موجود عنده لذلك لجأت اليك
الطلب هو سماعي حجاز جوكسيل من اروع السماعيات التركية وانا اعلم انك اذا سمعته سيدخل قلبك وتحبه
الرابط مرفق معه النوتة مصاحبة للعزف وانا حاولت اعمل برنت سكرين له وياريت يا استاذ عادل تعيد كتابة هذا السماعي باسلوبك السلس وطريقتك الشيك
منتظر ردك مع خالص احترامي وتقديري وحبي لشخصك الكريم
واسف على الضغط ده
samaai hijez Goksel Baktagir ط³ظ…ط§ط¹ظٹ ط*ط¬ط§ط² By Ghanjati Sofiene - YouTube

اخى العزيز وائل
املا نشيد موطنى عجبك ؟ عشان انا كنت اول مرة اسمعه
السماعى ده مش محتاج كتابة تانى هو الشكل الصعب ده لو انا كتبته تانى للتبسيط بضاعف الوحدات حايبقى عشرة على اربعه وبعدين ممكن ناس تعترض وما اخلصش منهم
بس هو فيه ثلثية مكتوبة فى النوتة الفرقة بتعزفها كروش واحدة مش عارف ليه ... ولا انت عايز يتكتب زى ماهو يعنى عشان النوتة تبقى اوضح ؟ بس هو انا سمعت منو حتة هو جميل اوى طبعا
مع اطيب تحياتى عادل صموئيل

[جوليانا]

السلام عليكم ورحمه الله وبركاته

الحمدلله الحمد لله
وبنشكررررك استاذ محمد على دورك المهم في السخافه اللى تعرض لها حبيبنا الاستاذ عادل وانهائها على اكمل وجه
ويااااااااااا جبل ما يهزك ريح

[salhi_haithem]

