موشح .. ملا الكاسات ...

**الألآتى** · #1 20/07/2011, 05h37

يالهوى ياعم حسن .. ملا الكاسات مرة واحدة .. وموشح كمان

إنت عايز توقعنى مع أساتذة الموشحات فى المنتدى ولا إيه ؟

أنا فاكر إن عمنا سمير الجنحانى حلل الموشح ده قبل كده .. وطبعاً بعد تحليل الأستاذ سمير .. ماحدش يقدر يعدل عليه

إنت بقى عايز تحلل الموشح كما غنته ليلى مراد

هى ليلى مراد غنت حاجه .. غير ( أه أه ياموليمى )

عموماً .. نقول كلمتين .. علشان مانطلعش وإيدينا فاضيه

الموشحات عموماً .. تعتمد على التلوين فى اللحن والأداء .. وتعدد المقامات

أمال إسمها موشحات ليه .. جايه من الوشاح .. حاجه كده زى الكوفيه المزخرفة إللى بتحطها على رقبتك

حاجة مدندشة كده

المقام الرئيسى للموشح .. هو الراست

والإيقاع هو السماعى الثقيل وميزانه 10 / 8

بدأ بالراست وإنتهى إليه .. ولم ينسى أن يعرج على السيكا والنهاوند والبياتى أيضاً

لكن الراست هو المسيطر على العمل .. حتى الشطرة الشهيرة ( أه مليمى لا تسل عنى .. وخلينى على عهدى )

راست برضه .. ولكن من الجواب .. ونسميه ( كردان )

فى أغنية ليلى مراد .. سابت الكورس يعمل كل التلوينات .. وغنت هى جملتها الوحيدة اليتيمة من الراست ..

سنلاحظ تكرار جملة ( أمان يالالالى ) .. عامله زى ( ياليل ياعين ) عندنا فى مصر

أو زى ( أوف يابا ) فى بلاد الشام

ومعروف طبعاً إن ( أمان يالالالى ) جملة تركية

أرجو أن يشرفنا الأستاذ سمير الجنحانى .. ويضع لنا تحليله الجميل المفصل .. وخصوصاً أنه تحليل صوتى

مبسوط ياعم حسن ياكشك .. ماتبقاش تعملها تانى

**حسن كشك** · #2 20/07/2011, 06h01

اقتباس:

المشاركة الأصلية كتبت بواسطة الألآتى

يالهوى ياعم حسن .. ملا الكاسات مرة واحدة .. وموشح كمان

إنت عايز توقعنى مع أساتذة الموشحات فى المنتدى ولا إيه ؟

أنا فاكر إن عمنا سمير الجنحانى حلل الموشح ده قبل كده .. وطبعاً بعد تحليل الأستاذ سمير .. ماحدش يقدر يعدل عليه

إنت بقى عايز تحلل الموشح كما غنته ليلى مراد

هى ليلى مراد غنت حاجه .. غير ( أه أه ياموليمى )

عموماً .. نقول كلمتين .. علشان مانطلعش وإيدينا فاضيه

الموشحات عموماً .. تعتمد على التلوين فى اللحن والأداء .. وتعدد المقامات

أمال إسمها موشحات ليه .. جايه من الوشاح .. حاجه كده زى الكوفيه المزخرفة إللى بتحطها على رقبتك

حاجة مدندشة كده

المقام الرئيسى للموشح .. هو الراست

والإيقاع هو السماعى الثقيل وميزانه 10 / 8

بدأ بالراست وإنتهى إليه .. ولم ينسى أن يعرج على السيكا والنهاوند والبياتى أيضاً

لكن الراست هو المسيطر على العمل .. حتى الشطرة الشهيرة ( أه مليمى لا تسل عنى .. وخلينى على عهدى )

راست برضه .. ولكن من الجواب .. ونسميه ( كردان )

فى أغنية ليلى مراد .. سابت الكورس يعمل كل التلوينات .. وغنت هى جملتها الوحيدة اليتيمة من الراست ..

سنلاحظ تكرار جملة ( أمان يالالالى ) .. عامله زى ( ياليل ياعين ) عندنا فى مصر

أو زى ( أوف يابا ) فى بلاد الشام

ومعروف طبعاً إن ( أمان يالالالى ) جملة تركية

أرجو أن يشرفنا الأستاذ سمير الجنحانى .. ويضع لنا تحليله الجميل المفصل .. وخصوصاً أنه تحليل صوتى

مبسوط ياعم حسن ياكشك .. ماتبقاش تعملها تانى

يامايسترو
انا كنت طالب منك ... انك تحلل لنا ابداعية الكورال وعملوها ازاى ..... فى ذلك الزمن ..... وانت قولت لى ان الكورال لا تكتب له نوته .... فسر لنا ياعمنا

**الألآتى** · #3 20/07/2011, 11h18

اقتباس:

المشاركة الأصلية كتبت بواسطة حسن كشك

يامايسترو

انا كنت طالب منك ... انك تحلل لنا ابداعية الكورال وعملوها ازاى ..... فى ذلك الزمن ..... وانت قولت لى ان الكورال لا تكتب له نوته .... فسر لنا ياعمنا

أنا لم أقل أن الكورال لا تكتب له نوتة

أنا قلت أن الكورال لا توضع أمامه نوتة .. هناك فرق ياعم حسن

ماتوديناش فى داهية

النوتة تكون عامة .. يعنى للموسيقى والغناء

وعلشان الدكتور هشام خلف مايتهمناش بالجهل ..

