نوت متنوعة - الصفحة 29

**عادل صموئيل** · #1 31/05/2010, 21h40

الأخ العزيز عزت سحاته
اولا سلامى الى اهل مغاغة
ثانيا اقدم لك نوت الترانيم المطلوبة انا حبيت اكتبهم بسرعة لما قلت انك حا تدرب الشباب منهم ما حبيتش اضيع عليك وقت مع اطيب تحياتى بس ادعى لنا دعوتين

**armendo** · #2 01/06/2010, 13h47

اقتباس:

المشاركة الأصلية كتبت بواسطة عمرو الهندواى

ياجماعة حد عنده نوتة اغنية اهوك لعبد الحليم بس تكون مكتوبة صح وكاملة مش زى الحاجات اللى انتم

عرفنها
انا مش اقدر اثق فى النوتات المتنشرة لها
نفسى تكون مكتوبة كدة زى ما استاذ عادل كتب حبيتى من تكون حتى التوزيعات والهارومونى كان مكتوب
فى حد عنده نوتة لاهوك زى كدة؟
كل التحية

اخى عمرو هذة نوتة اهواك على اللة تعجبك مع تحياتى....ارمندو

**عادل صموئيل** · #3 01/06/2010, 21h58

اقدم لكم نوتة
عينية بتضحك وقلبى بيبكى
مع اطيب تحياتى

**waleed.d** · #4 03/06/2010, 20h11

اقتباس:

المشاركة الأصلية كتبت بواسطة عادل صموئيل

اقدم لكم نوتة
عينية بتضحك وقلبى بيبكى
مع اطيب تحياتى

اخي عادل مش عارف الزاي اشكر حضرتك ...
رائع .. رائع .... رائع .....
اخي عادل انا بحب كثير مقام كاركرد بدي اطلب من حضرتك تحويل النوتة
لمقام كاركرد لو سمحت.. الله يديمك ويسعدك
وليد
عزيزى وليد
اليك ماطلبت بس انصحك حاول تعزف على مقام الكرد ايضاً
مع اطيب تحياتى عادل صموئيل

**عادل صموئيل** · #5 03/06/2010, 22h21

احبائى
اقدم لكم
ماعندكش فكرة كاملة
كنت قدمت منها جزء من قبل ولكن الاغ العزيز هيثم الصالحى طلبها كلها
مع انها تعبتنى جدا لكن انا سعيد جدا انى اقدمها لكم
مع اطيب تحياتى

**وائل علوي** · #6 02/06/2010, 21h24

اقتباس:

المشاركة الأصلية كتبت بواسطة OuDsOuL

في البداية اعرف جيداً ان طلبي يستحق العناء والتعب في تحقيقه ولكن اسمح لي اخي الكريم تلبية هذا الطلب
النوتة الموسيقية الكاملة لاغنية رق الحبيب للراحلة ام كلثوم
بتوضيح كل كلمة في النوتة الموسيقية لانني ضعيف في قراءة النوتة بعد
ولك مني استاذي الفاضل كل التحية
شكرا لك ولمنتدي سماعي

تفضل اخي نوتة رق الحبيب من تدوين استاذ عادل وهي كاملة
تحياتي
وائل

**عاصم المنشاوى** · #7 04/06/2010, 05h33

الأصدقاء
صباح الخير عليكم
الاستاذ/احمد ابوعلاء "نور الصباح"...انت اللى جميل ...يانوارتنا...
الاستاذ/عادل بك ...تسلم ايدك يامعلم على "معندكش فكرة"...وهى مجهدة زى كل ألحان حلمى بكر....حضرتك خد بريك بقى...عشان "خلاص مسافر"انشاء الله تكون فى الخطة...وهى الأغنية الوحيدة فى مصر ...اللى المجموعة الكورال بيقول فيها موال ...مش المطرب..
وليد100...انا شفتك امبارح فى المنتدى وماكتبتش حاجة..
الأستاذ/هيثم الصالحى....حمداللاه ع السلامة...وربنا معاكو ياجماعة فى مشاكلكم..

الاصدقاء ...انا منزل لكم أغنية "ساكن قصادى وبحبه"...وهى أغنية "حريمى"...يعنى ماينفعشى يغنيها ألا واحدة ست...لأنه "حسين السيد" هو أصدق من كتب وسجل ودون مشاعر واحاسيس المرأةبصدق كأنه واحده ست....وده تمكن من حسين السيد...لأنه ماحدش من الرجالة بيقدر يفهم الستات ...نادرا...اسمع له برضو أغنية "حبك الجبار"لنجاة وبليغ...حسين السيد أكتر مبدع يقدر يكتب لنا حدوتة...زى الأغنية دى "ساكن قصادى" وزى اغنية "فاتت جنبنا" غنوة فيها حدوتة...
الأغنية تلحين :محمد عبد الوهاب...الذى صال وجال وعمل جو فرح وجو احباط وحزن وموسيقى تصويرية ...لذا كانت من كلاسيكيات الأغنية المصرية...

