اقتباس:
المشاركة الأصلية كتبت بواسطة سمعجى
شبّيك لبّيك يا ياسينيوس الأول ،،
بس و النبي قبل ما " تِصرفني " ،،
شوف لي معاك خمسة جنيه أروّح بيهم ..
عشان المواصلات
|
هههههههههههههههههههههه
يا عم كمال يابو دم زي العسل
أضحك الله سنك
يعني أخيرا لقيت حد هاطلب منه ، وهايحقق لي آمالي
ويديني الـ 75 ألف جنيه اللي أنا مديون بيهم لصاحب الشقة
ويدفع لي أقساط العربية
يقوم يطلع العفريت ماعهوش حق المواصلات 
....
عموما .. أنا بقى هاطلب منك حاجة أغلى من الدهب والماس
بقى يا سيدي .. النهاردة عيد ميلاد البشمهندس عز الدين ياسين
وانا قلت هاعتمد على نفسي واكتب له أغنية
( أصل أنا عارف إني دوشتك كتير بالموضوع ده من يوم اتولد )
وبقالي حوالي شهر باكتب له في أغنية
لكن بيني وبينك بعد ما كتبتها .. حسيت إن طعمها زي المحشي المعمول في محلات تجارية 
هاسمّعهالك .. وعايزك تقولي رأيك
وبكده يبقى الطلب الأول اللي هاطلبه منك .. إنك تمسك قلمك وتشطب عليها
وتقول لي .. خد دي مكانها .. وإياك تمسك قلم تاني
في عيد ميلادك .. طالبين ودادك
م الطعامة ربنا زادك
يا مهنينا .. يا زارع فينا
أجمل زهرة في حضن بلادك
زيزو يا سكر .. قاعد تفكر
أسعِد بابا وماما إزاي
يا رب اسعده .. في يوم مولده
وفي عمره كله الجاي
يا رب بارك يا رب خلي
واملى في عينه الفرحة تمللي
وابعد عنه شر العين
واللي يشوفه وما يصلي
يا رب أشوفك متهني
ولا عمرك يوم تبعد عني
واشوفك قاعد في الكوشة
ساعتها هارقص وأغني
ربنا يسعدلك أيامك
ويحقق لك كل آمالك
وتنول دايما اللي في بالك
وتكون من الطلبة الشاطرين
يا حبيب قلبي يا عز الدين
يحميك ربي من الحاسدين
عم كمال .. عم كمال
والنبي لو نِفسك مفتوحة
الواد فارس .. بيغير قوي من أخوه
وهو كمان عيد ميلاده بعد شهرين
ممكن أستغل نِفسك المفتوحة ( يا رب افتحها كمان وكمان )
وتعمله أغنية هو كمان
معلش .. انا عارف إني طماع
بس أعمل إيه ؟ .. مسحور بكلماتك
وعارف إني حبيبك
( يبقوا كده طلبـين .. وانت وعدت بتلبية 3 طلبات )
أما الطلب الثالث .. إنك تنورنا في القاهرة .. يا إما نتقابل في إسكندرية قريباً
و ده بقى أمنية مش طلب
(( وردة ))
رد: قطرات من مداد قلم الشاعر السمعجي كمال عبد الرحمن
العرض الشجري