دعوه للمشاركه فى (((اغنيات متشابهه)))

**جابر المراغي** · #1 01/03/2012, 19h20

على فكره مادام ماحدش عبرنى وقال مين المطرب صاحب اغنية خلخال خطر عالقدم كل المحاسن فبه والصايغ اسمه حسن صانع جميع مافيه وكانت مهلتى للرد على سؤالى لحد الساعه 8 بالليل واحنا دلوقتى الساعه 9 بالليل وكان عشمى كبير فى السميعه الاسكندرانيه الكبار مضطر افصح عن اسم المطرب الا وهو المطرب الشعبى السكندرى وابن مدينة طنطا الفنان / حسان شراره

**محمد الصباح** · #2 01/03/2012, 19h44

كمان اغانى عن الليل
الليل الليل...شريفة فاضل
الليل نجاشى ..محمد عبد الوهاب
ليلى ونهارى..ام كلثوم
نادانى الليل..نجاة الصغيرة
اقبل الليل..ام كلثوم
عشاق الليل..عفاف راضى
نجوم الليل..فريد الاطرش
وهناك اغانى كثيرة عن الليل وللاعضاء المشاركة

**عفاف سليمان** · #3 03/03/2012, 03h11

اقتباس:

المشاركة الأصلية كتبت بواسطة طارق مكاوي

اسعد الله يومك بكل خير الاخت الكريمه
عفـــــــــــــاف
هناك كثيرااا من الاغنيات ذكر فيها اسماء بلاد عربيه عديده
مثل
لبنان الحب يا لبنان
ورده الجزائريه

http://www.sama3y.net/forum/showpost...6&postcount=64

يا حبيبتي يا مصر

شاديه

http://www.sama3y.net/forum/showthread.php?t=181&page=6

................

ارض الجزائر
عبد الحليم حافظ

http://www.sama3y.net/forum/showpost...3&postcount=13

سوريه حبيبتي
نجاح سلام

http://sama3y.net/forum/showpost.php...9&postcount=49

واخيرا تقبلي خالص احترامي لشخصك المحترم

اهلا اهلا
*****أ. طارق مكاوى*****
سعدت جدا بهذه المشاركه
الجميله
التى اعادت للموضوع الحيويه
من جديد
كما أتمنى ان لا تبخل علينا
بمزيد من المشاركات فى نفس اطار
الفكره
جزيل تقديرى واحترامى
لشخصك الكريم
خالص تحياتى

اقتباس:

المشاركة الأصلية كتبت بواسطة جابر المراغي

فتح الهوى الشباك والنوم طار منى سعاد محمد

الشاب الاسمر جننى ياعيونى سلب لى عجلى منى ياعبونى غبره ماباهوى شبان الله الله نجاح سلام

اقتباس:

المشاركة الأصلية كتبت بواسطة جابر المراغي

با اسمرانيه عبد اللطيف التلبانى

طير الطاير من عنا من عند الاهل كيف الزهر بموطنا كبف حال الاهل خبرنى ياطير بحياتك ياطير هاله الصافى شقيقة الفنان الكبير ومطرب الجبل وديع الصافى

ياحمامنا ياابيض ياابو الجناح متحنى بترفرف علينا ياابو العيون البنى للمطربه امل شريف والدة المطربه انغام

موال المطربه الشعبيه السكندريه بدريه السيداوبداره طلعت فوق السطوح انده على طيرى لقيت طيرى بيشرب من قنا غيرى زعقت من عزم مابى وقلت ياطبرى قاللى زمانك مضى دور على غيرى مشتاقه ياصغيره اسمع مواويلك ايه ياترى اللى جرى بحه غناويكى ولا دى حنيه فى الجلب مزويه احكى ياقمريه احكى ياقمريه

