طلبات نوتة

**piano_piano_d** · #1 20/09/2011, 19h40

اقتباس:

المشاركة الأصلية كتبت بواسطة mollyloly

استاذى العزيز عادل

فى اغنية فى فيلم عسل اسود بطولة احمد حلمى الاغنية اسمها (فيها حاجة حلوة) عايزاها نوتة بالطريقة المبسطة الى اساس نوت حضرتك ولمساتك الجميلة
شكرا

الأستاذ mollyloly إليكم نوتة فيها حاجه حلوة غناء "ريهام عبد الغفور" من تنويت الأستاذ " عادل صموئيل ".

**عاصم المنشاوى** · #2 02/10/2011, 15h31

الأصدقاء
حاجة كده ...من أغانى عبد الحليم حافظ...
(ضى القناديل)....من ألحان محمد عبد الوهاب...وتوزيع زى ماهو واضح جدا..."الرحبانية"....وكتابة النوتة للأستاذ السورى "محمد رجب"...لذلك ستجد ان الكلمات فوق النوتة مكتوبة غلط ...اما ان تبحث عن الكلمات او تكتبها وراء حليم ....النوتة التانية:
(بحلم بيوم)...من ألحان الراحل محمد الموجى...من ضمن مسلسل "أرجوك لاتفهمنى بسرعة"...قصة الراحل محمود عوض ...فى أذاعة الشرق الأوسط...رمضان 1973 ولم يكتمل المسلسل الأذاعى لبدء الحرب ...وكانت من ضمن أغانيه ايضا "ماشى الطريق"..."مين انا "...كتابة النوتة ايضا للأستاذ محمد رجب الحائز على دبلوم الشرف من معهد الموسيقا فى حلب.....اول صفحتين من اليمين لأغنية بحلم بيوم - وقد كانت احدى اغنيات ثورة 25 يناير وكانت تذاع بصفة دائمة على القنوات الفضائية فى مصر ...جنبا الى جنب اغنية -ياحبيبتى يامصر وهما من كلمات محمد حمزة رحمه الله.....ثم ال3 صفحات التاليين لأغنية ضى القناديل....

**عادل صموئيل** · #3 02/10/2011, 19h49

احبائى

اقدم لكم نوتة اغنية سيد مكاوى

كل مرة لما اواعدك

اتمنى ان تحوز رضاكم مع اطيب تحياتى

**sayed_lv** · #4 03/10/2011, 16h37

اخوتى و احبائى
السلام عليكم ورحمة الله و بركاته
بمناسبة احتفالات اكتوبر المجيده
دونت لكم نوتة سيناء "غناء اكثر من شخص"
ومرفق الايضا الموسيقى من توزيعى على برنامج flstudio
و ايضا موسيقى كل الطيور "نوتة الاستاذ: عادل صموئيل"
وتنفيذى على flstudio

و كل عام و الامه العربيه بالف خير
"ومتنسوش تقييم الموضوع"

**عاصم المنشاوى** · #5 05/10/2011, 12h03

الأصدقاء

أ.أحمد"نور الصباح"...أ.عمرو الهنداوى والفنان الشاب.sayed_lv
نحية وتقديرا لشخصكم الكريم

االفنان الأستاذ/عمرو الشهير ب "وائل علوى"...HAPPY BIRTHDAY YA GAMEEL

الصديق التونسى /هيثم الصالحى ...انشاءالله تمر هذه المرحلة على خير ...بس اهم حاجة تطمئنا عليكم وحياة ثورة الياسمين الغالية....

الأستاذة اينوزة enoozaوالحقيقة ماعرفش اسمك الحقيقى ...اهى نوتة "كل أخ عربى أخى "...كانت موجودة فى صفحة 268 وعشان كدة استاذنا بيقول ...اتعبوا شوية ودوروا فى المنتدى ح تلاقوا كل اللى انتو عايزينه ...وهى من تنويت الأستاذ /أيمن مصطفى ...

**عادل صموئيل** · #6 07/10/2011, 17h56

احبائى
اقدم لكم نوتة من العيار التقيل
اغنية
تهجرنى بحكاية
لفايزة احمد
اتمنى ان تحوز رضاكم

**عاصم المنشاوى** · #7 09/10/2011, 15h52

الاستاذ...أحمد على البدرى
آدى ياسيدى نوتة "ع اليادى"...من صفحة نوت عبد الوهاب...من نفس منتدانا ...وبلاش كسل ودور كويس ياعم احمد بعد كده....اآه لو ماكنتش اسكندرانى زيى...ايووووه يجدعان ...المهم الأغنية
كلمات:حسين السيد
الحان :محمد عبد الوهاب...من فيلم شاطئ المرح انتاج1967

**عاصم المنشاوى** · #8 10/10/2011, 05h31

ست ياعدرا نجينا.....على بر الأمان عدينا
مدى ايديكى لأيدينا....