حتى الخواجات بيغنوا لسيد درويش

[lovebite]

سيد درويش وصل لحد أمريكا و هنا فى بلده الشباب بيقرفوا يسمعوه

اختلف مع الجملة دي شكلا و موضوعا

مين قال ان الشباب في مصر بيقرفوا يسمعوا سيد درويش؟؟

هم اصلا طايلين يسمعوه عشان يقرفوا ولا لأ؟؟

انا واحد عندي 32 سنة و مع ذلك لم اسمع معظم اغاني سيد درويش الا بعد ظهور الانترنت و منتدى زي سماعي بيقدم اغاني الفنان العظيم ده للي عايز يسمع...يعني العيب مش في الشباب ...العيب في الاعلام القاصر الضعيف اللي بيكبر التافه و يهلل له و يخفي كل حاجة جميلة لها معنى

ورغم كل ده انصحك تخطف رجلك لساقية الصاوي و تحضر حفلة لفرقة هواه اسمها اسكندريلا ...اسمع شباب زي الورد بيغني لسيد درويش و الشيخ امام ...و بيغني كلام فؤاد حداد و صلاح جاهين ...وجمهورهم متوسط اعمارهم لا يزيد بأي حال من الاحوال عن 25 سنة

شباب مصر فقط ينقصه التوجيه الصحيح ...وللأسف مش موجود في بلدنا دي ولا في زماننا ده طالما كل شئ يسير في اتجاه التفاهة و السطحية