الفنانه الراحله عائشة المرطة 1931-1979

**كويتى** · #1 13/07/2011, 00h25

الفنانه الراحله :عــائشه المــرطه

سامرية ( أجفان عيــني )

*****

أجفان عيني هاطلات دموع

وأشواق قلبي مالها راعي

وغديت ذايب والحشى موجوع

يا ناس منهو يرحم اوجاعي

ومن جاد لين خلا الوصل ممنوع

ماينصف المجبور ويراعي

يا ناس بعده ما إهتنيت اسبوع

وإهوا على تشتيتنا ساعي

شهرين وأنا خاطري مفجوع

وقلبي على من كان بياعي

والحب عندي بالحشى مزروع

يا ليت خلي يبعث الساعي .

**كويتى** · #2 17/07/2011, 20h20

الفنانه الراحله : عــائشه المــرطه

( يقول إللي جرح قلبه حبيبه )

*****

يقول الى جرح قلبه حبيبه .. وجرب لوعة الحب ولهيبه
الا ياويل منهو عاش مثلي .. صويب القلب والحاله تعيبه

صبرت وما جزاي الا تمنى .. وانا محتار وجروحي عطيبه
أسير بشوق خلٍ مارحمني .. ياليت اللي سطا بقلبي يصيبه

انا وش حيلتي باللي ظلمني .. عنيد الراي مايرحم صويبه
يقولون إترك الزين وغرامه .. حبيبٍ خان ودك وش تبي به

وأقول للي جرى محدٍ درابه .. عسى من لامني به يبتلي به
انا مدري علامه مايبيني .. صحيح الزين عاداته غريبه .