موال المطرب الشعبى السكندرى الشيخ امين عبد القادر امسيكوا بالخير ياورد على فله ياعود قرنفل رحلنا من منازلنا يامشمش مشينا فى روض الحسن لم طلنا ياتوت تهنا فى هواهم اللى فاتونا همه ياخوخ خانونا الحبايب واحنا والله لم خنا لو كان غيرنا حلى واحنا اللى مررنا انتم يهون عليكم واحنا الله يصبرنا

ورد البساتين للمطرب احمد سامى

ياللى تحب الورد الورد قطفته ليه فرقة الموسيقى العربيه

ورد عليك فل عليك لحبيب الكل المونولوجست المحبوب / محمود شكوكو

ايه ىااخواننا احنا نسينا ياحليوه ياحليوه ياحليوه فى القلب هواك غنيوه حبك نسانى ياحليوه كل الحلوين ياحليوه لماعيونك شغلتنى وعطفت عليه وجتنى ماعرفشى يانور عينى ليه الدنيا خدتنى

ابعت لى جواب وطمنى لعمنا صباح فخرى

فى يوم من الايام عبد الحليم حافظ / فى يوم فى شهر فى سنه تهدى الجراح وتنام وعمرى جرحى انا اطول من الايام

خمسه فى سته بتلاتين يوم غايب عنى وغاب النوم لمايجينى واشوفه بعينى احلف انه ماغاب ولايوم لحبيبتنا اللى واحشانا قوى الدلوعه شاديه اللى بتمثل وهيه بتغنى وبتغنى وهيه بتمثل

الحلو فى الفرانده شاورلى وبص لى والحلو فى الزمان ده ........... الخ

قولى ياحلو منين الله جابك ناظم الغزالى / هذى ابتسامات الورد تزهى على وجناتك وانت على ياحلو لاتبخل ابتساماتك لناظم الغزالى

الاخت الفاضله / غفاف سليمان اعتقد ان ابونور الجميل محمد عبدالمطلب عندما غنى السبت فات والحد فات وبعد بكره يوم التلات كان يغنى يوم الاحد الساعه 12 بالليل

قال ايه بيحب قال ايه له قلب قال بيحب قال قالوا قلبه مال قال ايه قال ايه قال صباح / قالوا احب القس سلامه وهو الشاب التقى الورع ام كلثوم

الباشا قمر الزمان على فكره خصام الاحبه بيزيدهم غلاوه لعبده السروجى جد الممثل / احمد السقا والملقب بالعندليب الاسمر قبل ان يطلق على عبد الحليم حافظ وهو جد احمد السقا من جهة الام يبقى خصام الاحبه بيزيدهم غلاوه مش قساوه خليك معايا

انا شفتك قبل كده يعنى صورتك مش غريبه هوه هوه الوجه ده ومدام ضحكتى تبقى انتى جارتى وساكنه جنبى فى الحى ده اهلا اهلا رتيبه / يارتيبه انتى الامل والروح ووجدانى بعد النهارده ماليش حبيب تانى هاعيش العمر وهاصونك حتى ولو هاتكونى بايعانى المطرب السكندرى / عزت عوض الله

مانتش عارفانى ازاى يانجاة دا احنا ياحبيبتى بلديات / بلديات وقابلتك مره وريتك مصر ومصانعها غناء ابو ادهم الفنان الشعبى الاصيل /محمد رشدى

فى قصيدة على باب مصر تدق الاكف ويعلو ويعلو الضجيج جبال تدور بحار بحار تهيج وكل تساءل فى لهفة اين ومن وكيف اذن امعجزة مالها انبياء ادورة ارض بغير فضاء وتمضى المواكب بالقادمين فى كل عصر وكل مجال فمن عصر مينا الى عصر عمرو لعصر جمال كامل الشناوى / عبد الوهاب/ ام كلثوم

زقزق العصفور صحانى قمت انا واهلى وخلانى قمنا شفنا بلدنا عروسه عايقه بالحسن الربانى غناء الملحن / محمد الموجى وطبعا تلحينه وليس احمد سامى

