كلمات اغاني محمد فوزي

[ليلى ابو مدين]

داري العيون


داري العيون داريها السحر ساكن فيها

الحب نام فى العيون صحى قلوب الناس
و قال فى وصف الجفون دى خمرة من غير كاس
النظرة منها تسكر
و اللفتة منها تأسر
عيون تشوفك تنده لك برموش تشاور عالخدين
و عيون تقول لك بعد النهاردة أقابلك فين
و عيون تبصلها تدوب فى تسبيلها
داري العيون داريها السحر ساكن فيها

عيون تبوح بالغرام و تقول لك اهواني
و عيون تقول لك حرام لو كنت تنساني
و عيون تقول لك أنا لي حبيب تاني
و عيون تشوفها تسلم للهوى سلاحك
و من العيون و الجفون يا وعدي آه ياني
و عيون تُبصلها تدوب فى تسبيلها
داري العيون داريها السحر ساكن فيها
داري العيون
******

[ليلى ابو مدين]

احلف لك


أحلف لك مية يمين ما رأينا الحسن ده
ونبقى كذابين لوقلنا غير كده
أحلف لك ....
قالولنا عالغزل قلنا لهم عندنا
وقالولنا عالجمال قلنا لهم من هنا
والورد مال وقال وقال خليتِ ايه لنا
بهواك متيّمين وغلابة وشقيانين
أحلف لك مية يمين..
القلب لوحديد كان داب من رقتك
بيدق من بعيد على دقة خطوتك
وبحب من جديد لما بشوف طلعتك
ظلمانا ومحرومين وبنارك محروقين
وأحلف لك مية يمين...
قوامك غصن بان بيميل بيميل ويّـا الهوا
جرحني من زمان ولا جابليش الدوا
ايمتى يؤون الأوان وأنا وانت نعيش سوا
بغرامك تعبانين واحترنا نروح لمين
وأحلف لك مية يمين ما رأينا الحسن ده
********

[ليلى ابو مدين]

تعب الهوى قلبي


تعب الهوى قلبي والحلو مش داري
ولامتى حنخبي على بعض ونداري
تعب الهوى تعب الهوى قلبي
حبينا ودارينا وليلنا بيطول
ياريت ما خبينا على بعض م الاول
وصبرنا ما لاقينا الصبر بينول
وقلوبنا وعنينا مش راضيه تتحول
ضيعت ايامي بين شوقي وهيامي
وانام باوهامي واصحى على ناري
تعب الهوى تعب الهوى قلبي
تعب الهوى قلبي والحلو مش داري
ولامتى حنخبي على بعض ونداري
تعب الهوى تعب الهوى قلبي
كلمه شايلها له هي اللي شاغلاني
ياريتني اقولها له واعيدها من تاني
ياهل ترى في باله والا حينساني
ويميل لعذاله ويفوتني من تاني
مهما يوزعني حبه ملوعني
وحتى لو باعني برضه انا شاري
تعب الهوى تعب الهوى قلبي
من يوم ما كلمته في القلب خبيته
وفعيني نيمته وبرمشي غطيته
وبإيدي سلمته الروح وحبيته
من قلبي علمته الصبر وكويته
لا انا قادر احكيله ولا قادر اشكيله
واخاف اناديله لا تبان له اسراري
تعب الهوى تعب الهوى قلبي
تعب الهوى قلبي والحلو مش داري
ولامتى حنخبي على بعض ونداري
تعب الهوى تعب الهوى قلبي

*******

[ليلى ابو مدين]

احن قلب


احن قلب في الدنيا قلبك
انتي يا امي
واغلى حب في الدنيا حبك
انتي يا امي
ربيتي اختي كبرتي اخويا
تعيشي ليا انتي وابويا
انتي يا امي انتي يا امي
حبك يا امي يجري في دمي
وكل غالي يرخص عشانك
سهرتي جنبي وشلتي همي
وكل ما اكبر يكبر حنانك
وتسعديني دايما في قربك
انتي يا امي انتي يا امي
ربيتي اختي كبرتي اخويا
تعيشي ليا انتي وابويا
انتي يا امي انتي يا امي
انا اسمي غنوة على شفايفك
وانتي اسمي في قلبي غنوة
وكل لحظه بيبان لي عطفك
في كلمه حلوة ودعوة حلوة
والدعوة منك يسمعها ربك
انتي يا امي انتي يا امي
احن قلب في الدنيا قلبك انتي يا امي
واغلى حب في الدنيا حبك انتي يا امي
ربيتي اختي كبرتي اخويا
تعيشي ليا انتي وابويا
انتي يا امي انتي يا امي
*****