جوز المرتين

[ام مدحت]

(جوز المراتين)
أنا باسأل وجوابك فين؟
ماتقول لى ياجوز المراتين
مش قادر تصرف على واحده
والزّاى هاتكفىّ الاتنين؟
,,,,
ما رضيتش بقدرك ونصيبك
ومساوى عدوّك بحبيبك
وماعدش ف بيتك ولا جيبك
م الفكــّه يكمّل جنيهين
ماتقول لى ياجوز المراتين
,,,,,
بتزوّد عدد المواريث
متعايق وعامل لى عريس
ويوماتى محاكم وبوليس
وعيالك عايشين بالدين
ماتقول لى ياجوز المراتين
,,,,,,
كات واحده وكان ماشى الحال
وحياتك كات عال العال
مش واخد على راحة البال
وشتلت الهم ف قيراطين
ماتقول لى ياجوز المراتين
,,,,,
لو عايش بحياتك راضى
ماتلفـّش وتدور ع الفاضى
ايه أجمل شئ فى الدنيا دى
غير حب بيجمع قلبـين
ماتقول لى ياجوز المراتين
,,,,,,
كان وشـّك فاتح ومنوّر
وجمالك سبحان من صوّر
فى زراعة أرضك بتبوّر
عامل زىّ غراب البين
ماتردّ ياجوز المراتين
,,,,,,
كات شيله وتقيله عليك
والمولى كان بيقوّيك
لمـّا النعمه جرت فى ايديك
سيبت الهم وشيلت اتنين
ماتقوللى ياجوز المراتين
,,,,,,,
وعيالك مافرحتش بيهم
وبتـنسى دايما اساميهم
كان يكفى اتنين وتربيهم
مش عشره ويطلعوا جاهلين
ماتردّ ياجوز المراتين
,,,,,,

[عفاف سليمان]

الاخت الاصيله
(((الست ام مدحت)))
سلمت يداك وعقلك
وقلمك المبدع الجميل
فعلا
زوج لاتنين
يبقى بوشين
على رأى اغنية
فريد الاطرش
بس دا فعلا
يبقى بوشين
وللاسف ما حفظش ع النعمه
اللى ربنا ادهاله
بتعب زوجة الاولى معاه
لحد اما وصل وهى
شقيانه وياه
ولما القرش جرى فى ايده
قال اجدد شبابى
اللى تاه
ونسى زوجته واولاده
وبدال ما يديهم من نعيم
ربنا عليه
ويسعدهم بقربهم
حواليه
راح جاب تانى لهم
اخوات
لا الاكل مكفى
ولا حتى المبات
نقول ايه
الطمع
وقليل اللى بيحمد ربه
على النعمه والخير اللى وياه
وما يعرف النعمه
الا بعد ما يفوت الاوان
سلمت غاليتى
وسلم قلمك الساحر
ارق تحياتى
اختك عفاف

كدة صبحت من المتهمين
والسبب ف أزمة التموين
وبنعمة ربنا م الكافريـــن
عشان اجوزت اتنيـــــــن
طـب ايه اللى رمانـــــــي
على المر إلا الأمريـــــن
فين الست اللى شغلـــــت
لي القلــــــــب والعيــــــن
بعد الفرح والجواز يدوب
الهنا والفرح كان شهرين
وراحت الفرحة ويا النشوة
وبدأ حساب الملكيــــــــــن
انت بتتعايق يا خويا لمين
ورحت فين وجيت منيــن
وفلوسك يا روح قلبــــــي
بتوديها فين ولميــــــــــــن
قلت يا واد دي الغيـــــــرة
بس زايدة عندها حبتيـــــن
وبعــــــد أول خلفتهـــــــــا
قلـــــت حتهــــدى وتليــــن
اتاري كنت عبيط والنكــــد
بدل الصـــــاع زاد صاعين
ارجع م الشغـــــــل أقول هو
الأكل يا حلـــــــــــــوة فيـــن
أصلي صحيت ياخويا الضحى
م النوم تعبانة ومصدعة حبتين
رحـــــت انام لي ساعتيـــــن
بعدها قلت لي بيضتيـــــــــن
حمدت ربنا وبسملــــــــــــت
وكلت وغسلــــت الايديــــــن
كتمت قهري وغيظي وقلتلها
سلامتك يا نور العيــــــــــــن
ورحت ع الشغل من تانـــــي
أصل باشتغل ورديتيـــــــــــن
ارجع الاقيها نايمـــــــــــــــة
وحاطة راسها على مخدتيـن
والشعر زاد نكشه نكشتيــــن
والهدمة على جدتهــــــــــــا
ما اتغيرت من يوميــــــــــن
وفى الآخر يا ام مدحــــــت
مش عايزاني أجوز اتنيـــن

[عفاف سليمان]

