الفنان عبدالله فضاله 1900 - 1967

[كويتى]

الفنان الراحل : عبدالله فضاله

( هــات ياقلبي عليهم عاد هات )


*****

هات يا قلبي عليهم عاد هات
يوم شفت السمر جنّي مقبلات
كاملات الزين هن سيد البنات
أرياقهم يا قلب سكر مع نبات
مآخذين الحق بشهود وثبات


لو تشوف البيض بالحنّة تدوس
فوق جبد أهل الهوا تمشي تدوس
بس نظرة وزاهيات (ن) باللبوس
وبالمراقد جنهن طين الصلاة

أقسمت بالله وتورخت اليمين
لأزيّد السمرا على البيضا سهمين
باتديّن يا حمد وإنت الضمين
عاملت بالدين كل الكاينات

يا عديم الراي يللي لي تلوم
السمر اركن على قلبي سهوم
جم راعي مال خلّوه معدوم
قيس قبلي ضيّع فروض الصلاة

جاتني البيضا وقالت يا حسين
ليش زدت السمر وإحنا غايبين
نادهم للحكم وإحنا حاضرين
وإحكم بعدلك وخل ما فات فات


جن كل البيض والسمر حضرن
وآهني حسين جدامه سطرن
جني بجنّات وأغصان ثمرن
طال عمرك واحلو إقبال البنات


إبتدن البيض ثم صارت تقول
يا أمير حسين إسمع ما أقول
وإحكم بإنصاف لا تصير مهبول
خل حكمك بالعدل وإحكم ثبات

ما تقول بنا واحنّا مسفرين
والسفر أحسن من الظلمه يقين
لي نظرت البيض تلقا لك جبين
وخدود تاضي كالشموس الطالعات

السمر يا حسين وش تلقى بهم
لا جمال ولا كمال ولا فهم
أِشهد إن البيض أحسن منهم
البيض كالأمهار وإن جن مجبلات


قالت السمرا علاجك تغلطين
حنا فتات المسك وإحنا المؤنسين
أرياحنا العنبر ومسك وياسمين
حنّا هل القعدات وإحنه الغاويات
وإلا العذارى البيض من بد الملا
مالقات (ن) ما بهن نتفة حلا
كم واحد (ن) يا حسين بالسمر إبتلى
من نصانا ما يمل من المبات


ضحكت البيضا وقالت ذا تمام
ما نصاكن واحد إلا وينام
وش يجابل يا مسلّم يا سلام
السمر للبيض صارن خادمات


شفت مجلسنا علينا يبي يطول
قلت يا غزلان سمعوا ما أقول
كلكن حسنات وكلن له قبول
كلكم بالزين والله كاملات


فضّ مجلسنا ويينا نبنقوم
يوم أخذنا وذا التي جتنا تزوم
وصرخت يا حسين إقعد لا تقوم
ليش تنسى السود وهن الغاويات

قلت بسم الله وش ذا اللي دهم
حتى سعيّده جايه تبغي سهم
إطردوها يا عساها للوهم
كل برطم منها عشر زنات.