شرح برنامج السونار وكيفية التوزيع الموسيقى من خلال الكمبيوتر

**Hisham Khala** · #1 13/03/2011, 17h43

الأخ العزيز الأستاذ مينا
إن شاء الله تكون بخير و في أحسن حال.
شوف يا سيدي ، أنا عندي مشكلة دائمة في المكساج لأن دايما الحلو ما بيكملش ، و عندي برامج كثيرة DAW.

الأول أقول لك طريقة شغلي في المزيكة: البداية بأكتب النوتة للحن اللي ها اوزعه او اللحن اللي انا لحنته علي برنامج Notation زي الفينالي أو السبيليوس ثم أكتب الخطوط اللحنية لباقي الآلات ، مثلا وتريات: كمان1 ، كمان 2 ، فيولا ، تشيللو ، كونترباص - نفخ نحاس: هورن - ترمبيت - ترمبون - توبا - نفخ خشب: فلوت / بوكولو ، ابوا ، كلارينت ، باسون (فاجوت) - ممكن آلات شرقية - تمباني و ايقاع ...
و بأستطيع كتابة Articulations & Dynamic Expressions عشان تعطي للموسيقي حياة و كانت النتائج جيدة ، و لكن كان الايقاع مش حي بالرغم اني باكتبه بأيدي بالتفصيل و بعض الآلات تحس انها صناعية و لذا تطلعت للأفضل فبدأت باستعمال DAW (Digital Audio Workstation) t علي اساس وجود Software Instruments (VSTi & Dix) t و وجود لوبات ايقاعية حقيقية ، و تقدر تعمل Pan و تتحكم في الصوت و إضافة التأثيرات .... و لذا بأحفظ العمل في فورمات ميدي من الفينالي و انقلها الي DAW

علي جهاز الماك Apple Mac عندي الجراج باند و لوجك برو 9 ، و الحقيقة الجراج باند مريحني بس فيه بعض العيوب:
الآلات الوترية Soft Instruments مفيش سولو كمان و ساعات يعمل لي Vibrato مع الوتريات أنا مش عايزه و مش عارف اتخلص منه ، و لما أضيف موديولات من شركات أخري بتبقي حمل عليه و مش بيتعامل معها كويس ، غير أن كارت الصوت في الماك سر من اسرار الشركة و مستحيل تعرف تركب كارت صوت تاني ، الموسيقي الناتجة صوتها منخفض نسبيا مع تعلية الفوليوم.
مميزاته: سهل الاستخدام - لوبات ايقاعية كثيرة جدا - آلالات نفخ حلوة - آلالات شرقية معقولة - جيتارات خطيرة - باصات معقولة ، تحكم رائع في Panning بحيث كل نغمة من الجيتار مثلا تقدر تطلعها من سماعة مختلفة.

لذا فكرت في استخدام الويندوز حيث كارت الصوت ممتاز و السماعات ممتازة ، و كان البرنامج اللي قدرت اتعامل معاه بسهولة نسبية (بالمقارنة للجراج باند) هو السامبيلتيود ، و لكن الحلو ما يكملش ، فالبرنامج استطاع التعامل مع برنامج كومباكت ، لكن رفض التعامل مع كونتاكت 4 بالرغم انه بيتعامل مع كونتاكت 2 ، العيب الثاني لو اللحن طويل الجزء الأخير من اللحن لا يقرأه و كأنه بيتعامل مع عدد معين من الموازير بعدها بيستعمي و كأنه مش شايف الباقي ، العيب الثالث ممكن انا السبب فيه ، هو أن اللوبات الايقاعية مش بيعرف يتصرف معاها علي حسب التمبو ، فيبقي اللحن ماشي بسرعة معينة و الايقاع ماشي بسرعة أخري

لذا فكرت في سونار X1 , و هو متقدم عن سونار 8 و بيتعامل مع الملفات الميدي و متعرف علي الكومباكت و علي الكونتاكت 4 بس يا سيدي تيجي تطلب منه انه يعزف الملف الميدي بواسطة الكومباكت او الكونتاكت مفيش صوت طالع و المؤشر بتاع الصوت عامل طالع نازل علي الفاضي
السؤال كيفية استخدام Software Instruments مع السونار عشان تطلع صوت ؟

كونتاكت 4 مهم بالنسبة لي عشان ممكن اعمل ارباع التون بيه.

مرفق ملفين صوتيين باستخدام السامبليتيود مع الكومباكت ستجد أن أصوات الوتريات فيها جيدة ، الأول من الحاني و الثاني من توزيعي.