هناك اغنيه لفريد الاطرش خاصه بمشروع السد العالى مطلعها يااوسطى سيد يااوسطى سيد

الفرح الليله يازنوبه والدنيا عشانك مقلوبه ياهناه ياهناه يازنوبه اللى بترعاه زنوبه والناس حاسداه على زنوبه غناها محمد قنديل فى احد الافلام القديمه بمناسبة زواج ساميه جمال من شكرى سرحان فى الفيلم طبعا وساميه جمال كانت هيه زنوبه

خلخال خطر عالقدم كل المحاسن فيه والصايغ اسمه حسن صانع جميع مافيه اسم المغنى مش هااقوله دلوقتى ولكن عندكوا فرصه لحد الساعه 8 بالليل

سونه ياسنسن جيت لك اهوه لحبيبتنا اللى واحشانا موت الدلوعه /شاديه

قالوا كتير عالبنات وانا قولى على نعمه لابو خالد عاشق الاسكندريه / ابراهيم عبد الشفيع

اسكندرانى انا 100على 100 مخلص لاحبابى وفاتح لهم بابى انا انا اسكندرانى للمطرب السكندرى الاصيل / جابر الصغير

اهلا وسهلا بك
*****أ. جابر المراغى*****
جزيل احترامى وتقديرى
لهذه المشاركه الطيبه
واتمنى منك مزيدا
من المشاركات فى هذه الفكره
حتى تعم الفائده ع الجميع
سعدت بوجودك
وأتمنى لك وللجميع
اوقات طيبه
ارق تحياتى
اختكم عفاف
****ملحوظه صغير أ. جابر****
ياريت تكبر خطك
شويه حتى يراه الجميع
سلمت

**عفاف سليمان** · #4 03/03/2012, 03h21

اقتباس:

المشاركة الأصلية كتبت بواسطة جابر المراغي

على فكره مادام ماحدش عبرنى وقال مين المطرب صاحب اغنية خلخال خطر عالقدم كل المحاسن فبه والصايغ اسمه حسن صانع جميع مافيه وكانت مهلتى للرد على سؤالى لحد الساعه 8 بالليل واحنا دلوقتى الساعه 9 بالليل وكان عشمى كبير فى السميعه الاسكندرانيه الكبار مضطر افصح عن اسم المطرب الا وهو المطرب الشعبى السكندرى وابن مدينة طنطا الفنان / حسان شراره

ارجوا المعذره
(((((أ. جابر )))))
فلم يسمح لى الوقت
ان اتابع او اجاوب
ع الفزوره
تسلم على حل اسم الاغنيه
ومطربها
ونتمنى مزيدا من المشاركات
بس ياريت اذا سمحت
حضرتك تكبر الخط
حتى يستطيع الجميع
ان يقرؤه
ولك خالص تحياتى
على المشاركات الجميله

اقتباس:

المشاركة الأصلية كتبت بواسطة محمد الصباح

كمان اغانى عن الليل
الليل الليل...شريفة فاضل
الليل نجاشى ..محمد عبد الوهاب
ليلى ونهارى..ام كلثوم
نادانى الليل..نجاة الصغيرة
اقبل الليل..ام كلثوم
عشاق الليل..عفاف راضى
نجوم الليل..فريد الاطرش
وهناك اغانى كثيرة عن الليل وللاعضاء المشاركة

اهلا اهلا
وسهلا بحضرتك
((((أ. محمد الصباح))))
سعدت بهذه المشاركه الطيبه
ونتمنى مزيدا من التواصل
والمشاركات فى اطار الموضوع
وان يكون المطربون
من زمن الطرب والفن الأصيل
لك خالص تحياتى وللجميع
واتمنى لكم وقتا طيبا
اختكم عفاف

