المطربة الجزائريّة * ثلجة *

**عطية لزهر** · #1 21/06/2011, 17h14

بما أننا في فصل الأعراس ثلجة غنت للعروس جبولها الحنة
جبولها الحنة عروستنا حورية جنة *** اليوم تتهنى والناس تغني فرحانا
عروستنا جميلة والرقبة كاملة و طويلة **مسرارة حنينة تزغرد العمة و الخالة
خموس عليها والخاتم ذهب في ايديها ** والله مواتيها والنظرة منها خبالة
عريسها رجال هي نجمة وهو هلال ** على ولد الحلال تتمناه كل غزالة

**عطية لزهر** · #2 22/06/2011, 18h23

و هذه أغنية تفاؤلية للمزيود الجديد بعنوان مبروك الصغير
يا سعدك يا لوخية مبروك عليك الصغير وليد ولا بنية ما تعرفي وين الخير
ها سعدك ها لوخية انشاء بيتك تعمار محمد و زهية هوما عمارة الدار
لا جاتو فتحية سعيد ولا مختار الله يخيلهم ليا بشير و أم الخير
يا فرحك يا لوخية مولى بيتك فرحان قال الدار ضوات علي والي يبكي السلطان
جابك معاه هدية روايح و قفطان بخيوطو الذهبية و لباس من لحرير
فرحو ناسي و جيراني سلاك راسك يا لحنينة عليك غنيت الحاني
والناس تبارك لينا لقريب حتى البراني فرحولك ها يسمينة
هشام فيصل الغالي طارق فاطمة و منير

**عطية لزهر** · #3 28/06/2011, 07h19

وهذه اغنية للطربة ثلجة بعنوان خانتني ليام
خانتني ليام وزادني زهري الثاني **صغري عديتو ظلام والشيب بلا وقت قساني
شبت وظلمني الشيب ومنو انا مقواني ** ما بقى لحنين لا قريبوين هوما ناس زماني
في الشدة والضيق واحد منهم ما بان ** الي نقول هذا صديق يغدرني بلامان
الي ندير فيه النية ونقول هذا كتافي ** يغدرني ويلعب بيا ويخون ويهوى خلافي
نوكل ربي والوليا قلبي لبيض الصافي ** والي داروها بيا ربي يجازي و يكافي

**mohamed87** · #4 03/07/2011, 14h03

السلام عليكم

فعلا موضوع قيم جدا
انا ابحث منذ مدة طويلة على اغاني ثلجة تبسية صحبة عازف القصبة السبتي الزناتي
منها اغنية تقول كلماتها " لالي يمة لاليا لالي وينو غزاليا "

رجاءا من يملكها يضعها لنا

مع الشكر