مفتتح
بَحبَك وفوق إحتمال القلوب
بَحبَك ونفسى عن الحب أتوب
وجوايا لهفه أبص فـ عينيك
وبهرب بعينى وأحس بذنوب
بَحبَك
وبتمني أفضل معاك
بحبك ونفسي أبطل هروب
....
(( القصيده ))
....
قلبى الأسيرك
إرتوى
حُب الجمال
فُك أسره
دا إتكوى
حيره وسؤال
حكموا عليه
مالهوش دوا
عِشقه خيال
أيه ذنبه يتعذب هوى
والجِذع مال
وإيه ذنبي
ولقانا سوا
بقى شئ محال
دا أنا شايله حِمل
تقيل أوى
تُقل الجبال
...
..
.
هستأذِنَك
أهرب بصورتك جوا منى والجواب
هستأذِنَك
أبعد وبُعدى شئ مالينى بالعذاب
هستأذِنَك
مع إن بُعدك غصب عنى بل عِقاب
بتنفسك
لكنى عايشه في الهوى
بمُر إغتراب
أنا نفسي أعيشك
جوا شرع الله
أنا خايفه الحساب
دعيت كده
لكن باينه تضرعي مش مُستجاب
من حكاياها
على عبداللاه
رجل لا يمتلك أى شئ
المنصوره فى 16 / 1 / 2011
هستأذِنك
العرض الشجري