الشعر الزهيري ( الزهيريات )

**كويتى** · #1 29/03/2011, 13h41

زهيريات : عبدالرحمن الضويحى

( يرحمه الله )

3- أدعج غنج

أدعَجْ غَنَـجْ غَضْ بَضْ امْقرْمـزات اشفـاه

زار المريـض ويضـن بـزيارتـه اشفـاه

مـايـدري انـه مُحـبْ وفي شفـاه إشفـاه

يا زاير اعرف تـرى كل امرضـه باسبـاب

هجر وجفا منك مع حاجـب مهو بَـسْ بـاب

وأصبح سجيـن وغـدا كالمنْربـط بسبـاب

وَلَّـتْ حياتـه وراحـت فرحتـه وشفــاه

**كويتى** · #2 29/03/2011, 13h45

زهيريات : عبدالرحمن الضويحى

( يرحمه الله )

4 - من عاب عابوه

من عاب عابـوه فـي نسْبـه وفـي حسْبـه

العيـب في داخلك ياشيــن بـس حِسْ بـه

عيبـك عـدد شعـر راسـك عـدّده حِسْبـه

منتـه مـن اللـي غـدا للمـرجلـه كسَّـاب

أصـلـك رديٍّ ولا انـت بـالكـرم كسَّـاب

ومن يسمـع السب ويرضى هو ترى كسَّـاب

قالـو بالامثـال كـل حسبــه ولها حِسْبـه.

**كويتى** · #3 29/03/2011, 13h49

زهيريات : عبدالرحمن الضويحى

( يرحمه الله )

5- عشرين عام

عشـريـن عـامٍ أقـيّـد بالليـالي وَعِـدْ

يا عونـة الله تـرى وعد الحرايـر وَعـدْ

يا ما شـربنـا زلالٍ من شفـاكـم وعِـدْ

عشـريـن عام أتحـرّى قبْلتـك لي تهـل

مثـل الذي ظامـيٍ ينطـر مـزونٍ تهـل

أنظـر نجوم السمـا ودمـوع عيني تهـل

وأقـول يا يوم جيبـه لي سـريـعٍ وعَـدْ

**كويتى** · #4 29/03/2011, 13h52

زهيريات : عبدالرحمن الضويحى

( يرحمه الله )

6 - له معدن كالذهب

لـه معـدنٍ كالذهـب زلات مـا ظـن لـه

يا زيـن مستقبلـه ويازيـن مـاضـنٍ لـه

واضح وضـوح العَلـَم لـو تِهْـتْ ماضِلّـه

كريم نفـس وبطـل وقـت الفعـل ماضـي

يأبى المهانـة جـزوع بحاضـر وماضـي

فعـل الرجـال افعلـه و بخطتـه ماضـي

أبصم بعشـر وغيـر العشـر ماضٍ لـه

**كويتى** · #5 29/03/2011, 14h22

زهيريات : عبدالرحمن الضويحى

( يرحمه الله )

7- الناس فى راحه

النـاس في راحة وانا بشقـا وامْـرارْ

والماي يصبح بريجـي به مَـرار وامْـرار

ما أطيـج انا الـزاد به عقب الحـلاة امـرار

يا متلـف الـروح يلّـي ما بحالـي شَعَـرْ

شمتـان في بلـوتي من يوم غنّـى وشعـر

الراس صـابه صـداع وما بُقـى بهْ شَعَـرْ

يا أهـل الوفـا بس قولولـه يمـر امـرار.

**كويتى** · #6 29/03/2011, 14h53

زهيريات : عبدالرحمن الضويحى

( يرحمه الله )

8- أنتم ترهمون لى

انتـم ترهمـون لي وآنـا لكـم مـرهـم

أرهـم مع اللي لجرحي بلسـم ومـرهـم

وأرهـم معَ اللي يْتشـرَّه ليش ما مُـرهـم

وأرهـم مع من فقـدنـا سـاعـةٍ مَـرنا

وأرهـم معَ اللي يشـارك حلـونا ومُـرنا

وأرهـم مع الابتسـامـه وكِلْمِتـه مـرنا

ولا منّي مـرّيت يعاتبنـي بَعَدْ مُـرْ هَـم .

**كويتى** · #7 29/03/2011, 15h20

زهيريات : عبدالرحمن الضويحى

( يرحمه الله )

9- أهــــل الوفــا

أهل الوفا وين غابوا واختفى ظلهم
تميت أدور نزلهم بس ذكر ظل لهم
بالأمس ما جد عناهم واحدٍ ظلهم
إمن البعد دوم بس تسمع فناجيلهم
أهل الشهامات راحوا وانفنى جيلهم
يا مالك الموت اطلبنى فنا جيلهم
يطيب لي قربهم واسعد بماضٍ لهم