فـــزورة في صـــورة

**سمير الشال** · #1 05/08/2011, 01h13

اقتباس:

المشاركة الأصلية كتبت بواسطة الريحاني

حبيبنـا الجمـيل د. حـسن
واحشـني والله يا عمي الحبيب

بصراحة ، لما نابليون الثالث سألني
قلت له توكل على الله وسمع كلامي على طول
والراجل دعـاني يوم سبوع إبنه لويس من الست أوجيني
ياااااه كانت أيـــام .. الله يرحم الجميع
ــــــــــــ
حبيبنا الخديو اسماعيل ، يعتبر صاحب نهضة مصر في نواح كثيرة
والراجل احتفى بها حفاوة بالغة عند زيارتها لمصر ،
لحضور حفل افتتاح قناة السويس ..
وساعتها قالت لم أر احتفـالاً أروع
من هذا الحفل الشرقي العظيم

___

المهم
أنك بتسقينا المعلومة على طبق فضة
ودي الفطانة واللباقة
والحنكة

ميكي ماوس سماعي ياولاد
؟

.

**سمير الشال** · #2 05/08/2011, 01h15

.

كمل ياعم خليل
أخبار تلك الشقية
- اللي والله كنت فاكرها دمية -

كمل ياعم خليل
وقول لنا أخبار مابعد الدخلة
وليلة الصباحية

.

**خليـل زيـدان** · #3 05/08/2011, 01h44

اقتباس:

المشاركة الأصلية كتبت بواسطة سمير الشال

كمل ياعم خليل
أخبار تلك الشقية

ماشي يا حاج سمير .. ح اقولك سر .. بس بيني وبينك
كنت قاعد مرة مع الست جاويدان هانم ،
وهي زوجة حبيبي الخديو عباس حلمي الثاني

قالت بص يا خـلو .. كان فيه امرأة كهلة
موشحة بالسواد تزور مصر سنوياً
وتأتي دائماً متنكرة ، وتزور أرامل اسماعيل ،
انت عارف كانت مين ؟

قلت لها مين هي يا جودي ؟
قالت هذه المرأة الكهلة كانت أوجيني إمبراطورة فرنسا السابقة

يا خبر يا جودي !! أتاري عم حسن التقط لها الصورة
وهي متشحة بالسواد علشان أعضاء سماعي ما يعرفوهاش

قالت لأ يا خلو .. كانت متشحة بالسواد ومتنكرة
لأن بعض الشعراء عندما علموا بزياراتها المتكررة
ورأوها وهي عجوز ، بادروا بالتعبير اللاذع
بين صورتها اليوم .. وما كانت عليه بالأمس

وادارت وجهها عندما هم أ. حسن بالتقاط صورة لها
وقالت له : وبعـدين مسيو كشك ؟
لو كانت الصورة لسماعي ماشي
لكن متقولش للشعراء اني في مصر

بصراحة تأثرت من قصة هذه المرأة التي لم تنس مصر
وكانت تأتي سنوياً لتستعيد أجمل ذكريات شبابها

هنا .. استقبلني اسماعيل .. هنا .. كان الحفل
هنا اصطفت الحاشية لترحب بي ... أين من أعجب بي؟

وجلست تستمع إلى صوت سي عبد الوهاب
وهــو يشـــدو
أين يا أطـــلااااال جند الغالب ؟
أين هــامان وصــوت الراهب ؟

**kabh01** · #4 05/08/2011, 01h17

وهذه صورة جميلة للحديقة المشهورة التي إرتبط إسمها بإسم أم كلثوم

**شريف-زغيب** · #5 05/08/2011, 01h21

اقتباس:

المشاركة الأصلية كتبت بواسطة kabh01

وهذه صورة جميلة للحديقة المشهورة التي إرتبط إسمها بإسم أم كلثوم

اللى موجود فيها متحف أم كلثوم يادكتور هلال فى منيل الروضة عند مقياس النيل ولا اية؟

**kabh01** · #6 05/08/2011, 02h02

اقتباس:

المشاركة الأصلية كتبت بواسطة شريف-زغيب

اللى موجود فيها متحف أم كلثوم يادكتور هلال فى منيل الروضة عند مقياس النيل ولا اية؟

حديقة الأزبكية أخي شريف

**kabh01** · #7 05/08/2011, 02h08

والمشاريب على حسابي. بس بدون دخان وشيش وسجاير الله يخليكم!

**kabh01** · #8 05/08/2011, 02h16

وتفضلوا هذه قبل النوم عشان نعرف المكان والزمان وكانت بتغني إيه!

**حسن كشك** · #9 05/08/2011, 12h49

لا برافو عليكم
كلكم معلمين واساتذة
وتحياتى الى اخى خليل

وها اقول لكم ليه هو عرف الصوره فوراً

لأنى وقت تصويرها ... كان اخى خليل خليل افندى واقف معايا فى الشارع ... مستنيين السوارس عشان نروح

اوجينى امبراطورة فرنسا وزوجة الامبراطور الفرنسى لويس الثالث ...ورغم وفاتها عام 1920
إلا انها ظلت مثيرة للجدل والحديث فى مصر
حتى الان ... وفى منتدى سماعى ايضاً

طيب اعمل ايه فيك ياخلو ؟؟
اجيب لك فوازير منين ...؟؟؟
دا انا لوجبت صوره محروقة وسوده خالص
متهيألى ها تعرفها ....؟؟؟
نشوف