المطربة الجزائريّة * ثلجة *

[عطية لزهر]

و هذه أغنية طليت من الطاقة ريتو
طليت من الطاقة ريتو بلباس باهي موتيه** في داخل قلبي حطيتو وقليبي نا قفلتو عليه
كي شفتو قالي يا غزالة من حبك راني في حالة سحرتيني بنظرة مذبالة وحبيبي أنا نبغيه
قالي نحبك الغالي كي شفتو نومي ما حلالي وقتاش يسعد بيك بالي وقلبي وانت الي بيه
انا من قلبي نحبو يحكيلي علي في قلبو شكون شكون الي يضدو وحياتي ديما ليه

[عطية لزهر]

المطربة الغائبة ثلجة تغني محلاك يا سويعة
محلاك يا سويعة عدينا البارح لوكان يا سويعة جيتي تدومي
القصبة تقول و قلبي فارح وحبيب الخاطر زاهي قدامي
محلاك يا سويعة احنا عدينا لو كان يا سويعة جيتي تطولي
قعدنا سهرنا زهينا و غنينا خسارة يا سويعة بالخف تزولي
محلاك يا سويعة عدينا لويلة لوكان يا سويعة جيتي تولي
تولي في لويلة و تكون طويلة و حبيب قلبي يكون قدامي
محلا يا سويعة عدينا عشية لو كان يا سويعة تولي مرة
تولي في سهرية مع الغالي علي نزهى و نغني و اجراحي تبرى