الحديد

[غازي الضبع]

المشاركة الأصلية كتبت بواسطة Hisham Khala

سهلة يا سيدي: المغني الأول (بص لرزقك و اده "اولي") اسمع كلمة "أولي" قرار بيقوله ببعض المعاناة بس غناه كويس ، و الارزاق بأييد "المولي" الثانية و ليست الأولي ، نفس الشئ الركوز علي نغمة القرار ، المغني الثاني أنطلق بمنتهي الراحة في الغناء. و بالمناسبة لما يبقي مجموعة من الناس بتغني من الصعب أنك تريح كل المغنيين ، شوف عبد الوهاب عمل ايه في منيرة المهدية في أوبريت كانوا بيغنوه مع بعض ، عمل اللحن مريحة هو شخصيا 100٪ ، و منيرة صوتها سرسع و جريت وراه.

طبعا حضرتك أدرى .
يمكن أنا عشان مش متخصص لم ألاحظ ذلك.

وبمناسبة الغناء المستريح .. ليه بلاحظ دايماً إن مقام السيكا مثلا .. تحس إن اللي بيغني منه ما بيكونش مستريح بالمرة ..

[د أنس البن]

حبيبنا أبو فارس .......
أشكرك أولا على إتحافنا بهذا الإبداع ... الدنيا بخير الحمد لله
ثانيا أرجو أن تبلغ تهنئتى الخالصه للفنان أحمد رستم وإعجابى الشديد بهذا العمل الفنى المتكامل الكبير والذى يجعلنا نتفاءل بالمستقبل بعد أن فقدنا الأمل فى إحياء هذا الفن الأصيل ولعلها تكون بداية عودة الأصالة من جديد ....

[غازي الضبع]

المشاركة الأصلية كتبت بواسطة د أنس البن

حبيبنا أبو فارس .......

أشكرك أولا على إتحافنا بهذا الإبداع ... الدنيا بخير الحمد لله
ثانيا أرجو أن تبلغ تهنئتى الخالصه للفنان أحمد رستم وإعجابى الشديد بهذا العمل الفنى المتكامل الكبير والذى يجعلنا نتفاءل بالمستقبل بعد أن فقدنا الأمل فى إحياء هذا الفن الأصيل ولعلها تكون بداية عودة الأصالة من جديد ....

الله أكبر

ده النهاردة عيد يا جماعة ولا إيه ؟؟
الدكتور أنس بنفسه هنا
يا مرحبا يا مرحبا
هل هلالك يا سيدنا
أخبار حضرتك إيه ؟؟؟
يا رب تكون حضرتك ومدام ناهد بخير وفي أحسن حال
بالنسبة للعمل
طبعا ده شرف كبير أن يكون رأي حضرتك بالقبول والاستحسان
وإن شاء الله هابلغ الأستاذ أحمد رستم بذلك
بالمناسبة هو حاول الدخول للمنتدى لكنه ناسي تماماً الباسوورد
عايزين نشوف له الحكاية دي
....
صدقني يا دكتور أنس .. أنا كمان لما باسمع أغاني أحمد رستم
باحس إن الفن لسه بخير
ولما باجلس معاه .. لا تتخيل مدى استمتاعي بحديثه
إسأل عم محمد الالاتي
كلنا بنقعد أمامه مستمعين ومنبهرين بحديثه الجميل الشيق
ولو إن أغلب حديثه بيكون في التاريخ والثقافة الفرعونية
وبالمناسبة آخر مرة كنت قاعد معاه كان بيحضر لأوبريت عن الفراعنة
وبالتحديد عن حور محب .. حيث قعد يكلمني عن حياته وإنجازاته وأظهر لي جانب كبير من
شخصيته المتميزة
الكلام عن أحمد رستم كتير .. إن شاء الله يجمعنا لقاء معك يا دكتور أنس قريباً .. ونتعرف جميعاً على هذا الفنان الجميل.
تحياتي ومحبتي

[أحمد رستم]

الاخوة والاخوات الكرام من أسرة منتدى سماعى العريق

أشكر لكم اهتمامكم بعملى المتواضع وكم سعدت بتعليقاتكم ومشاركتكم . رددتم لى الثقة بالنفس فى وقت أنا أحوج الناس فيه للمساندة واليكم بعض ما استفسرتم عنه
أسما المطربين: التينور/ عمرو بدران . الباص / محمود المصرى . الصوت النسائى/ هبة. التينور الثانى/ عماد عبد العظيم
مضاف لهم الفنان/ محمد عابد الذى هو نفسه عازف الناى بالعمل . وأخيرا العبد لله/أحمد رستم فى جملتين لا أكثروكل هؤلاء من أبناء مسرح البالون وهم فنانين وليسوا نجوم وشتان ما بين الاثنين.
بالنسبة لتحليل الأستاذ محمد الآلاتى للعمل فصدقونى لو أنا من كنت الذى قام بالتحليل ما أوفيته حقه بهذه الدقة المتناهية أنا منتظرك يا حاج محمد انت والاستاذ غازى الضبع وياريت كل الأحبة تطبوا على بالمسرح فى أقرب فرصة.

أكرر شكرى وامتنانى

[الألآتى]

حمد لله على السلامة ياعم أحمد

هذا أقل القليل .. مما نستطيع تقديمة لفنان مثلك ..

تحياتى لكل من شاركوا فى هذا العمل الجميل المتكامل

وإن شاء الله حانطب عليك أنا وغازى .. عندما تهدأ الأمور .. واحشنا

[غازي الضبع]

يا ألف أهلا وسهلا يا أستاذ أحمد
واحشني والله
منور المنتدى يا باشا
إن شاء الله هانيجي نزورك قريباً بإذن الله
..
حلوة قوي مفاجأة أنك من مطربي هذا العمل
أنا أول مرة أعرفها
بس يا ترى دورك أنهي واحد فيهم
تقريباً .. اللي كان بيقول : نار قلبي شعللت .. وهواك هوه الدوا
صح ولا أنا غلطان ؟؟؟
ويا ريت تقول لنا علامة لكل مطرب
يعني مثلا الباص اللي هو كان بيقول كذا .. وهو اسمه كذا
والتينور اللي كان بيقول كذا .. وهو اسمه كذا
وهكذا
وإلى أن ألقاك يا أستاذ
لك مني ألف تحية

المشاركة الأصلية كتبت بواسطة أحمد رستم

الاخوة والاخوات الكرام من أسرة منتدى سماعى العريق

أشكر لكم اهتمامكم بعملى المتواضع وكم سعدت بتعليقاتكم ومشاركتكم . رددتم لى الثقة بالنفس فى وقت أنا أحوج الناس فيه للمساندة واليكم بعض ما استفسرتم عنه
أسما المطربين: التينور/ عمرو بدران . الباص / محمود المصرى . الصوت النسائى/ هبة. التينور الثانى/ عماد عبد العظيم
مضاف لهم الفنان/ محمد عابد الذى هو نفسه عازف الناى بالعمل . وأخيرا العبد لله/أحمد رستم فى جملتين لا أكثروكل هؤلاء من أبناء مسرح البالون وهم فنانين وليسوا نجوم وشتان ما بين الاثنين.
بالنسبة لتحليل الأستاذ محمد الآلاتى للعمل فصدقونى لو أنا من كنت الذى قام بالتحليل ما أوفيته حقه بهذه الدقة المتناهية أنا منتظرك يا حاج محمد انت والاستاذ غازى الضبع وياريت كل الأحبة تطبوا على بالمسرح فى أقرب فرصة.

أكرر شكرى وامتنانى