بليغ حمدى ليس من ضمن أصحاب الريادة والأعلام

**ابوعجيله** · #1 21/01/2011, 21h19

من الانصااااااااااف ان يكون بليغ حمدى من اصحاب الرياده والاعلااااااااااام ... صدقونى لو كان السنباطى وعبدالوهاب والقصبحى احياء لسمعتم منهم هدا ........ لكن هدا انت يابليغ تركت لنا الحانا تميزت بها كما تميز غيرك بالحانهم .... بالنسبه لى بليغ حمدى مدرسه . لمادا؟؟؟ لانى بمجرد ان اسمع اللحن اعرف ان بليغ هو الدى يلحن ... الحانه مميزه كما هى موهبته....

**محمود العيادى** · #2 21/01/2011, 21h50

الاخوه الاحباء مع وافر الاحترام لكل الاراء عن قيمه بليغ حمدي .... اود ان اشارك بالراي عن بليغ حمدي .... بليغ كان متجدد في ايقاعاته في الحانه و اضاف الكثير من الارتام و نوعيتها من خلال اغانيه يكفي ان يكون بالاغنيه ارتام متعدده و راقصه ايضا و بالنسبه للرياده اعتقد ان بليغ حمدي من رواد الموسيقي التصويريه للافلام السينمائيه ولاننسي الفيلم العظيم ( شئ من الخوف ) و يكفي لحن الدهاشنه و ارتامه و كآ نه لحن ملحمي . الاعجاب او الانحياز لبليغ حمدي لايفسد للود قضيه و ادعو الساده الغير مقتنعين به الي سماع لحنه لعبد الحليم حافظ ( تخونوه ) .

**محمود العيادى** · #3 21/01/2011, 23h05

الغالي القمر اللي له ليالي مصطفي باشا حبيبي .... انا اتفق معاك في كل اللي قولته بس انا حبيت اوضح ان بليغ له اضافاته علي الغناء العربي و الشرقي عموما مساله الرياده دي موضوع تاني لكن احنا بنبين دور بليغ في عصره.

**mazzikaty** · #4 20/02/2011, 01h45

الى الاستاذ محمود العيادى
لك منى وافر الاحترام والتقدير واسف على تاخر ردى وغيابى عن سماعى لظروف التى تحيط بمصر منذ 25 يناير ولكن عندما هدأت الاوضاع وعدت اتصفح سماعى استوقفنى موضوع الحرب الشرسة التى كنت بداتها منذ مدة عن بليغ حمدى وجعلنى ردك ابتهج واصمم على رايى اكثر بان هذا الرجل له حق لقب الريادة كما قلت من وجهة نظرى المتواضعة
جعلتنى يا اخى اعود لاستمع اغنية تخونوة وكانى اسمعها لاول مرة
اشكرك
بليغ انت بليغ اسما وفعلا

**محمود العيادى** · #5 21/02/2011, 02h31

عزيزي مزيكاتي ... نحياتي حمدالله علي السلامه ... اذا كنت سمعت تخونوه و انبسطت طب و حياه النبي ياشيخ تسمع فات الميعاد و بالتحديد صولو الساكسفون للعازف الجميل الراحل سمير سرور و بعد كده خش علي الف ليله و ليله و اسمع الارتام ااقصد الايقاعات بتاعتها ياسيدي راقصات مصر او الرقص الشرقي كلهم بيرقصوا عليها لشرقيتها اولا ثم لنغمتها و رتمها .... برضه بليغ له حته فنيه لحنيه فلته محدش فاكرها و هي مسرحيه ريا و سكينه اسمعه الموسيقي و الالحان فيها .... ده ما يمنعش ان الخلاف في الراي لايفسد للود قضيه ... و تسلم .

**mazzikaty** · #6 21/02/2011, 03h36

اقتباس:

المشاركة الأصلية كتبت بواسطة محمود العيادى

عزيزي مزيكاتي ... نحياتي حمدالله علي السلامه ... اذا كنت سمعت تخونوه و انبسطت طب و حياه النبي ياشيخ تسمع فات الميعاد و بالتحديد صولو الساكسفون للعازف الجميل الراحل سمير سرور و بعد كده خش علي الف ليله و ليله و اسمع الارتام ااقصد الايقاعات بتاعتها ياسيدي راقصات مصر او الرقص الشرقي كلهم بيرقصوا عليها لشرقيتها اولا ثم لنغمتها و رتمها .... برضه بليغ له حته فنيه لحنيه فلته محدش فاكرها و هي مسرحيه ريا و سكينه اسمعه الموسيقي و الالحان فيها .... ده ما يمنعش ان الخلاف في الراي لايفسد للود قضيه ... و تسلم .

الله يسلمك يا أستاذ محمود وكل سنة وانت طيب وكل رواد منتدى سماعى بخير
طبعا سمعت فات الميعاد يا استاذنا واتكلمت عنها وعن غيرها من الاغانى لبليغ
انا ماسيبتش حاجه يا استاذى عن بليغ الا واتكلمت عنها الموضوع كان طويييييييل جدا دا لدرجة انه تقريبا تسبب ان بعض اعضاء سماعى الكبار اخدو منى موقف مش عارف ليه يعنى مثلا اوقات احط موضوع او سؤال مثلا واطلب ان حد يجاوبنى عليه - مافيش ههههههههههههه
عموما هيا وجهات نظر وتمنيت ان الكلام فيها لا يفسد للود قضية بس الظاهر انه افسد بقى واللى كان كان هههههههههه
اشكرك يا سيدى واشكر الاستاذ ابوعجيله على مشاركتكم الجميلة
وكل عام وانتم بخير وسلام ان شاء الله

**محمود العيادى** · #7 25/02/2011, 20h44

حبيبي يا مزيكاتي ... الايام تثبت براعه بليغ في خضم ثوره 25 يناير لم تكن هناك اغنيه التف حولها كل المصريين الا كلمات محمد حمزه و الحان بليغ حمدي و صوت شاديه يا حبيبتي يا مصر ... مش بقولك بليغ ده كان فلته .. الله يرحمه .