الحديد

[غازي الضبع]

يا سلام عليك يا كبير الالاتية
إيه الجمـــال ده

كأنك فعلا شايف الأوبريت أمامك
مثلما أراه أنا حين أستمع إليه
..

تحليل جميل كعادتك .. لمست فيه جماليات اللحن الرُستمي

وعجبني قوي وصف مقام الرست بإنه مقام البصبصة

..
بس أهم مقطوعة موسيقية وأحلاهم .. مريت عليها مرور الكرام .. من غير ما تقوللي هي مقام إيه ؟
لإن المقطوعة دي بالذات داخلة دماغي قوي .. وعاجباني قوي قوي قوي
ومش عارف ليه حاسس إنها من مقام الحجاز .. بس شوية .. واقول لأ .. دي كرد
وربما تكون بتبدأ بالكرد وتنتهي بالحجاز .. الله أعلم
يا ريت تفيدني

المشاركة الأصلية كتبت بواسطة الألآتى

ومقطع موسيقى أخر ( طويل ) .. ليعود الجميع للعمل .. ويظهر إن الشغل سخن .. وأصبح اليوم فى منتصفه ( عز الشغل ×

فنجد أن سرعة الإيقاع زادت .. للدلالة على أن الشغل ( حمى ) .. مع بعض المؤثرات اللازمة

والتى تقرب خيالنا من تصور مايحدث ..

وتقف الموسيقى فجأة ...

ولينا كلام تاني إن شاء الله

[Hisham Khala]

عمل جميل ، متميز في كلماته و في لحنه و في الأداء
و فيه تنويع في الشكل الايقاعي للجمل الموسيقية و تنويع في التمبو و تنويع في المقامات المستخدمة و تم تطعيم العمل بكولة حقيقية و أكورديون اللي عمل في الفاصل الموسيقي (التيت تيت)- الموسيقي الراقصة الذي ذكرها الاستاذ صلاح علام ،
القفلة: عمل قفلتين تامتين بينهما فاصل يظن المستمع ان العمل انتهي بعد القفلة الاولي.
المؤديين: أداءهم جيد و أصواتهم عبرت عن فكرة العمل و المغني الباص شعرت أنه مش مرتاح في بعض الجمل ، القرارات كانت منخفضة عليه و لكن صوته جيد و أدي اللحن كويس ، التينور أدي اللحن براحة تامة و الأصوات النسائية ممتازة.

تحية أعزاز و تقدير لمبدع العمل و المشاركين فيه و للأستاذ غازي الضبع الذي اتاح لنا فرصة الاستماع لهذا العمل.

[عفاف سليمان]

اخى الكريم
(((غازى الضبع)))
جميل هذا العمل
رائع جدا بكل المقاييس
فكرة الحداده
والحديد
والحداد
فكره جميله
بتذكرنى
****بالليله الكبيره****
كانت فكرتها عن
مضمون وحفلات الليله
الكبيره فى الشوادر
الخاصه لها
والان هنا فكرة الحديد
او ورشة الحديد
وصنايعية الحديد والعمال
وما يقومون به فى اليوم
من صباحه الى مساؤه
الالحان غايه فى الروعه
وكما قالوا
اخوانى الكرام السابقين لى
ان هذا العمل جميل
ولا نمل منه منذ بدايته حتى نهايته
والكلمات جميله
بس خساره اننا مش شفنا
الاستعراض
ولا حتى صانعه
سجله فيديو
وهذا كما اوضحت
لانه كان مسابقه
ولها شروط معينه
ونتمنى له مزيدا من
التألق والابداع
الاستاذ
((((احمد رستم))))
بارك الله فيه واسعده بكل جميل
ويارب المره الجايه
ان شاء الله
تأتى لنا بعمل جميل منه
مثل هذا العمل
بس يعمل حسابه ويصوره فيديو
إن شاء الله
ارق تحياتى للجميع
وسماعا طيبا
اختكم عفاف

[غازي الضبع]

