النهاوند على اد الشوق .. ايظن

[الألآتى]

المشاركة الأصلية كتبت بواسطة ابوكارم

استاذنا الفاضل الاستاذ/ الالاتى
شكرا جزيلا على سرعه الرد
ولكن استاذى لكى نحقق ابعاد سلم نهاوند كبير(نهاوند+نهاوند)ستكون نغمه(لا)عاديه ناتيوريل وليس بيمول
والمرصع ستكون الصول بيمول وال(لا)عاديه لكى نحقق الحجاز.

كلامك صحيح .. هل هناك مشكلة فى هذا ؟

المشاركة الأصلية كتبت بواسطة ابوكارم

ثم اخى الفاضل قصدى نهايه(قفله )المقدمه الموسيقيه قبل بدايه الغناء مباشره فى الاغنيتن على قد الشوق اخر نغمه صول نوى ثم يدخل عبد الحليم بالغناء على قد الشوق اللى فعيونى.....
ونهايه المقدمه الموسيقيه لاايظن قبل الدخول بالغناء مباشره؟

فى ( على قد الشوق ) ينهى المقدمة على درجة الصول .. ويبدأ منها الغناء .. هكذا أراد كمال الطويل

وفى ( أيظن ) ينهى المقدمة على درجة الصول .. ويبدأ الغناء من درجة الدو .. هذا هو عبد الوهاب

[حسن كشك]

الله ينور ياجماعة
بس معلش
كلام الخبراء الجامد اوى ده
مش ها اعرف اجاريكم فيه

[الألآتى]

المشاركة الأصلية كتبت بواسطة حسن كشك

الله ينور ياجماعة

بس معلش
كلام الخبراء الجامد اوى ده
مش ها اعرف اجاريكم فيه

ياعم روووووح

إسأل ياعم حسن .. إستفسر .. ولا يهمك

( يعنى إيه ؟ , مين ؟ , فين ؟ .. كام ؟ )

أى سؤال داير فى راسك .. إسأله .. مافيش حدود للعلم

وبإذن الله نقرب لك ونبسط لك المسائل بقدر الإمكان

[حسن كشك]

المشاركة الأصلية كتبت بواسطة الألآتى

ياعم روووووح

إسأل ياعم حسن .. إستفسر .. ولا يهمك

( يعنى إيه ؟ , مين ؟ , فين ؟ .. كام ؟ )

أى سؤال داير فى راسك .. إسأله .. مافيش حدود للعلم

وبإذن الله نقرب لك ونبسط لك المسائل بقدر الإمكان

يا مايسترو
اناعاوز درس خصوصى ... وسماعى ... مكثف ....يعنى مش بالساهل
اصبر بس لما نتقابل .... وابقى اسألك شخصيا ... عشان لما تتعب معايا ... وتتغاظ من جهلى ... وعاوز تشتم مثلا او اى حاجه ... يكون بعيد عن الناس ... وبينى وبينك ولا حد يعرف حاجه

[باهر المصري]

ابو حسام دايما هايل بحبك قوي انما فيه حاجة مش فاهمها في الجمع المتصل جنس الجزع و جنس الفرع بيشتركو في نغمة دة ما ينيخليش المقام سبع نغمات مش تمانية

[الألآتى]

المشاركة الأصلية كتبت بواسطة باهر المصري

ابو حسام دايما هايل بحبك قوي انما فيه حاجة مش فاهمها في الجمع المتصل جنس الجزع و جنس الفرع بيشتركو في نغمة دة ما ينيخليش المقام سبع نغمات مش تمانية

أشكرك أخى العزيز .. القلوب عند بعضها ..

أما بخصوص طرق الجمع .. فيوجد الجمع المنفصل .. وقد شرحناه

والجمع المتصل وشرحناه أيضاً

طيب لو عرفت إن فيه جمع متداخل .. زى السيكا والهزام وغيرهم .. تعمل إيه

يعنى جنس الجذع والفرع بيشتركوا فى النغمة الثالثة .. مش فى الرابعة

وهل تعلم أن هناك مصطلح ( الطبع ) مثل طبع السيكا .. وهو ثلاث نغمات

أو مصطلح ( العقد ) مثل عقد النوا أثر وهو خمس نغمات

هذا بجانب الجنس .. أربع نغمات

العملية معقدة وتحتاج لشرح طويل

أما بخصوص سؤالك بالتحديد .. فإن المقام لايصبح سبع نغمات .. لأننا نستمر بجنس ثالث .. ويسمى جنس مكمل

وأحياناً جنس الجذع يتغير فى منطقة الجوابات مثل الصبا ..

