سلموا لى على اللى سم حالى فراقه
كلمات فهد بن راشد بورسلى
الحان ؟
سلمولى على اللى سم حالى فراقه
حسبى الله على اللى حال بينى وبينه
قايد الريم تاخذنى عليه الشِفاقه
والله إنى عليه أحن من والدينه
عقب ذيج الليالى اللى مضت والصداقه
عود القلب يرجف مثل رجف المكينه
آه ياقلبى اللى راح منى سْراقَه
تل عِرْجْ الموده وإنقطع فى يمينه
عقب ماهو نديمى صار شوفه شْفاقه
الله أكبر على بوعشر وأربع سنينه
زامياتٍ نهوده يوم زَرَّرْ إشباقه
مثل خوخ المورد توهم قاطفينه
والردايف تشيل الثوب عن حجل ساقه
مثل برقٍ تكاشف لى كشف عن جبينه
أبْعَده الشوق عنى وأنا ما أقدر فراقه
واعذاب المولع ما لقى من يعينه
أشتهى عشرته وأنا عشقته عشاقه
فى زمان مضى واليوم وينى ووينه
رد: الفنان عبداللطيف الكويتي 1901 - 1975
العرض الشجري