**جابر المراغي** · #5 03/03/2012, 23h56

ابنتنا العزيزه/ عفاف هانم سليمان (ام حماده) تصدقى بالله يوم الخميس والجمعه قعدت ادور على اغانى متشابهه ومش لاقيها وركبنى ميت عفريت لان الموضوع ككل كان شاددنى ولما مالقيتوش اتجننت والنهارده لما لقيته فى الشريط العلوى المتحرك فرحت فرحة التايه في الصحرا اللى لقى ميه تروي له عطشه بالمناسبه الحاجات الحلوه الفانتاستيك الى بتعمليها دى جايباها منين لانها بتدخل البهجه عليه وعلى حفيدتاى سلمت يداكى معلهشى( اصلها ماعليه شىء)انا لان مشاركاتى جت متاخره وباثر رجعى وبرضه انا بالفت نظر الاخوه السماعيين بان الفنانه لور دا كاش وهذا اسمها الصحيح وليس لوردكاش وكذلك الاسم الصحيح للمؤلف هوسمير محجوب وليس سمير محبوب لانه كان نوبى اليكى بعض المشاركات بالنسبه للوقت باقى دقيقه وبعد دقيقه احلام قلبى هاتبقى حقيقه لشفيق جلال / الحلوة والقمر ( ياللى انتى زى القمر ومنوره حيك غاب من كسوفه القمر اول مابان ضيك والله ياحلوه زمان ياورده فى البستان ياسكره ياسكره ازيك ياللى انتى زى القمريانرجسه وفله ع المغرمين طلى ابراهيم عبد الشفيع / ياحلو فهمنا شريفه فاضل/ اخرة طريقك فين حلو ياللى ماشى فايزه احمد /من غير زواق من غير كحله بيزيد جمالك وبيحلى عزت عوض الله / عن الورد ( صحبة الورد اللى اناقدمتهالك كلمات الشاعر السكندرى احمد السمره غناء عبد الحليم حافظ / التوقيتات ( خاصم شهر وصالح يوم / يوم واحد ارتاح م اللوم / ياللى مقضى هوانا خصام كفايه 29 يوم خاصم شهر وصالح يوم ( محمد رشدى)/ الاسامى (ميمى وفيفى وسوسو انا هااتجنن من دى اسامى اسماعيل يس واخيرا علشان جمالك ياوله علشان جمالك الشمس اختك ياوله والبدر خالك حسان شراره فيه فزورتين من مؤلف قصيدة فضض الماء ياقمرلنادره / ماهى الاغنيات الثلاثه لعزت عوض الله التى تبدأ بكلمة الحلومره تانيه الشكر الجزيل ليكى ام مى لنصيحتى للكتابه بالبنط العريض اللى عرفته اليوم بالصدفه البحته وعلى راى المثل يموت المعلم ولايتعلم

**د.حسن** · #6 04/03/2012, 02h02

اقتباس:

المشاركة الأصلية كتبت بواسطة جابر المراغي

فيه فزورتين من مؤلف قصيدة فضض الماء ياقمرلنادره / ماهى الاغنيات الثلاثه لعزت عوض الله التى تبدأ بكلمة الحلو

أخى الفاضل أ. جابر المراغى
يسعدنى ويشرفنى أن تكون هذه أولى مشاركاتى معكم
1- مؤلف قصيدة فضض الماء ياقمر لنادرة أمين
هو الأديب عباس محمود العقاد

2- أما عن عزت عوض الله فأول ما هل بطلعته
إفتكر إن الموضوع مش عاجبنى
مع إنه ساكن بوالينو

ونتذكر معاً بعض الأغانى التى فى كلمات بدايتها الحلو :
الحلو حياتى عبدالحليم
الحلو فين داره ؟ نجاح سلام
الحلو ليه تقلان قوى ؟ صباح
الحلو اللى شغل بالى كارم محمود
الحلو أبوشامة على جبينه قنديل
آه منه الحلو الساهى قنديل
الحلو الحلو ماله ؟ قنديل
ماله الحلو ماله ؟ فريد
حد يعرف إسمه إيه الحلو ده ؟ هدى سلطان
إيه فكر الحلو بىّ ؟ عبدالغنى السيد
منديل الحلو عبدالعزيز محمود
الحلو مايكملشى سعاد مكاوى
عند بيت الحلو كمال حسنى
الحلو فايت شفيق جلال
الحلو جابلنى جبلى فرقة رضا
بيقولوا الحلو مايكملشى كارم محمود
الحلو شاور لى بمنديله عبدالغنى السيد

