الفنان مصطفى أحمد

**كويتى** · #1 21/07/2011, 16h15

الفنان القدير : مصطفى احمد

سامرية (( البارحة ساهر والدمع يجري ))
كلمات سليمان بن شريم

*****

البـارحـة سـاهـر والـدمـع يـجــري
والقلـب حـزن عـلـى فـرقـا حبيـبـه

كـريـم يـابــارق يـنــوض حـــدري
واللي سـرى بالغـداري يقتـدي بـه

واللـي ضـرب وادي خـلاه يـجـري
عسى طروش البوادي ترتـوي بـه

متخفـي لابــس لــه بـشـت بــدري
حسبي على البشت واللي غرني به

يامدمـج السـاق حالـي منـك مبـري
بــري النجاجـيـر عـيـدان صلـيـبـه

ابــو قــرون تـغــذى بالشـمـطـري
مثـل السفايـف علـى كـور النجيبـه

ابــو عـيـون لـيـا دلّـــت تـخــزري
ترمي بالاسبـاب ويـل اللـي تصيبـه

ابــو خـديـد يـشـادي نـجـم فـجـري
والا القمـر لا انتحـى يبغـي مغيـبـه

ابــو نهـيـد كـمـا الفنـجـال زبـــري
ويمـزّع الثـوب مـن حـال غصيـبـه

يالـيـتـنـي عــالــم لـلـغـيـب وادري
عن غض الانهاد منهو من نصيبـه

ياليتـنـي حـايــف ويـقــال خـبــري
انهب صخيف الحشا ثـم أغـدي بـه

من طاب لي طبت له والكـل يـدري
والـلـي يتـغـلا علـيـنـا وش نبـيـبـه

ان مت حطو بد رب البيـض قبـري
تكفـون حطـي علـى قبـري نصيبـه

يامـن يـرد الحبيـب وياخـذ اجــري
قـفــا بـــلا سـبــة ربـــي حسـيـبـه

ماقـدر الله علـى المخلـوق يـجـري
والعبـد لــزم تــرى يـاخـذ نصيـبـه

وآقــوّ ماصابـنـي وآقـــوّ صـبــري
لـعــل ماصـابـنـي مــنــه يـصـيـبـه

يالله طـلـبـاك مـغـنـي كـــل فـقــري
كــل عـلـى قــد حـالـه تعتـنـي بـــه

**كويتى** · #2 21/07/2011, 16h27

الفنان القدير : مصطفى احمد

(( ياعزوتي ياترى ))

كلمات وألحان الفنان القدير: ابراهيم الصوله

*****

ياعزوتي يا تري
وين الظواعن دواجي
لوين هم سايرين
اقفن ودمعي جرى
في مقلتي كالسواقي
وادعن فؤادي حزين
حبيبي ما درى
مشغول عني و سالي
و انا بعذابي سجين
يا هاجري وش جرى
ما بين شاكي و راجي
تشمت بي العاذلين
عافت عيوني الكرى
سهران ليلي أنادي
طيف الحبيّب سنين

**كويتى** · #3 21/07/2011, 16h46

الفنان القدير : مصطفى احمد

(( لحاج الله يا نفسي ))

كلمات الشاعر فهد بورسلي
الحان عبدالعزيز عبدالله المعتوق (عبدالعزيز البصرى)

*****

لحاج الله يا نفسي على الجايد تحديني
تحدينى و قلبى ما يحصل منج مقصوده
تحدينى على غرو ضو خده كسر عينى
سلب عقلى ابنفنوف تفاصيله على الموده
ايلا قفا يتل الردف انا ضاعت براهينى
عجيبه صبغة الساقين وعجب زمة انهوده
وايلا منه ضحك شفت العجايب بالحجاجينى

*****
حقيقه جوهرة غبه من الدانات مفروده
انا فى ذمة اللى زاد جرح القلب جرحينى
تسبب لى بوعبدالله او قلبى بيح اسدوده
يجر الكهربا فوق الثرا بين الدكاكينى
جذب قلبى وكهربنى وجسمى خانة اعظوده
ترا حمل الكنابل تقظى اللازم او تدفينى
مهو جادر عرب والوقت وقت امطار وبروده

**كويتى** · #4 21/07/2011, 17h58

الفنان القدير : مصطفى احمد

(( مادرينا بك))
كلمات خليفة العبدالله الخليفة
الحان عبدالرحمن البعيجان
تسجيل حفله

*****

ما درينا بك

ما درينا بك .. ما درينا بك
مرخصٍ فينا وحنا ما رخصنابك ..
ما هقينا بك .. ما هقينا بك
تشتري وتبيع فينا واحنا احبابك ..

بس ترى هم احنا نقدر
على قلوبنا وعليك ..
لا تظن انا انتكدر
ولا نخضع بين ايديك ..

عندنا عزة وكلٍ له هوى
روح دور لك على اللي يشتريك ..

بس لا تقول كان لك في يوم
كان لك حبيب كان ..
حتى فكرك لا يودي ولا يجيب
بس لا تقول كان ..

عندنا عزة وكلٍ له هوى
روح دور لك على اللي يشتريك ..