السؤال دلوقتى ...هل ينفع نسمع اغنية زى دى فى عصر التشات وال SMS والأيميل وغيرها؟؟؟؟؟
طبعا النوتة احد ابداعاتى فى تصويرها وسحبها سكانر وهى للمحترفين فقط ...مش فى سلاسة استاذنا /عادل بك....النوتة تنوين الاستاذ /محمد عاطف خياطة...من حقه علينا أن نذكر اسمه...

**نور الصباح** · #8 04/06/2010, 11h08

الأخ الحبيب والصديق الغالى الأستاذ /
عــــــــــــــــــــــــــــــــــــــاصم المنشـــــــــــــــــــاوى
سلام الله عليكم ورحمته وبركاته
وبعــــــــــــــــــــــــــــــــــــــد :
نيابة عن الأخوة الأحبة وأصالة عن نفسى أشكرك جزيل الشكر
على هديتك الجميلة ( نوتة ســـــــــــاكن قصادى )
ولكن النوتة ناقصة كتير واسمح لى أن أهديكم النوتة التى أحتفظ بها ( ساكـــن قصـــــــادى ) بس ساكن على اليمين
وهى كاملة لعلها تنفعكم وتنفع الجميع
وشكرررررررررررررررررررررررررررررررررررررررررا
أخوكـــــم /نور الصباح

**عادل صموئيل** · #9 06/06/2010, 02h25

احبائى
اتحدث اليكم من القاهرة والساعة اآن الخامسة و12 دقيقة صباحا
ويشرفنى ويسعدنى ان اقدم لكم نوتة من العيار التقيل جدا جدا او التقل فى حد ذاته رائعة ام كلثوم والسنباطى
حسيبك للزمن كاملة
طبعا الاغنية دى صعبة جدا مش ممكن حد يتهور ويتطوع ويكتبها لكن انا مشكلتى التحدى
هنا انا عملت شىء اتعقد انى عملت شىء يعنى
لما تسمع الاغنية تلاقى الكتر من 70 % منها ادليب انا كتبت الادليب على ميزان وده اللةى اعتبره مدرسة عادل صموئيل فى الكتابة ولكن بإستثناء ادليب الكوبليه الثانى الذى من المستحيل كتابته على ميزان لأن ازمنته غير قابلة للتقنين
طبعا انا الادليب عندى فى الكتابة لكما اكتبه ادليب اسهل من انى اضعه فى ميزان لأن الوضع فى ميزان بيحتاج منى تفكير طويل فى كل جملة اضعها كيف على ميزان بدون أن افسدها
طبعا كل الكلام ده عشانكم يعنى الجملة الموزونة بالنسبة لكم اسهال كتير من الادليب
وفى هذه اللحظة خطر على بالى الصديق العزيز المرحوم رياض السنباطى وزملائى الاعزاء عازفى فرقة ام كلثوم رحمها الله ورحمهم جميعا كنت اتمنى يكونوا موجودين يشوفوا الانجاز ده لكن البركة فيكم
طبعا الجملة اللى كررتها من قبل لازم تكون حافظ اللحن جيدا قبل البدء عشان الادليب يطلع مضبوط وكما كررت كثيرا مفيش حد ممكن يكتب الادليب بالشعرة لكن ان كتبت بقدر الامكان اللى ماحدش يقدر يكتبه لكن انت لما تكون حافظ اللحن بتقدر تشكل المكتوب عشان يطلع 100%
عايز اقول حاجة اخيرة : لو تواجد 100 شخص من امهر المدونين فى العالم كانوا حيدونوا الادليب ادليب كما سمعوه لكن انا من حصيلة خبرتى مع اساتذتى العمالقة بفكر ازاى استخدم الخبرة فى ابتكار الطرق لتسهيل القراءة
وده لحن من الالحان اللى طبعا تنميت اكتبهم قبل ما اموت
مع اطيب تحياتى واتمنى ان اكون اضفت لكم شىء

**armendo** · #10 07/06/2010, 08h34

اقتباس:

المشاركة الأصلية كتبت بواسطة swaifi73

الأخ والأب العزيز عادل صموئيل والأخوة الأفاضل في المنتدى
أطلب نوتة موشح (يا غريب الدار بأفكاري كم تخطر ليلا ونهار)
لفؤاد عبد المجيد
مع تدوين أسم وميزان الإيقاع (الدرب) المستخدم فيها
وأذا لم يوجد عندك وقت الأن يا استاذ عادل بس أرجو تدوين أسم وميزان الإيقاع المستخدم فيها
ولك ولجميع الأخوة الأفاضل في المنتدى جزيل الشكر والعرفان

اخى العزيز اذا كنت من هواة اغانى الأستاذ فؤاد عبد المجيد اليك نوتة عجبا لغزال من تدوين الأستاذ عادل ارجو ان تفى بالغرض حتى تعثر على نوتة يا غريب الدار مع تحياتى ....ارمندو