وبالمرّه .. الحلوة :
ع الحلوة والمُرة عبدالغنى ونجاة
الحلوة عبدالحليم
الحلوة داير شباكها محرم
الحلوة دى قامت تعجن سيد درويش
الحلوة سارة شادية
الحلوة يارا ؟؟؟
أيامى الحلوة فريد
أمورتى الحلوة صباح
ياحلوة الحلوين قنديل
أيامنا الحلوة جاية شادية
عيونها الحلوة دىّ التلبانى
العروسة الحلوة بلدى أحلام
الكلمة الحلوة إتقالت التلبانى
فى الليالى الحلوة غنى وردة
بلادنا حلوة قوى النهارده نجاة
الحلوة قالت للقمر الثلاثى المرح
على باب شقتنا الحلوة هدى سلطان

حلو كده ؟
شوية أغانى حلوة
مع تحياتى

**جابر المراغي** · #7 04/03/2012, 07h20

ايوه كده ياد. حسن الله ينور تسلم الايادى تصدق بالله انا قلبى كان حاسس ان حل الفزورتين هايكونوا على يديك الكريمتين والشرف لينايابواسكندر يااصيل معلشى بأه بالاذن لحسن هااتأخر على الشغل على موعد بلقاء بالليل ان عشنا وكنا من اهل الدنيا

**عفاف سليمان** · #8 04/03/2012, 17h53

اقتباس:

المشاركة الأصلية كتبت بواسطة جابر المراغي

ابنتنا العزيزه/ عفاف هانم سليمان (ام حماده) تصدقى بالله يوم الخميس والجمعه قعدت ادور على اغانى متشابهه ومش لاقيها وركبنى ميت عفريت لان الموضوع ككل كان شاددنى ولما مالقيتوش اتجننت والنهارده لما لقيته فى الشريط العلوى المتحرك فرحت فرحة التايه في الصحرا اللى لقى ميه تروي له عطشه بالمناسبه الحاجات الحلوه الفانتاستيك الى بتعمليها دى جايباها منين لانها بتدخل البهجه عليه وعلى حفيدتاى سلمت يداكى معلهشى( اصلها ماعليه شىء)انا لان مشاركاتى جت متاخره وباثر رجعى وبرضه انا بالفت نظر الاخوه السماعيين بان الفنانه لور دا كاش وهذا اسمها الصحيح وليس لوردكاش وكذلك الاسم الصحيح للمؤلف هوسمير محجوب وليس سمير محبوب لانه كان نوبى اليكى بعض المشاركات بالنسبه للوقت باقى دقيقه وبعد دقيقه احلام قلبى هاتبقى حقيقه لشفيق جلال / الحلوة والقمر ( ياللى انتى زى القمر ومنوره حيك غاب من كسوفه القمر اول مابان ضيك والله ياحلوه زمان ياورده فى البستان ياسكره ياسكره ازيك ياللى انتى زى القمريانرجسه وفله ع المغرمين طلى ابراهيم عبد الشفيع / ياحلو فهمنا شريفه فاضل/ اخرة طريقك فين حلو ياللى ماشى فايزه احمد /من غير زواق من غير كحله بيزيد جمالك وبيحلى عزت عوض الله / عن الورد ( صحبة الورد اللى اناقدمتهالك كلمات الشاعر السكندرى احمد السمره غناء عبد الحليم حافظ / التوقيتات ( خاصم شهر وصالح يوم / يوم واحد ارتاح م اللوم / ياللى مقضى هوانا خصام كفايه 29 يوم خاصم شهر وصالح يوم ( محمد رشدى)/ الاسامى (ميمى وفيفى وسوسو انا هااتجنن من دى اسامى اسماعيل يس واخيرا علشان جمالك ياوله علشان جمالك الشمس اختك ياوله والبدر خالك حسان شراره فيه فزورتين من مؤلف قصيدة فضض الماء ياقمرلنادره / ماهى الاغنيات الثلاثه لعزت عوض الله التى تبدأ بكلمة الحلومره تانيه الشكر الجزيل ليكى ام مى لنصيحتى للكتابه بالبنط العريض اللى عرفته اليوم بالصدفه البحته وعلى راى المثل يموت المعلم ولايتعلم

