كلمات بعض الأغاني - للموسيقار محمد عبدالوهاب

[ليلى ابو مدين]

خيّ خيّ
غناء محمد عبد الوهاب ـ كلمات حسين السيد

خي خي حبيبي ليه قاسي ليه يا خي
قلبي خوفي عليه واعمل ايه يا خي
أمانه ان كنت تقابله تقول له الفرح ناسيني
وقول له يشاور عقله وينسى يوم ويجيني
وحلفه بويلي من نهاري وليلي
آه يابا
امانة لو يسألك في البعد عن حالي
تحكي له عا اللي جرى واللي بيجرا لي
وفات معايا كلام الحلو والغالي
يهز قلب الحجر لو يفهمه الخالي
آه يابا
يا فايت قلبي علي نار حبي انا مش قادر عليك انا
شوف من إمتى أنا لك وانت دايما شاغل يومي بسنه
الشوق خلاني ابعت لك مرسال الروح والعين
عاوزين يشوفوني بقابلك وارتاح م الفكر يومين
يا تجيني يا تقوللي أروح لك يا تقول أروح منك فين
يا خي.

[ليلى ابو مدين]

شكل تاني
غناء محمد عبد الوهاب ـ كلمات حسين السيد

شكل تاني حبك انت شكل تاني
حب غالي حب ناره مدوباني
حتى لما بتنسى مره
وتعاتبني بكلمة مرة
العتاب المر برضه له حلاوة
شكل تاني حبك انت

خوفوني من هواك قبل ما احبك خوفوني
قالوا ياويله اللي يسكن جنب قلبك قالوا ياويله
قلت هو ده اللي ناره مخوفاني
هو ده اللي قلبه يبقى شكل تاني
السنين فاتت وأنا مش داريه بيها
من حنانك والهنا اللي بيجري فيها
والساعات وياك بتجري في ثواني
كل ثانية ليها دقة شكل تاني

[ليلى ابو مدين]

قوللي عملك ايه قلبي
غناء محمد عبد الوهاب ـ كلمات حسين السيد

قوللي عمِلَّك ايه قلبي ـ قلبي اللي انت ناسيه
وانت الغالي عليه
العين في العين وانت ـ ولا داري بحالي
آه من الاتنين والله ـ خدوا مني ليالي
كل ده كان فين قوللي ـ كان مالك ومالي
قوللي عملك ايه قلبي
قوللي اجيب مين يقرا ـ ومن يسمع كلامي
واجيب لك مين يحكي ـ نار شوقي وغرامي
آه من الاتنين والله خدوا مني ليالي
كل ده كان فين قوللي ـ كان مالك ومالي
لك عندي كلام ـ احلى من اجمل روايه
عن اجمل غرام ـ لما كان قلبك معايه
آه من الاتنين والله ـ خدوا مني ليالي
كل ده كان فين قوللي ـ كان مالك ومالي
قوللي عملك ايه قلبي

[ليلى ابو مدين]

قالولي هان الود عليه
غناء محمد عبد الوهاب ـ كلمات احمد رامي

قالولي هان الود عليه ونسيك وفات قلبك وحداني
رديت وقلت يشمتوا ليه هو افتكرني عشان ينساني
انا بحبه وراعي وده ان كان في قربه والا في بعده
وافضل امني الروح برضاه ألقى جفاني وزاد حرماني
هو اللي حالي كده وياه كان افتكرني عشان ينساني
ليه يلوموني وياه في حبي ولايلوموني على صبر قلبي
هو الللي شفت بحبه الويل ولارحمني يوم ورعاني
وفضلت وحدي انام الليل كان افتكرني عشان ينساني
خلوني احبوا على هوايا واشوف بحبه سعدي وشقايا
ده مهما طال شوقي اليه ومهما زاد هجره وبكاني بكره
بكره يعز الود عليه ويفتكرني عشان ينساني

[ليلى ابو مدين]

طول عمري عايش لوحدي
غناء محمد عبد الوهاب ـ كلمات احمد رامي

طول عمري عايش لوحدي ـ وحيد وراضي بحالي
وان زاد على القلب وجدي ـ اسهر معاه الليالي
وحيد من الاهل والخلان ـ عزيز النوم والقلب خالي
اشمعنى قلبي ماداء الوحدة ـ غير اليوم والفكر الخالي
وازاي أقول اني وحيد ـ وانا سعيد بين الحبايب والاصحاب
لي اللي اسمع حنينه ـ الاقي قلبي من جرحه طاب
ولي صاحب اشكي له ويشتكيلي ـ كل ما اجي املاله كاس القاه مالي لي
دول كلهم اهل وخلان ـ ولو اني في الدنيا لوحدي
يخففوا عني الاشجان ـ ويرحموا دمعي وسهدي
كل الحبايب دول لي ـ يهونوا الوحده علي
وبرضه شاعر اني غريب ـ وقلبي بده يلقى حبيب

[ليلى ابو مدين]

يا مسافر وحدك
غناء محمد عبد الوهاب ـ كلمات حسين السيد

يا مسافر وحدك وفايتني ـ ليه تبعد عني وتشغلني
ودعني من غير ما تسلم ـ وكفاية قلبي أنا مسلم
دي عينيه دموعها بتتكلم ـ يا مسافر وحدك وفايتني
على نار الشوق أنا حاستني ـ واصبر قلبي واتمنى
على بال ما تجيني واتهنى ـ طمعني بقربك واوعدني
خايف الغربة تحلالك ـ والبعد يغير أحوالك
خليني دايما على بالك ـ يا مسافر وحدك وفايتني
مهما بعدك حايطول ـ انا قلبي عمره ما يتحول
حافتكرك اكثر مِ الاول ـ بس انت اياك تبقى فاكرني

[ليلى ابو مدين]

ست الحبايب
غناء محمد عبد الوهاب ـ كلمات حسين السيد

ست الحبايب ياحبيبه ـ يااغلى من روحي ودمي
ياحنينة وكلك طيبة ـ يارب يخليكي يا أمي
زمان سهرتي وتعبتي ـ وشلتي من عمري ليالي
ولسه برضه دلوقتي ـ بتحملي الهم بدالي
انام وتسهري ـ وتباتي تفكري
وتصحي من الآدان ـ وتيجي تشقري
تعيشي لي ياحبيبتي يا أمي ـ ويدوم لي رضاكي
أنا روحي من روحك انت ـ وعايشه من سر دعاكي
بتحسي بفرحتي ـ قبل الهنا بسنة
وتحسي بشكوتي ـ من قبل ماأحس أنا
يارب يخليكي ياأمي ـ يارب يخليكي ياأمي
لو عشت طول عمري أوفي ـ جمايلك الغاليه علي
أجيب منين عمر يكفي ـ وألاقي فين أغلى هدية
نور عيني ومهجتي ـ وحياتي ودنيتي
لو ترضي تقبليهم ـ دول هما هديتي
يارب يخليكي ياأمي ـ ست الحبايب ياحبيبة