إن شاء الله أقوم بتحضير عدة محاضرات بهذا الخصوص

[الشربينى الاقصر]

الاخوة الافاضل /رجال العلم والفن فى الموسيقى .
تحية حب وتقدير لكم ولحواراتكم الممتعة .ورغم اننا لا نعرف الكثير ولا القليل عن علم الموسيقى الااننا نتذوق معلوماتكم القيمة وانا اول من (يظن)ان المستمع العربى بحاجة الى فهم الموسيقى كعلم كى يتذوق جمالها اكثر .وانا ايضا (على ادالشوق)الى سماع الفن الموسيقى الا انى اود معرفة العلم الموسيقى .وفى دراستنا القديمة يوم ان كانت المدارس تهتم بحصص الموسيقى قال لنا مدرس الموسيقى فى اول حصة (الموسيقى علم وفن :فن كما هو معروف يفهم بالسمع وعلم لانها تدرس ولها اصول وقواعد علمية .شكرا لاهل الفن وشكرا لمنتدى سماعى الذى طالما اطربنا وعلمنا وجاء لنا بكل ما هو عجيب وغريب .
محمداحمدخليل الشربينى الاقصرى
مصر/الاقصر/الكرنك/نجع التماسيح
20/11/2012م

[الألآتى]

المشاركة الأصلية كتبت بواسطة حسن كشك

يا مايسترو

اناعاوز درس خصوصى ... وسماعى ... مكثف ....يعنى مش بالساهل
اصبر بس لما نتقابل .... وابقى اسألك شخصيا ... عشان لما تتعب معايا ... وتتغاظ من جهلى ... وعاوز تشتم مثلا او اى حاجه ... يكون بعيد عن الناس ... وبينى وبينك ولا حد يعرف حاجه

تحت أمرك يابو ميدو .. ومن غير شتيمة ولا أى حاجة

[ابوكارم]

المشاركة الأصلية كتبت بواسطة الألآتى

كلامك صحيح .. هل هناك مشكلة فى هذا ؟

فى هذه الحاله اخى الفاضل سنغير دليل المقام واللا نغير فى كل مازوره كلما وجدنا نغمه(لا)نكتب امامها علامه بيكار ......وكذلك الصول
اسف على الاطاله وشكرا
جزيلا.

فى ( على قد الشوق ) ينهى المقدمة على درجة الصول .. ويبدأ منها الغناء .. هكذا أراد كمال الطويل

وفى ( أيظن ) ينهى المقدمة على درجة الصول .. ويبدأ الغناء من درجة الدو .. هذا هو عبد الوهاب

فيكون هنا استاذنا الفاضل النهاوند (قفل)لم يرتكز على الدو وارتكز على الصول (النوى).....يعنى مفيش مشاكل ان لو نهى المقدمه على صول وهى نهاوند
يعنى العبد الفقير الى الله لو كتب مقدمه نهاوند ونهاها صول سيتعرض للنقض للنقد للكلام ام ان طابع النهاوند يقفل صول
ولسيادتكم جزيل الشكر

[الألآتى]

دليل المقام لا يتغير .. وإنما نضع علامات تحويل عارضة كلما إحتجناها داخل العمل

المشاركة الأصلية كتبت بواسطة ابوكارم

فيكون هنا استاذنا الفاضل النهاوند (قفل)لم يرتكز على الدو وارتكز على الصول (النوى).....يعنى مفيش مشاكل ان لو نهى المقدمه على صول وهى نهاوند
يعنى العبد الفقير الى الله لو كتب مقدمه نهاوند ونهاها صول سيتعرض للنقض للنقد للكلام ام ان طابع النهاوند يقفل صول
ولسيادتكم جزيل الشكر

عملية قفل الجملة اللحنية على درجة الركوز ليست قاعدة .. لأن التلحين عملية إبداعية لا يجب أن تتقيد بالقواعد الجامدة ..

القواعد تم وضعها للإستدلال بها .. وليس التقيد الجامد

إطلق لخيالك العنان والحرية فى التلحين .. بشرط عدم النشاز أو الخروج عن المقام بطريقة خاطئة