عندنا فى موسيقانا الشرقية .. غير عند العالم دكهما فى الموسيقى الغربية

يعنى الأمور بتختلف

أنا بتكلم على موسيقانا الشرقية .. مافيش نوتة أمام الكورال .. لكن غناء الكورال مكتوب طبعاً فى النوتة العامة للحن

**عادل فؤاد رفاعى** · #4 20/07/2011, 19h11

يا عينى على الطرب الأصيل..انا حبيت بس ادخل اسجل إعجابى بالموضوع الشيق

**Hisham Khala** · #5 21/07/2011, 20h05

اقتباس:

المشاركة الأصلية كتبت بواسطة الألآتى

أنا لم أقل أن الكورال لا تكتب له نوتة

أنا قلت أن الكورال لا توضع أمامه نوتة .. هناك فرق ياعم حسن

ماتوديناش فى داهية

النوتة تكون عامة .. يعنى للموسيقى والغناء

وعلشان الدكتور هشام خلف مايتهمناش بالجهل ..

عندنا فى موسيقانا الشرقية .. غير عند العالم دكهما فى الموسيقى الغربية

يعنى الأمور بتختلف

أنا بتكلم على موسيقانا الشرقية .. مافيش نوتة أمام الكورال .. لكن غناء الكورال مكتوب طبعاً فى النوتة العامة للحن

حاشا لله يا عمنا و عم الموسيقيين

الأستاذ حسن كشك عمل بحث و جمع حاجات كثيرة عن هذا الموشح ، مجهود رائع و فكرة حلوة …

أنا حاليا قاعد داخل مخ رياض السبناطي و بأشوف هو بيفكر أزاي و ها أحتاج مساعدتك في هذا الموضوع لعمل مقارنة في أسلوب التلحين عند الملحنين المعاصرين له و سوف أتخذ المقدمة الموسيقية لأغنية ليلي و نهاري (لا يا حبيبي) مثال لطريقة و أسلوب رياض السبناطي في التلحين و حاجة لعبد الوهاب عشان نشوف برضه طريقته و أسلوبه في التلحين. أنا كتبت النوتة خلاص بس ناقص حاجة من اعمال عبد الوهاب للمقارنة. و المقارنة ليس الغرض منها أننا نقول مين الأحسن أو الأشطر و لكن الأسلوب و طريقة التفكير لأنهما مختلفان بشدة في أسلوب التلحين.

**الألآتى** · #6 21/07/2011, 21h01

ماشى ياعم حسن ياكشك

حاتعمل جروب إنت والدكتور هشام .. ربنا يسهل له

المهم .. عايزين نعرف النتيجة قريباً

**حسن كشك** · #7 22/07/2011, 08h16

اقتباس:

المشاركة الأصلية كتبت بواسطة الألآتى

ماشى ياعم حسن ياكشك

حاتعمل جروب إنت والدكتور هشام .. ربنا يسهل له

المهم .. عايزين نعرف النتيجة قريباً

يامايسترو نعملك ايه يعنى .... ما انت عمال تتدلع علينا وبنشد منك الكلام شد ..... وانت بتدينا بالقطاره .... وترجع تقول اسأل واعرف .... ما احنا سألنا وسهلنا ... وجمعنا لك كل حاجه عشان تتكلم ...
مش عاوز ..... نعمل لك ايه يعنى ... نقف لك بالليل على ناصية الحارة .... ولا نخطفك ونقررك بطريقة مباحث امن الدولة

**الألآتى** · #8 23/07/2011, 03h14

اقتباس:

المشاركة الأصلية كتبت بواسطة حسن كشك

يامايسترو نعملك ايه يعنى .... ما انت عمال تتدلع علينا وبنشد منك الكلام شد ..... وانت بتدينا بالقطاره .... وترجع تقول اسأل واعرف .... ما احنا سألنا وسهلنا ... وجمعنا لك كل حاجه عشان تتكلم ...

مش عاوز ..... نعمل لك ايه يعنى ... نقف لك بالليل على ناصية الحارة .... ولا نخطفك ونقررك بطريقة مباحث امن الدولة

لا والنبى ياعم .. حرمت ..

**hossamrezk** · #9 19/12/2011, 16h51

حقيقة لى الشرف لوجودى فى وسط هذه الحديقة الزاهرة بكل صنوف الفن و الطرب ...ادام الله لنا افضال الاساتذة العظام

**عادل الصامت** · #10 20/12/2011, 13h31

هذا الموشّح أدّته المطربة التونسية السيدة نعمة بطريقتها الخاصّة في جلسة مع مجموعة من الفنّانين . تابع الرابط التالي
http://www.sama3y.net/forum/showthread.php?t=75861