طلبات نوتة

**عادل صموئيل** · #1 22/06/2011, 23h14

احبائى
اقدم لكم
من روائع فريد الاطرش
قسمة
يعنى اللى شدنى اكتبها بسرعة انها فى ودنى وثانياً انها مذهب و3 كوبليهات متكررة
يعنى مش بتزرع جواها وقت طويل
واحلى حاجة عجبتنى فيها الكورال شوفوا كمية الطرب اللى فيهم وتخيلوا دول كانوا مطربات خطرين بس كان حظهم وحش ماتشهروش يعنى اجدعها واحدة من اللى بيغنوا دلوقتى ماتجيش فيهم قشاية
وعجبى .....
مع اطيب تحياتى

**عادل صموئيل** · #2 23/06/2011, 03h21

احبائى
اقدم لأخى العزيز عزت شحاتة ال 4 ترانيم التى طلبها

آجيوس
العالم يبنى ويزرع
ثبت انظارك فيه
ما بتنساش

وشوف بقى ياعم عزت المعجزات
يعنى الليلة دى كان عندى ظرف مهم كان لازم اسهر جنب التليفون عشان حاجة مهمة من الساعة 2 الى الساعة 5 فى الفجر و طبعا عشان اضيع الوقت قلت اكتب فيهم لكن ربنا اراد وخلصتهم
فيه ملحوظة مهمة جدا على الشرائط المتداولة فى الكنائس ان اللى بيعملوها بيبقى من الاخوة الاعزاء الهواة يعنى من النادر تلاقى محترفين او مدرسين بيتولوا العملية دى , وبالتالى بيبقى فيه تحفظات على الأداء , يعنى ممكن الصولو او الكورال تكون عندهم نغمات مش مضبوطة , وبعدين ناس بتحفظ من الشرايط دى وبالتأكيد بتحفظها على عيبها بالغلطات اللى فيها , وانا اتمنى انك تاخد بالك من المشكلة دى
مع اطيب تحياتى

**عادل صموئيل** · #3 23/06/2011, 23h26

احبائى
اقدم لكم
هو صحيح الهوا غلاب
وقد قمت بتبسيطها بحيث ان اى مبتدىء فى اولى ابتدائى ممكن يعزفها
اتمنى ان تحوز رضاكم
مع اطيب تحياتى

**عادل صموئيل** · #4 24/06/2011, 22h22

احبائى
عشان اخلص الديون القديمة
اقدم لكم
الكوبليه الاخير من جددت حبك
انا عملته فى صفحة منفصلة لأن من الصعب ارجع للنوت القديمة اللى كتبتها لأن عندى كذا كمبيوتر وكذا هارد وكل ما اجى اشيل الويندوز بخزن ملفات النوت طبعا بس المضحك مش بعرف بتتخزن فين وسط الزحمة والمشكلة انى لازم اجيب ملف الانكور عشان اكمل عليه لأن ملف ال بى دى اف اللى بنزله لكم هنا ماينفعش استرجع منه ملف الانكور
اتمنى ان تسعدكم مع اطيب تحياتى

**عادل صموئيل** · #5 26/06/2011, 14h10

احبائى
اقدم لكم من روائع ام كلثوم
جددت حبك
كاملة

ملحوظة النوتة اللى بخط اليد مش تدوينى وفيها غلطات كتير انا هنا اقدم لكم النوتة كلها انا دونتها تانى من اجلكم
مع اطيب تحياتى