بدون تعليق

**هدى دولت** · #1 08/08/2011, 19h43

صور لا تراها إلا بأرض الكنانه

رجل الشارع البسيط
بمشاعره البريئة ...
يقدر من يتحمل معه أعباء متطلبات الحياة
منتهى الإحساس ... منتهى الرحمه ...
منتهى المشاركة ...

ولسان حالة يقول ..
يا من تقاسمنى الشقاء ...
تطلع إلى السماء ...
معى بقلب عامر بذكر الرحمن
نطلب عدالة السماء ...
فقد فقدنا الأمل بعدالة إجتماعية
بأرض الواقع ...

طوبا للمساكين ...

دكتورعصمت النمر ... إلتاع القلب
وصورتك تحرك بشجن شديد
تعليق من القلوب
التى تدرج ما ترمي إليه بقلبك الحاني
وعيونك التى تلتقط برقة إحساسك
برجل الشارع المصري البسيط
قلب يردد بصمت ...
اللهم أحيني مسكينا ، وأمتني مسكينا ،
واحشرني في زمرة المساكين .

ننحنى لهذا القلب الحنون
قلبك ... يا سيدى
دولت

**عصمت النمر** · #2 08/08/2011, 20h00

اقتباس:

المشاركة الأصلية كتبت بواسطة هدى دولت

صور لا تراها إلا بأرض الكنانه

طوبا للمساكين ...

... إلتاع القلب

رغم غرابة الصورة الا ان لها دلالات كثيرة وكما قالت الصديقة هدى ....صورة لا تراها الا بأرض المحروسة
توقفت طويلا امام هذه الصورة ...الوجع...الشقا...الانسانية فى تجليها عند المصرى الشقيان الذى يحمل بين جنباته حضارة 7000 سنة وعلاقته بشريكه فى الشقا الحيوان الذى يحمله على ظهر عربته الكارو

**سمير الشال** · #3 08/08/2011, 20h09

.

لكن الصورة دي مش في مصر

!!

.

**هدى دولت** · #4 08/08/2011, 20h37

أخى سمير الشال ... يا صادق الكلمة ...
الصور التى تعكس البؤس الإنساني
ليس لها وطن !!!
يحن لها القلب يتعاطف معها ...

فتراها بقلبك .... فتذكرك ..
بمشهد آلفته
رأيته بوجدانك .. وإحساسك
الذي يأخذك .....بعيدا ... لترى فيها نفسك

وما نفسك إلا ... نفوس البشر

وقول الرحمن يؤكد هذا المعنى الواضح
في قول الله تعالى
{ أنه من قتل نفسا بغير نفس أو
فساد في الأرض فكأنما قتل الناس جميعا }
{ ومن أحياها فكأنما أحيا الناس جميعا }

في حقيقة الأمر أن ما تراه بعيونك
عاكس لمرآة نفسك

وهذه الصور وإني أصدقك ... يا صادق المشاعر
ليست بمصر ...

ولكنى كمصرية تذكرني بمشهد قابع في ذاكرتي
لرجل الشارع البسيط
بفطرته الصافية ...
البائع المتجول ... ببساطته وطيب نفسه
فتخيلته بقلبه النقي كيف يتعامل
مع شريك رحلة البؤس والشقاء

نسأل له الأمن والآمان
والرزق الحلال ...
في ظل العدل والحرية ... ببركة هذه الأيام المباركة
بشهر كريم ....
اللهم آمين .....

**سمير الشال** · #5 08/08/2011, 20h41

,

طبتِ وطاب لسانك
أستاذة دولت

..

إحسنتِ القول والبيان
ياللي جواك بجد
قلب إنسان

.

**عصمت النمر** · #6 08/08/2011, 23h33

اقتباس:

المشاركة الأصلية كتبت بواسطة سمير الشال

.

لكن الصورة دي مش في مصر

!!

.