مساء الخير
عليك الاب العزيز
*****أ. جابر المراغى*****
اولا
احس انى اعرفك
واعرفك شخصك
؟؟؟؟؟
فطريقة سردك تذكرنى
بأب واخ عزيز
مممممممممم
الله اعلم ربما تشابهت
طريقة السردفظننتك
هو
ربنا يخلى لحضرتك الاولاد
والاحفاد
ويبارك لك فيهم
اللهم آمين
ويسعدنى ويشرفنى
المشاركات الطيبه
التى قمت بها
فى هذا الموضوع
لتنشيطه من جديد
وسعدت اليوم
بوجود الاب العزيز
*****د حسن*****
من جديد فى هذا الموضوع
ويارب نستمر فى بث
الاغنيات والحروف والتشابه
وكل جميل
والقفشات والغلطات التى
اقفش بها
ههههههههههههه
وسلامى للاحفاد
واليهم بعض الصور
يارب تعجبهم
ارق تحياتى
وننتظر حضرتك ليلا
إن شاء الله
وسعدت انك عرفت تتوصل
لتكبير الخط
وكلنا بنتعلم
كل وقت وكل يوم
ابنتك عفاف

**جابر المراغي** · #9 05/03/2012, 05h13

ابنتنا الغاليه / عفاف ( ام حماده)الشكر كل الشكرليكى يااستاذه على عطاياكى الجميله لى ولابنتى الوحيده ولاحفادى بالمناسبه ماتيجى نكرم الامومه مصنع الرجال وصانعة الاجيال ولقرب الاحتفال بعيدها فنختار معا الاغانى التى ذكر فيها لفظ الام ولنبداها استلهاما من لقبك ياام / حماده باختيار اغنية محمد جمال اه ياام حماده اعملى لى قهوه ساده وهى مصاغه على وزن اغنيه اجنبيه كانت شهيره فى الستينيات مطلعها دير لادادا ديرلادادا/ اغنية ياام الطرحه معطره ياللى صابحه مبدره لماشفتك قلبى غنى قال بلدنامنوره لمحمد رشدى / اغنية مصر ياام الدنياياحبيبتى يابلدى سوزان عطيه/ ياام الصابرين تهنا والتقينا ياحبنا يامصر/ ياامايه ياامايه للرائع محمد حمام اما عن احساسك بمعرفتى شخصيا فلربما يرجع لتفسيرك الذى قلتيه بالمشاركه السابقه ولربما يكون ذلك لسماعك لاذاعة الاسكندريه حيث كنت مشارك دائم فى برنامجى صباح الخير يااسكندريه ومساء الخير يااسكندريه او ان كنتى شاعره فلربما بحكم كونى مؤرخ فنى وباحث فى التراث فقد كانت لى مساهمات كثيره فى ندوات ملتقى الصفوه بقصر الابداع بالاسكندريه والتى تديره الشاعره / ناديه رسمى او صالون / محبى عبد الوهاب ادارة محمودحسن او ندوات الشاعر / محمد رطيل بنادى سموحه ونادى سبورتنج وقصر تذوق سيدى جابروقصر مصطفى كامل ومكتبة الاسكندريه والمتحف القومى باسكندريه مع خالص تحياتى