يا من يعاوني علي الونه - فن لعبونى
كلمات عبدالله بن محمد الفرج
يامن يعاونى على الوَّنَه
ويساعد المفجوع بِحْسانه
ويساعد اللى بالهوى جنه
سيد العذارى وأحدث أشجانه
يا ما عفا الله يوم أنا منه
أجنى الزهر من روض بستانه
يا ما وقع سِنى على سِنه
وأصبحت جنى فالق الدانه
فى مجلس له بالهوى رَنَّه
تسعى لنا بالكأس غزلانه
ما أحلاه فى عينى إلى منه
أقبل يحاجى نبعة البانه
واليوم يا الخلان يوم إنه
لباه عهدى بالوفا خانه
شقول أنا فى حورى الجنه
اللى فجع قلبى بهجرانه
يابو ثليل ينفح الخنه
ومعكرش يضفى على أمتانه
ماهوبْ بْفرضٍ ولا سِنه
تلعب بروحٍ فيك ولهانه
ما ترحم اللى ما سَلا جنه
مطعون من فَرْقاك بالزانه
ولد الهوى ما جال فى ظنه
إنك تشمت فيه عدوانه
يالايمى بَسِك من الحَّنه
وش لك على قلبى وسلطانه
ما شفت من تطرى لها عنه
مكحولة العينين نعسانه
أُم الروايح من لها بنه
اللى غدت للروح ولجانه
جتنى كما المهره ومعتنه
خمرية المجدول فتانه
يا شايل فى ذا الهوى فنه
ومضيع بالغى برهانه
الحمد للمعبود والمنه
فيما قضاه اليوم سبحانه
رد: الفنان عبداللطيف الكويتي 1901 - 1975
العرض الشجري