لو دققت النظر يسارا ياصاحبى هاتشوف بيت بالطوب النى
ثانيا معمار البيوت يبدو وكأنه فى قرية مصرية او منطقة عشوائية
عربة الكارو من شكلها فى الصورة صناعة مصرية
الباكستانى جسده دقيق ونحيل عكس المصرى
دا وجهة نظرى

**سمير الشال** · #7 09/08/2011, 00h20

اقتباس:

المشاركة الأصلية كتبت بواسطة عصمت النمر

لو دققت النظر يسارا ياصاحبى هاتشوف بيت بالطوب النى
ثانيا معمار البيوت يبدو وكأنه فى قرية مصرية او منطقة عشوائية
عربة الكارو من شكلها فى الصورة صناعة مصرية
الباكستانى جسده دقيق ونحيل عكس المصرى
دا وجهة نظرى

---

العربات الكارو الصناعة المصرية
بيكون فيها - العريش - يعني يدات العربة
بيكون فيها عدل يادكتور عصمت
وغير مرفوع للأعلى من الأمام
كما هو واضح بالصورة

وفي مصر بيعملوا صندوق للعدد بين العجلات
مش كارونا كما في الصورة

,

وبعدين فيه ملحوظة هي الأهم في الصورة
الشارع نظيف جداً ومكنوس بمأشة ناعمة
وحضرتك أدرى إزاي ممكن يكون
لو كان بمصر وبمنطقة عشوائية
!!
مختلف تماماً أكيد
ومستحيل يكون مسفلت

’

الصورة دي في منغوليا
والراجل ده شكله منغولي
من لبسه ولون بشرته
والرحمة اللي بقلبه

.

**حسن كشك** · #8 10/08/2011, 13h21

اقتباس:

المشاركة الأصلية كتبت بواسطة سمير الشال

---

العربات الكارو الصناعة المصرية
بيكون فيها - العريش - يعني يدات العربة
بيكون فيها عدل يادكتور عصمت
وغير مرفوع للأعلى من الأمام
كما هو واضح بالصورة

وفي مصر بيعملوا صندوق للعدد بين العجلات
مش كارونا كما في الصورة

,

وبعدين فيه ملحوظة هي الأهم في الصورة
الشارع نظيف جداً ومكنوس بمأشة ناعمة
وحضرتك أدرى إزاي ممكن يكون
لو كان بمصر وبمنطقة عشوائية
!!
مختلف تماماً أكيد
ومستحيل يكون مسفلت

’

الصورة دي في منغوليا
والراجل ده شكله منغولي
من لبسه ولون بشرته
والرحمة اللي بقلبه

.

ياعم سمير
عندنا برضه الطراز ده ... من الكارو ... ومن الحمير ايضاً
واهى واحدة من الجيزة
كارونا مش صندوق
والعريش مرفوع

وفيها تكييف وسنتر لوك وباور لجام و BBS كمان

**سمير الشال** · #9 10/08/2011, 16h35

.

هههههه

صح كلامك ياعم حسن
معانا أم كرتونه - نظيفة زي الفل

والقطنة مابتكدبش

.

**عصمت النمر** · #10 11/08/2011, 16h27

اقتباس:

المشاركة الأصلية كتبت بواسطة حسن كشك

ياعم سمير
عندنا برضه الطراز ده ... من الكارو ... ومن الحمير ايضاً
واهى واحدة من الجيزة
كارونا مش صندوق
والعريش مرفوع

وفيها تكييف وسنتر لوك وباور لجام و BBS كمان

ابو على(اسد بر الكنال) اهو اكد على كلامى ....وجه اللى بيجر العربية غير واضح المعالم حتى الشبش اللى لابسه شبشب بلاستيك متهالك والمنازل منازل قرية مصرية بدليل البيت اللى مبنى من الطوب اللبن والحمار شكله حصاوى وادى الشارع فى صورة ابو على رغم انه غير مسفلت نظيف اوى