**مينا لبيب** · #2 14/03/2011, 07h17

الاستاذ هشام تحية طيبة وبعض

شكرا لك على مشاركتك . وانا اتفق معك تماما ان هناك مديولات وفونتات جيدة جدا للوتريات.. ولكن فى تعاملنا فى الاستوديوهات نحن نفضل دائما وضع وتريات لايف (عبارة عن 4 كمان مع 1 تشيلو) ويقوم مهندس الصوت بعمل هذا التسجيل على 4 تراكات ليكون حاصل الوتريات فى اللحن (16 كمان مع 4 تشيلو) وبالتالى نحصل على وتريات كاملة كما لو اننا فى حفل موسيقى كبير. فالافضل دائما ان نستخدم وتريات طبيعية . وانا بالطبع لا الغى ان هناك فونتات جيدة للوتريات ( وسأ حاول رفع احد المقطوعات التوزيعية لى على مما تحتوى على وتريات جيدة)

- اما بخصوص استفسارك استاذ هشام . فهناك بعض الميديولات والفونتات لا تعمل فى برنامج السونار الا اذا قمنا باضافة تراك اوديو الى البرنامج وقمنا بضبط خصائصة لتشتمل على هذا الميديول.
وقد يكون software instrument احد هذه الميديولات التى تحتاج الى اضافة تراك اوديو الى البرنامج حتى تستطيع ان تعطيك صوت

لذا فجرب هذا . واتمنى ان يأتى معك بنتيجة

أما بخصوص اضافة خصائص صوتية على ملفات الميدى مثل Paning او غيرها من الايفيكتات فأنا شخصيا افضل ان تتم هذه العملية بواسطة مهندس الصوت فى الميكساج . لان معظم مهندسى الصوت لديهم برامج حديثة جدا مثل protools وغيرها , وهى برامج افضل بكثير مما لدى اى واحد منا فى كفائتها لاضافة المؤثرات الصوتية , وهذه كانت دائما نصيحة مهندسى الصوت لنا فى الاستوديوهات الا نضيف اى ايفيكتات على اى ملف ميدى حتى يتسنى لمهندس الصوت التعامل مع هذا التراك.

شكرا

مينا لبيب
موزع موسيقى

**basemkoko** · #3 27/03/2011, 11h34

عزيزى مينا أنا حملت برنامج إسمه SONiVOX_Silk_Road_Stick_Drums فيه إيقاعات شرقى حلو بس للأسف البرنامج ديمو عايز كراك لو أنت عندك كراك ليه ياريت تساعدنى .....
باسم

**داني ميخائيل** · #4 30/03/2011, 12h37

استاذ مينا
استمتعت واتعلمت جدا من البرنامج
انا بستعمل برنامج سونار 8 ولسة مبتدئ في عملة التوزيع الموسيقي
انا ماسك فريق كورال ونفسي اقدر اعمل توزيع للترانيم كويس
انا كمان بلحن
بتمنى حضرتك تكمل باقي الكورس لأني بجد نفسي اعرف كل خبايا البرنامج
وشكرا جزيلا لك

**داني ميخائيل** · #5 30/03/2011, 15h41

بناء على رغبة الجميع لقد قدمت اقل تقدير للمجهود الرائع الذي فعله الاستاذ مينا لبيب
وهو تحويل الدروس السابقة لملف واحد بصيغة pdf
مرفق الملف واتمنى اكون قدمت شيء حتى لو بسيط لكم

**مينا لبيب** · #6 02/04/2011, 13h17

اقتباس:

المشاركة الأصلية كتبت بواسطة داني ميخائيل

استاذ مينا
استمتعت واتعلمت جدا من البرنامج
انا بستعمل برنامج سونار 8 ولسة مبتدئ في عملة التوزيع الموسيقي
انا ماسك فريق كورال ونفسي اقدر اعمل توزيع للترانيم كويس
انا كمان بلحن
بتمنى حضرتك تكمل باقي الكورس لأني بجد نفسي اعرف كل خبايا البرنامج
وشكرا جزيلا لك

عزيزى دانى

اكيد انا ناوى اكمل باقى الخبايا بتاعة برنامج السونار . مع العلم انى قمت بشرح جزء كبير منه حتى الان ويمكنك متابعة المحاضرات السابقة.