المشاركة الأصلية كتبت بواسطة الباشاقمرزمان

ايه ده يا عمنا ابو حسام الغالي
وانا اقول تقلان علينا عليه ولسة باقول لغازي يظهر الأساتذة صايمين عن الكلام .... أتاري ده السكوت الذي يسبق العاصفة .... ماشي يا عم محمد يا جميل الحلاوة في الجماليات اللى بتظهرها حاجة كدة ما لهاش حل عاملة زي المارون جلاسيه ....
بس فيه مقترح اقترحته في مشاركتي أعلاه وهو إن الموسيقى الطويلة التي مثلتها الرقصات اللى احنا مش شايفنها ليس عليها أي اعتراض لكن عشان اسمعها كأوبريت غنائي أو تمثيلية غنائية أو صورة غنائية وان كنت أفضل ان انها أوبريت غنائي لخلوها من الحوار والحوار فيها غنائي ... طول الموسيقى المصاحبة للرقصات كانت تحتاج كلمات ويا حبذا تكون مرتبطة بالموضوع الحدادة او الحدادين او حياة الصنايعية

بس الصورة واللحن جمال جداً ... أستطيع أن أقول بداية العودة للزمن الجميل .....

يا عم غازي وصل تحياتي وسلامي لصديقك ومعاها

إن شاء الله لما تيجي مصر بالسلامة
هاعزمك في يوم نروح للأستاذ أحمد رستم في مسرح البالون
وتبقى تقول له اقتراحك بنفسك يا عم
وعلى فكرة هو دايما يرحب بأي كلام أو نقد أو اقتراح
ودايما يقول على نفسه إنه ليبرالي من ساسه لراسه
وإن شاء الله هاتعجبك قعدته جدا ..
لإنه انسان مثقف جدا وحبوب .. وتشعر إنك تعرفه من زمان
تحياتي يا أستاذ مصطفى وخد دي

[غازي الضبع]

المشاركة الأصلية كتبت بواسطة Hisham Khala

عمل جميل ، متميز في كلماته و في لحنه و في الأداء
و فيه تنويع في الشكل الايقاعي للجمل الموسيقية و تنويع في التمبو و تنويع في المقامات المستخدمة و تم تطعيم العمل بكولة حقيقية و أكورديون اللي عمل في الفاصل الموسيقي (التيت تيت)- الموسيقي الراقصة الذي ذكرها الاستاذ صلاح علام ،
القفلة: عمل قفلتين تامتين بينهما فاصل يظن المستمع ان العمل انتهي بعد القفلة الاولي.
المؤديين: أداءهم جيد و أصواتهم عبرت عن فكرة العمل و المغني الباص شعرت أنه مش مرتاح في بعض الجمل ، القرارات كانت منخفضة عليه و لكن صوته جيد و أدي اللحن كويس ، التينور أدي اللحن براحة تامة و الأصوات النسائية ممتازة.

تحية أعزاز و تقدير لمبدع العمل و المشاركين فيه و للأستاذ غازي الضبع الذي اتاح لنا فرصة الاستماع لهذا العمل.

إزيك يا دكتور هشام يا فنان يا كبير
يا عم أنا مش دارس زيك أو زي الالاتي
كلمني شعبي كده .. مين مغني الباص ده ؟؟ ،، ومين التينور ؟؟؟

[غازي الضبع]

المشاركة الأصلية كتبت بواسطة عفاف سليمان

اخى الكريم

(((غازى الضبع)))
جميل هذا العمل
رائع جدا بكل المقاييس
فكرة الحداده
والحديد
والحداد
فكره جميله

أنا سعيد جدا يا ست عفاف إن العمل عجبك
والحقيقة إن الأستاذ أحمد رستم له أعمال كثيرة
ومنهم عمل من تأليف الأستاذ رائد عبد السلام على فكرة
وبالمناسبة للأستاذ أحمد رستم حوالي 126 مسرحية غنائية
وآخر أعماله هي للأستاذ علي الحجار ..
وإن شاء الله هاكلمكم أكتر عن هذا الفنان الجميل في مشاركات لاحقة بإذن الله
تحياتي واحترامي

[Hisham Khala]

المشاركة الأصلية كتبت بواسطة غازي الضبع

إزيك يا دكتور هشام يا فنان يا كبير
يا عم أنا مش دارس زيك أو زي الالاتي
كلمني شعبي كده .. مين مغني الباص ده ؟؟ ،، ومين التينور ؟؟؟

سهلة يا سيدي: المغني الأول (بص لرزقك و اده "اولي") اسمع كلمة "أولي" قرار بيقوله ببعض المعاناة بس غناه كويس ، و الارزاق بأييد "المولي" الثانية و ليست الأولي ، نفس الشئ الركوز علي نغمة القرار ، المغني الثاني أنطلق بمنتهي الراحة في الغناء. و بالمناسبة لما يبقي مجموعة من الناس بتغني من الصعب أنك تريح كل المغنيين ، شوف عبد الوهاب عمل ايه في منيرة المهدية في أوبريت كانوا بيغنوه مع بعض ، عمل اللحن مريحة هو شخصيا 100٪ ، و منيرة صوتها سرسع و جريت وراه.

