كلمات بعض الأغاني - للموسيقار محمد عبدالوهاب

[ليلى ابو مدين]

يا ورد مين يشتريك
غناء محمد عبد الوهاب ـ كلمات الاخطل الصغير

يا ورد من يشتريك وللحبيب يهديك
يهدي إليك الأمل الهوى والقبل : يا ورد
ابيض غار النهار منه خجول محتار
باس الندى ف خده وجرت عليه الأغصان
راح النسيم واشتكى جرح خدوده وبكى
أفدي الخدود التي تعبث في مهجتي
يا ورد ليه الخجل فيك يحلو الغزل : يا ورد
يا ورد يا احمر قول لي مين ده اللي جرحك
جرح شفايفك وخلى على شفايفك دمك
شقت جيوب الغزل وانبح صوت القبل
على الشفاه التي تشرب من مهجتي
يا ورد ليه الخجل فيك يحلو الغزل يا ورد
أصفر من السقم أم من فرقة الأحباب
يا ورد هون عليك عاد بلبلك ولهان
يسأل عليك الرب والزهر والانهار
يهتف أين التي وهبتها مهجتي
يا ورد ليه الخجل فيك يحلو الغزل يا ورد

[ليلى ابو مدين]

يا وابور قوللي
غناء محمد عبد الوهاب ـ كلمات احمد رامي

يا وابور قوللي رايح على فين
يا وابور قوللي وسافرت منين
يا وابور قوللي يا وابور قوللي
عمال تجري قلبي وبحري
تنزل وادي تطلع كوبري
حود مره وبعدين دوغري ما تقول يا وابور
رايح على فين
صوتك يدوي وانت بتهوي
والبعد أليم ناره بتكوي
والارض بساط وانت بتطوي
ما تقول يا وابور رايح على فين
قربت غريب وبعدت حبيب
وجمعت حبيب على شمل حبيب
والقرب نصيب والبعد نصيب
ما تقوللي يا وابور رايح علي فين
إن طال الوقت على الركاب
يجري كلامهم في سؤال وجواب
وبعد شوية يبقوا حبايب وده يعرف ده
رايح على فين
أنا رحت معاك ورجعت
وأنا إيه كان مقسوم لي وياك
دي كانت نظره من هنا لهناك
العين عرفت رايحين علي فين

[ليلى ابو مدين]

كان أجمل يوم
غناء محمد عبد الوهاب ـ كلمات حسين السيد

كان أجمل يوم يوم ما شكالي
قلبي من حبك وأنا خالي
كان اجمل يوم
كان لي قلب نسيته من ظلم الناس وجفيته
في عينيكي الحلوة لقيته مرتاح وارتحت معاه
كان أجمل يوم
شبكتني في حبك نظرة شغلتني من غير ما ادري
من يومها حبيت بكره وشهور وانا بستناه
كان أجمل يوم
وحياة من وهبك لي ارحم من روحي علي
أجمل من ضي عيني يوم واحد مش حانساه
كان أجمل يوم

[ليلى ابو مدين]

علشان الشوك
غناء محمد عبد الوهاب ـ كلمات حسين السيد

علشان الشوك اللي في الورد باحب الورد
واستنى جرحه وتعذيبه وان عشق القلب بيهون الجرح
ما دام يمكن يواسيه عطف حبيبه
روحي بتهواه وهواه سهر في عيني الليل
يا ما طلت رضاه، وجفاه يا ما صحاني ليل
وينام فجر ويصحى فجر وانا باستني وبفكر
واحسب عمري ساعه بشهر بفرحة شوق ما تتقدر
وافني الهجر بأمل الصبر على فرحة امل اكبر
علشان الشوك
ياللي في هواك ومعاك قضيت العمر في يوم
طول في جفاك وفداك حالي وعداك اللوم
بعدك عني نار بتغني وترقص شوكتي فيها
ويطمني قربك مني بأجمل نار بقاسيها
من حلاوتها الناس حسدتني على النار اللي انا فيها
علشان الشوك

[ليلى ابو مدين]

خيّ خيّ
غناء محمد عبد الوهاب ـ كلمات حسين السيد

خي خي حبيبي ليه قاسي ليه يا خي
قلبي خوفي عليه واعمل ايه يا خي
أمانه ان كنت تقابله تقول له الفرح ناسيني
وقول له يشاور عقله وينسى يوم ويجيني
وحلفه بويلي من نهاري وليلي
آه يابا
امانة لو يسألك في البعد عن حالي
تحكي له عا اللي جرى واللي بيجرا لي
وفات معايا كلام الحلو والغالي
يهز قلب الحجر لو يفهمه الخالي
آه يابا
يا فايت قلبي علي نار حبي انا مش قادر عليك انا
شوف من إمتى أنا لك وانت دايما شاغل يومي بسنه
الشوق خلاني ابعت لك مرسال الروح والعين
عاوزين يشوفوني بقابلك وارتاح م الفكر يومين
يا تجيني يا تقوللي أروح لك يا تقول أروح منك فين
يا خي.

[ليلى ابو مدين]

شكل تاني
غناء محمد عبد الوهاب ـ كلمات حسين السيد

شكل تاني حبك انت شكل تاني
حب غالي حب ناره مدوباني
حتى لما بتنسى مره
وتعاتبني بكلمة مرة
العتاب المر برضه له حلاوة
شكل تاني حبك انت

خوفوني من هواك قبل ما احبك خوفوني
قالوا ياويله اللي يسكن جنب قلبك قالوا ياويله
قلت هو ده اللي ناره مخوفاني
هو ده اللي قلبه يبقى شكل تاني
السنين فاتت وأنا مش داريه بيها
من حنانك والهنا اللي بيجري فيها
والساعات وياك بتجري في ثواني
كل ثانية ليها دقة شكل تاني

[ليلى ابو مدين]

قوللي عملك ايه قلبي
غناء محمد عبد الوهاب ـ كلمات حسين السيد

قوللي عمِلَّك ايه قلبي ـ قلبي اللي انت ناسيه
وانت الغالي عليه
العين في العين وانت ـ ولا داري بحالي
آه من الاتنين والله ـ خدوا مني ليالي
كل ده كان فين قوللي ـ كان مالك ومالي
قوللي عملك ايه قلبي
قوللي اجيب مين يقرا ـ ومن يسمع كلامي
واجيب لك مين يحكي ـ نار شوقي وغرامي
آه من الاتنين والله خدوا مني ليالي
كل ده كان فين قوللي ـ كان مالك ومالي
لك عندي كلام ـ احلى من اجمل روايه
عن اجمل غرام ـ لما كان قلبك معايه
آه من الاتنين والله ـ خدوا مني ليالي
كل ده كان فين قوللي ـ كان مالك ومالي
قوللي عملك ايه قلبي