شكرا

مينا لبيب

موزع موسيقى

**مينا لبيب** · #7 07/04/2011, 08h13

اقتباس:

المشاركة الأصلية كتبت بواسطة RIMON77

استاذ مينا انا بجد مش عارف اشكرك ازاى على الموضوع الرهيب دة انا بتابع الموضوع بشغف واهتمام كبير جدا واسمحلى ليا بعض الاستفسارات كمبتدا ارجو تجاوبنى عليها
1) اللى فهمتة من محاضراتك السابقة انة عملية التوزيع بتتم كلها من خلال البرنامج مش من الاورج وبدلا من اصوات الاورج فية حاجة اسمها مديولات وفونتات بنزلها على البرنامج عشان نشتغل بيها ..لو دة صح حسب فهمى ..فهل يمكن تنزيل اصوات بالجودة الموجودة فى الفيديو دة خصوصا الكمنجات الايف (الوتريات ) لانها بيبقى رديئة جدا على معظم الاورجات بأستثاء الاورجات اللى فيها سامبلر
YouTube - ahmad khalaf 2010 set (demo) arabic sound ط¹ط±ط¶ ظ„ظ„ط£طµظˆط§طھ ط§ظ„ط´ط±ظ‚ظٹط©
YouTube - Morad el Gzanay Sax.

2) هل يمكن بأستخدام برنامج سونار او اى برنامج تانى انى اعمل توزيع كامل (يعنى ايقاعات متعددة وintro ,ending ,fill in ) وهكذا بدون تدخل من الاورج
3) هل اى اورج فية مخارج ميدى ينفع للتوزيع (لانى حسب الكلام كدة ان الاورج مهمتة فقط هوانة لوحة مفاتيح للعزف عليها انما الاصوات والدرم كيتس كدة بتبقى على برنامج السونار
وشكرا جزيلا لمجهودك ياستاذ مينا مرة تانية وبجد ربنا يعوضك خير عبى تعبك وياريت تكمل باقى المحاضرات وتسمعنا تجربة عملية من شغلك معمولة على السونار

- شوف يا ريمون انا ذكرت قبل كدة فى شرحى ان هناك ميديولات للوتريات بجودة عالية ولكن ضع فى اعتبارك انه لا يمكن ابدا ان نحصل على وتريات بجودة اللايف الا اذا استخدمنا كمانجات طبيعية (حية) . ولا يوجد ميديول مهما ان بلغت كفائتة يستطيع ان يعطيك جودة الوتريات اللايف

- اما بخصوص سؤالك الثانى . فاحب ان اجيبك بأن برنامج السونار ليس مقتصرا فقط على انتاج توزيعات كاملة وبكفائة عالية جدا انما هو قادر ايضا على انتج اوبريتات كاملة تصل طول مدة الحانها الى ساعات طويلة . وبالطبع هذا يرجع الى احتراف الموزع واستخدامة للبرنامج. وبالطبع تستطيع وبسهولة جدا من خلال برنامج السونار عمل كل ما يمكن ان تعملة بالاورج واكثر بكثير.

- اما بالنسبة لسؤالك الثالث فأن معظم الاورجات الحالية تنزل بمخارج ميدى وهما عبارة عن مخرجين تجدهم فى ظهلر الاورج ومكتوب عليهم (MIDI IN & MIDI OUT) .

- وبالنسبة لاعمالى على السونار انا عندى الكثير والكثير من الاعمال الخاصة بى . وما منعنى عن تنزيلها فى اى منتدى هو وكما تعلم ان الالحان والمؤلفات تسرق بسهولة او تقتبس فى مقطوعات اخرى . ولكن اعدك بأذن الله انى سأقوم بتحميل احد اعمالى الفنية قريبا

شكرا
مينا لبيب

موزع موسيقى

**أبوالدرة** · #8 10/04/2011, 18h57

ما شاء الله أستاذنا دروس

معمقة جدا

ومتابعين لكم

**أبوالدرة** · #9 10/04/2011, 19h03

أشكرك أستاذنا على هذه الدروس المتعمقة
ومتابعين لكم بحماس وشدة

**مينا لبيب** · #10 02/04/2011, 13h15

اقتباس:

المشاركة الأصلية كتبت بواسطة basemkoko

عزيزى مينا أنا حملت برنامج إسمه SONiVOX_Silk_Road_Stick_Drums فيه إيقاعات شرقى حلو بس للأسف البرنامج ديمو عايز كراك لو أنت عندك كراك ليه ياريت تساعدنى .....
باسم

للاسف انا ما سمعتش عن البرنامج دة ومش معايا اى كراك لية.

حاول تدور على النت وربنا يوفقك

مينا لبيب

موزع موسيقى