إن كنت متحين يريدوك
تتحب علي كتر مالك
واذا اتضعضع الحال يكرهوك
علي اقرب ماليك يمسخ سؤالك
اتاريها الدراهم بتنفع
بتجيب مال وياغنيمة
والصاحب اللي ماينفع
(البعد عنه غنيمة)
تاريها الدراهم بتنفع
بتمشي في البحر مسالك
اللي بلا الدراهم ماينفع
كلامه وسط الرجال ماسالك
ياقلبي اوعي تعاشر الدون
ولاتكلمه بالاشتراحة
تكلمه الكلام موزون
يجدد معاك القباحة
ماتكون يازمان عادل لي
وتيجي الليالي عديلة
لاضحك واكيد عذلي
واقول زغرطي ياعديلة
ياطبيب خد دواك وروح
شايف العليل لزم الخلايق
في ساعة ماتطلع الروح
(ياما الأرض شبعت خلايق)
جاني طبيبي مع العصر
وف ايده ماسك عصاية
أصله طبيبي قليل أصل
من خصمي يجيب لي الوصاية
جاني طبيبي بلاقناع
وكل من معاه علة بلجها*
والمرة اللي ماتردش قناع
وحرص قوي من ولدها
_بلجها: تم عرضها
اللي اتبعتر ولايتلم
ولو غربلوا له بسبايب
ان كان الوعد والقدر تم
بتبقي المنية سبايب
ياللي بتنده عايز مين؟
خولي الجنينة عبي تاني
كلام العواذل عيزمين؟
خلي اللي طاب عبي تاني
فيه سوق في جسمي شاغلني
وفيه زي ماانت طالب
وناس تبكي وناس تغني
ومغلوب يضحك لغالب
ماحد اتغلب كيف غلبي
وغلبك في جوفي هراني
جابو المحاوير صلبي
تقدم خصيمي وكواني
اذا زهزهت الليالي عاملها
واعمل من امك تجارة*
واذا ولت الليالي ناملها
وجريك وراها خسارة
_منطق غريب :التجارة حتي بالأم
مرفوض طبعا وربما هي من عيوب السيرة
الكتابة بلا ضوابط
ياسجرة ضلك عاجبني
لكي فرع مشروع وهاوي
خالي البال يقول عاجبني
لكن بلاوي يادنيا بلاوي
إوعي تقول للندل ياعم
ولو كان علي السرج راكب
ولاحد خالي من الهم
حتي قلوع المراكب
************
والي جزء اخر قادم
بمشيئة الله
العرض الشجري