**Edriss** · #5 24/09/2011, 17h24

اقتباس:

المشاركة الأصلية كتبت بواسطة ومضات حنين

الفنان القدير : مصطفى احمد

(( سلام مني عد ماغرد الطير ))

تسجيل أخر

*****

سلام مني عد ما غرد الطير
على حبيب ٍ خصني في سلامه
أبو ثنايا كنها لولو الهير
ولا بردي ٍ هامل ٍ من غمامه

مذكور مني صاحب الخير بالخير
راعي المودة ما غير كلامه
عنيت صوبه قاطع البيد بالسير
كني على مشي سواه الحمامه

وأقول لهل الغني عقلي غدا مير
شوفة حبيب الروح ما هي ندامه
إلا ان نكرني واسلم القلب للغير
لآصير مثله واتحدى الملامه .

من أشهر أغاني الفنان الجميل مصطفى أحمد صاحب الصوت الرخيم

أغاني مصطفى أحمد ذات الجيل الواحد كلها تجذب الإنتباه بمجرد سماعها لأول مره

من منا ينسى

شي اللي ينسيني

يسلم لي هذا الطول

ليله طويله

وعشرات الأغاني الإذاعيه

أدام الله سرورنا بهذه الإهداءات الحلوه التي زينت لحظات عيشنا وأبعدتنا كثيراً عن الهموم

أطيب التحايا لإختنا الفاضله ومضات حنين على هذا الإهداء العتيق لكنهُ المُتجدد عبر كل الأزمان ولكل الأجيال

**كويتى** · #6 25/09/2011, 11h24

الفنان القدير : مصطفى احمد

(( ياريم طاوعنا واسكن مرابعنا ))
كلمات يوسف ناصر
الحان سعود الراشد
*****

ياريم طاوعنا وإسكن مرابعنا ** مادام تولعنا والشوق يسارينا
ياريم ياسارح قلبي معك رايح ** ترى الهوا جارح حرام تجافينا
هايمين فى حبك نبي نعيم قربك ** كل يوم على دربك تمشى خطاوينا
على العشب الاخضر شوق الهوى ينثر ** كل ماعلينا اتمر وياك يودينا
ياريم طاوعنا وإسكن مرابعنا ** مادام تولعنا والشوق يسارينا

**كويتى** · #7 25/09/2011, 11h37

الاستاذ القدير : مصطفى احمد

اغنية : وايد وايد منكـ ياغالي ..

( تسجيل أخر وأفضل من مشاركه لي سابقه - رقم 48 )

الكلمات

وايد وايد منك ياغالى .. زايد زايد إللي جراللي
خلى التجافي .. خليك وافي
ماكو على الود .. ياعمري لاتصد
والنظره منك ..ياروحى كافي .. ياروحي كافي

يامدلل علينا يامدلل علينا .. يابايع ماشرينا
يامدلل علينا يامدلل علينا .. يابايع ماشرينا

ترى احنا مانتغير مانتغير مانتغير
الله لايغيرعلينا ... الله لايغير علينا

خلى التجافى ... خليك وافى
ماكو على الود .. ياعمري لاتصد
والنظره منك ..ياروحى كافي .. ياروحي كافي

وايد وايد منك ياغالى .. زايد زايد إللي جراللي
خلى التجافي .. خليك وافي
ماكو على الود .. ياعمري لاتصد
والنظره منك ..ياروحى كافي .. ياروحي كافي .

.. إستمــاع طيب ..

**كويتى** · #8 30/10/2011, 18h20

الفنان والاستاذ القدير : مصطفى أحمد

سلموا لى على اللى سم حالي - جلسه

كلمات : شاعر الكويت فهد راشد بورسلى
الحان حمد خليفه

*****

سلمولى على اللى سم حالى فراقه
حسبى الله على اللى حال بينى وبينه

قايد الريم تاخذنى عليه الشفاقه
ليتنى طول عمرى دبلة فى يمينه

لى ذكرت الزمان اللى مضى والصداقه
عود القلب يرجف مثل رجف المكينه

عقب ما هو نديمى صار شوفه اشفاقه
قضب حبل الموده واقطعه فى يمينه

استمــاع رائع للجميع

#9 05/11/2011, 16h31

من التسجيلات القديمة أقدم ملفين رائعين .

مصطفى أحمد

أمس الضّحى شفت الحبايب
كلمات مبارك الحديبى
الحان غنام الديكان

سلام مني (حفلة قديمة) مختلفة عن تسجيل الأستوديو المرفوعة
كلمات يوسف المنيع
الحان عثمان السيد

**كويتى** · #10 05/12/2011, 20h28

الفنان القدير : مصطفى أحمد

( حبيبي شمعة الجلاس)

كلمات: جاسم شهاب

الحان :مرزوق مرزوق

من أجمل أغاني الفنان القدير حسين جاسم

*****
حبيبي شمعة الجلاس .. ولا كو من يسد عنه
غشيم(ن) بالهوا ما داس .. و دروبه من صغر سنه
حسين و كاعب مياس .. و عيوني ما رأت حسنه
عيون الخلق لها حراس .. غزال(ن) مشيته فتنه
يغيب وجيته بخلاس .. يخاف القول والظنه
إذا طال الهجر يا ناس .. تحريت الوصل منه
حبيبي شمعة الجلاس .. ولا كو من يسد عنه
غشيم(ن) بالهوا ما داس .. و دروبه من صغر سنه.