[غازي الضبع]

المشاركة الأصلية كتبت بواسطة Hisham Khala

سهلة يا سيدي: المغني الأول (بص لرزقك و اده "اولي") اسمع كلمة "أولي" قرار بيقوله ببعض المعاناة بس غناه كويس ، و الارزاق بأييد "المولي" الثانية و ليست الأولي ، نفس الشئ الركوز علي نغمة القرار ، المغني الثاني أنطلق بمنتهي الراحة في الغناء. و بالمناسبة لما يبقي مجموعة من الناس بتغني من الصعب أنك تريح كل المغنيين ، شوف عبد الوهاب عمل ايه في منيرة المهدية في أوبريت كانوا بيغنوه مع بعض ، عمل اللحن مريحة هو شخصيا 100٪ ، و منيرة صوتها سرسع و جريت وراه.

طبعا حضرتك أدرى .
يمكن أنا عشان مش متخصص لم ألاحظ ذلك.

وبمناسبة الغناء المستريح .. ليه بلاحظ دايماً إن مقام السيكا مثلا .. تحس إن اللي بيغني منه ما بيكونش مستريح بالمرة ..

[د أنس البن]

حبيبنا أبو فارس .......
أشكرك أولا على إتحافنا بهذا الإبداع ... الدنيا بخير الحمد لله
ثانيا أرجو أن تبلغ تهنئتى الخالصه للفنان أحمد رستم وإعجابى الشديد بهذا العمل الفنى المتكامل الكبير والذى يجعلنا نتفاءل بالمستقبل بعد أن فقدنا الأمل فى إحياء هذا الفن الأصيل ولعلها تكون بداية عودة الأصالة من جديد ....

[غازي الضبع]

المشاركة الأصلية كتبت بواسطة د أنس البن

حبيبنا أبو فارس .......

أشكرك أولا على إتحافنا بهذا الإبداع ... الدنيا بخير الحمد لله
ثانيا أرجو أن تبلغ تهنئتى الخالصه للفنان أحمد رستم وإعجابى الشديد بهذا العمل الفنى المتكامل الكبير والذى يجعلنا نتفاءل بالمستقبل بعد أن فقدنا الأمل فى إحياء هذا الفن الأصيل ولعلها تكون بداية عودة الأصالة من جديد ....

الله أكبر

ده النهاردة عيد يا جماعة ولا إيه ؟؟
الدكتور أنس بنفسه هنا
يا مرحبا يا مرحبا
هل هلالك يا سيدنا
أخبار حضرتك إيه ؟؟؟
يا رب تكون حضرتك ومدام ناهد بخير وفي أحسن حال
بالنسبة للعمل
طبعا ده شرف كبير أن يكون رأي حضرتك بالقبول والاستحسان
وإن شاء الله هابلغ الأستاذ أحمد رستم بذلك
بالمناسبة هو حاول الدخول للمنتدى لكنه ناسي تماماً الباسوورد
عايزين نشوف له الحكاية دي
....
صدقني يا دكتور أنس .. أنا كمان لما باسمع أغاني أحمد رستم
باحس إن الفن لسه بخير
ولما باجلس معاه .. لا تتخيل مدى استمتاعي بحديثه
إسأل عم محمد الالاتي
كلنا بنقعد أمامه مستمعين ومنبهرين بحديثه الجميل الشيق
ولو إن أغلب حديثه بيكون في التاريخ والثقافة الفرعونية
وبالمناسبة آخر مرة كنت قاعد معاه كان بيحضر لأوبريت عن الفراعنة
وبالتحديد عن حور محب .. حيث قعد يكلمني عن حياته وإنجازاته وأظهر لي جانب كبير من
شخصيته المتميزة
الكلام عن أحمد رستم كتير .. إن شاء الله يجمعنا لقاء معك يا دكتور أنس قريباً .. ونتعرف جميعاً على هذا الفنان الجميل.
تحياتي ومحبتي