السلام عليكم ورحمه الله وبركاته
الى الامام استاذ عادل امتعنى بانتاجك الفني و العلمي و احنا معاك يا ريس و في انتظار جديدك... و جملتك الجميلة التى قلتها تكتب دموع العين حقيقة "انا راجل بتاع شغل يعنى بحب اشتغل اكتر مما اتكلم" .. و انا اتذكرت قصة لشيخ من المشايخ و العلماء حين ذهب الى المانيا للعلاج و هو كان يعاني من ذبحه قلبية و كان ذهابه خلسة الى المانيا بعيد عن الاعلام فحين وصوله كان الناس يتوافدون من كل مكان "من فرنسا و ايطاليا و اسبانيا" و كان الوفد الذي يصاحبه يعتذرون للناس لان صحة الشيخ لا تسمح و كان الشيخ حين يسمع صوت الناس يقول للمرافقيه استقبلوهم و كان يستقبلهم و يتحدث اليهم .. ثم اجرى العملية الجراحية و بقي اسبوعين في فترة نقاهة الى ان قال الى مرافقيه جملة عجيبة "انا لا اريد ان ابقى على هذه الحال بل اريد ان احياء" فأقاموا له عدة مؤتمرات و ندوات دعوية .. فكان يخطب لساعات و كأنه في صحة جيدة.. مختصر الحديث و العبرة ان حياته في الدعوة رغم المرض و كان يحس بالحياة في الدعوة و لا يكترث للمرض امام ما يحب فعله
هيثم
اشكرك يا هيثم
بالفعل انا كل يوم حتى لو مريض بموت لازم اكتب ولو كام سطر ولو تشوف على جهازى فيه نوت كتير من الاغانى اللى انا مش بفضلها اوى شغال فيها يعنى كل كذا يوم بكتب فيها حاجة لحد ما اخلصها
اما النوت اللى بفضلها دى خارج النطاق يعنى اغنية الويل الويل انا بحبها جدا اول ما قريت الطلب ابتديت فيها وخلصتها بعد ساعتين
والشىء الاهم ان فيه اغانى من الصعب ان حد يكتبها غيرى اولا عشان اشتغلت فيها وحافظ كل حرف وثانيا لو جبت افضل مدون فى العالم وقلت له اكتب اغنية 22 صفحة
بدون مقابل اكيد مش حيوافق لأنه حايقول فى الوقت اللى ادونها فيه اكون كسبت كذا الف جنيه ... وانا طول عمرى الفلوس مش فى مخى يعنى بكتب النوت واضعها فى المنتدى ومش عارف ممكن توصل لمين او فين ولكن اتمنى ان تصل الى كل الدنيا لأن فيه ناس اعتقد ممكن يستفيدوا منها ... وللعلم الاغانى اللى عدد صفحاتها كبير يعنى مجهدة جدا جدا وحتى لما انتهى من التدوين المراجعة بتكون محتاجة ذهن اكتر من التدوين يعنى فيه حاجات خطيرة جدا جدا زى الدليل اللى بيكون فيه علامة شرقية نصف بيمول بتتوضع بعد ما اللحن يخلص وانا اثناء التدوين بعمل لنفسى حاجة تبين ان المى نص بيمول مثلا تبدأ من كذا الى كذا وماينفعش اضع العلامة اثناء التدوين لأن لو عملت اى اختصار فى التدوين الشرطة بتتحرك وتلزق فى مكان مش مكانها واحيانا مش ممكن تنمحى تبقى النوتة فسدت كلها لننا بنتحايل على تصميم البرنامج نفسه لذلك لازم اكتب اللحن كله واستقر على الشكل والاخراج بعدين اضع العلامات الشرقة اللى فى الدليل
اما بالنسبة للإخراج برضو ده مشكلة يعنى فى لحن عسل وسكر مثلا هو طلع صفحتين وسطرين المفروض انى ممكن على الكمبيوتر ادخل او اسحب السطرين الزيادة على الصفحتيت عشان العمل يبقى صفحتين فقط ولكن حسيت ان شكل اللحن حايبقى مزنق شوية ... وللعلم انا بقرأ كل كلمة بيكتبها الاعضاء الاعزاء يعنى واحدة قالت لى من مميزات نوتى انها الموازير واسعة حلوة فى القراءة مش مزحومة وللعلم الزحمة ممكن تخليك تغلط مع السرعة يعنى لو تلاحظ لو انا ماشى كل مدرج 4 موازير لو جت مازورة زحمة يعنى فيها ايقاعات كتير بعمل طرد مازورة للسطر التالى ويبقى السطر 3 موازير
بس الموازير واسعة عشان تكون سهلة وواضحة يعنى المجهود مش تدوين فقط لكن حاجات تانية كتير ... ساعات بكتب لحن فى سرعة 100 بعدين اكتشف بعد خمس سطور ان شكلو صعب على المبتدئين بمسحه واكتبه تانى على سرعة 140 عشان تبقى لايقاعات اسهل اسا الموضوع انى بحب شغلى مش بشتغل عشان اى فائدة مادية
حتى فى الردود عليكم فيه ناس بنزل مواضيع وتستجدى الردود يعنى ينزل موضوع وكل ما واحد يرد عليه يرد هو عليه والتانى يرد تانى ونفضل موضوع واحد عليه 500 رد
انا هنا برد عليك لأنك فتحت موضوع ... لكن الردود العادية انا بقراها وحبكم فى قلبى لكن مش برد عشان ما ازودش عدد الصفحات والنوت تضيع وسط الزحمة
وعايز اقول حاجة طريفة جنب بيتى محل فول وطعمية بيشتغل فيه 3 اشقاء عندهم مرض الرغى والتوقف عن العمل يعنى لو هو بيعمل السندويتشات وواحد سأله سؤال يبطل شغل ويقف يرد ربع ساعة ونبهته كذا مرة انو يتكلم وهو بيشتغل بس مش نافع والمصيبة ان ال 3 اشقاء فيهم العادة دى المشكلة ان الصبح بيبقى فيه تلاميذ مستعجلين على الساندويتشات عشان يلحقوا ميعاد المدرسة
مع اطيب تحياتى عادل صموئيل

[عمرو الهنداوي]

أستاذ عادل
من فضلك لاتنسى موسيقا برنامج العلم والايمان
فقد طلبها الاخوة من مدة ولو مش عند حضرتك التسجيل لها
انا عندى تسجيل لها عالى الجودة اذا طلبت

كل التحية