شرح برنامج السونار وكيفية التوزيع الموسيقى من خلال الكمبيوتر

[مينا لبيب]

المشاركة الأصلية كتبت بواسطة داني ميخائيل

أستاذي العزيز مينا :
بعد التحية والتقدير
انا بس عاوز اسألك في سؤال بصراحة معقدني وخلاني بجد يأست
انا اشتغلت على السونار والكيوبيز
SONAR 8
CUBASE SX 3 H2O
وبعد ما اخلص ادخال الميلودي بالأورج عن طريق كابلات الميدي مع العلم بأن الأورج بتاعي ماركة CASIO واشتغلت بيه على برنامج ال ACCOSTICA MIXCRAFT وكان ناجح
بس المشكلة معايا دلوقتي اني بعد ما بدخل الميلودي بكابلات الميدي بتتقري على البرنامج بس لما بعمل ليها MIXDOWNE بتخرج من غير اي صوت اةو تأثير في الملف النهائي
جربت الموضوع ده اكتر من مرة وفشلت
فهل العيب في البرنامج
ولا في الكمبيوتر ولا فيا انا
بجد محتاج مشورتك ونصيحتك قوي لأني بدأت ايأس من التوزيع بسبب البرامج دي

ثنيا انا محتاج حضرتك تعمل توزيع للفريق بتاعي احنا عاملين 5 ترانيم جديدة تأليف القس ابراهيم ابراهيم
وتلحيني
محتاج اتواصل مع حضرتك لو معندكش مانع لتوزيع تللك الترانيم
ومحتاج اعرف التكاليف
فياريت ترد عليا لو مفيهاش مانع
انا خادم كورال تندر تيم بكنيسة السيدة العذراء مريم بعياد بك بشبرا
شكرا ليك

عزيزى دانى بخصوص استفسارك الاول قد يكون العيب اللى بيخليك مش قادر تعمل ميكس داون للتوزيع هو ظبط فى كارت الصوت او Audio devices فى الكمبيوتر بتاعك . ودى محتاجة منك انك تجرب كذا ظبطة لغاية ماتحصل على صوت فى الميكس داون . الحاجة التانية ان الاصول الصحيحة للتوزيع ان احنا لازم نحول كل تراك على حدى الى wave مش نعمل ميكس داون لكل التراكات مع بعض . لان لازم كل تراك يتظبط على حدى فى الاستوديو من خلال مهندس الصوت



-- اما بخصوص الترانيم اللى انت محتاج توزعها . انا ماعنديش مشكلة انى اوزعهالك . وهبعتلك رسالة فيها رقم تليفونى الشخصى عشان نرتب مع بعض


تحياتى

مينا لبيب

موزع موسيقى