المشاركة الأصلية كتبت بواسطة الباشاقمرزمان

كدة صبحت من المتهمين

والسبب ف أزمة التموين
وبنعمة ربنا م الكافريـــن
عشان اجوزت اتنيـــــــن
طـب ايه اللى رمانـــــــي
على المر إلا الأمريـــــن
فين الست اللى شغلـــــت
لي القلــــــــب والعيــــــن
بعد الفرح والجواز يدوب
الهنا والفرح كان شهرين
وراحت الفرحة ويا النشوة
وبدأ حساب الملكيــــــــــن
انت بتتعايق يا خويا لمين
ورحت فين وجيت منيــن
وفلوسك يا روح قلبــــــي
بتوديها فين ولميــــــــــــن
قلت يا واد دي الغيـــــــرة
بس زايدة عندها حبتيـــــن
وبعــــــد أول خلفتهـــــــــا
قلـــــت حتهــــدى وتليــــن
اتاري كنت عبيط والنكــــد
بدل الصـــــاع زاد صاعين
ارجع م الشغـــــــل أقول هو
الأكل يا حلـــــــــــــوة فيـــن
أصلي صحيت ياخويا الضحى
م النوم تعبانة ومصدعة حبتين
رحـــــت انام لي ساعتيـــــن
بعدها قلت لي بيضتيـــــــــن
حمدت ربنا وبسملــــــــــــت
وكلت وغسلــــت الايديــــــن
كتمت قهري وغيظي وقلتلها
سلامتك يا نور العيــــــــــــن
ورحت ع الشغل من تانـــــي
أصل باشتغل ورديتيـــــــــــن
ارجع الاقيها نايمـــــــــــــــة
وحاطة راسها على مخدتيـن
والشعر زاد نكشه نكشتيــــن
والهدمة على جدتهــــــــــــا
ما اتغيرت من يوميــــــــــن
وفى الآخر يا ام مدحــــــت

مش عايزاني أجوز اتنيـــن

اه شماعة الكسل والاولاد
فى قطم الدهر والغسيل
ومواعين واكل لمين ولا مين
وانت ترجع تلاقيها تعبانه
شغل البيت عليها كتير
طيب ليه متقولهاش
بكملتين حلوين
ريحى نفسك يا ام العيال
وبدال ما تجيب لها دره
هات لها شغاله تساعد
فى البيت
وهى تفضى لك
وبدال ما ترجع تلاقى
هدمتها عليها بقالها يومين
تلاقيها لابسه اجمل واحلى الفساتين
ولا انتم كده يا راجاله
دايما للحل الامثل متهربين
وطمعكم وعيونكم الزايغين
تقولوا مفيهاش حاجه لما
يبقوا اتنين
طيب
اتنين
اشربوا بقه
وتستاهلوا قلع العين
وشعرك من راسك يقع من التفكير
تجيبها منين ولا منين
والمهيه مش مكفيه للعيال التعبانين
روح شوف هتلاقيهم فى الشوارع متسولين
وهدمتهم مقطعه وحالهم يصعب ع الكافرين
يبقى انهى حل احسن
تراعيها وتجيب لها شغاله
ولا تبقى ابو العيال وجوز لاتنين
هههههههههه
ارق تحياتى
ويارب يارب
ما حدا يتزوج على زوجته
ام العيال
ارق تحياتى
اختكم عفاف

[ليلى ابو مدين]

الشاعرة القديرة الست أم مدحت
الله عليكِ يا ست أم مدحت وعلى أشعارك الجميلة المعبرة
والله عندك حق في سؤالك المشروع جداًً؟!!
أنا باسأل وجوابك فين؟
ماتقول لى ياجوز المراتين
مش قادر تصرف على واحده
والزّاى هاتكفىّ الاتنين؟

أعتقد أنه لن يجد جواباً لانه بذلك سيعترف بخطأه وخطيئته
في حق نفسه وحق زوجته الاولى وأولاده .
كلمات جميله ومباشره تعبر بصدق عن حال من لم يرضى
بنصيبه فيقع فيما هو أنكى وأشد
سلمت لنا يا ست أم مدحت وسلمت يدك وسلم قلمك
دمتم بخير مع خالص تحياتي
ليلى ابو مدين

[سلوى خزبك]

محاورة شعرية جميلة وعالية جدا
بس عايزين ثالث يشوف حل وسط
بين الشاعرة اللذيذة ام مدحت بمنطقها
وبين الاستاذ مصطفى اللى رده لايمكن تجاهله
من هو الشاعر العبقرى اللى هيقدر يشوف لنا حل وسط يرضى الجميع
ويمتع محبى الشعر الهادف
تحياتى وتقديرى للشاعرين

[عزام هواش]

المشاركة الأصلية كتبت بواسطة الباشاقمرزمان

كدة صبحت من المتهمين
والسبب ف أزمة التموين
وبنعمة ربنا م الكافريـــن
عشان اجوزت اتنيـــــــن
طـب ايه اللى رمانـــــــي
على المر إلا الأمريـــــن
فين الست اللى شغلـــــت
لي القلــــــــب والعيــــــن
بعد الفرح والجواز يدوب
الهنا والفرح كان شهرين
وراحت الفرحة ويا النشوة
وبدأ حساب الملكيــــــــــن
انت بتتعايق يا خويا لمين
ورحت فين وجيت منيــن
وفلوسك يا روح قلبــــــي
بتوديها فين ولميــــــــــــن
قلت يا واد دي الغيـــــــرة
بس زايدة عندها حبتيـــــن
وبعــــــد أول خلفتهـــــــــا
قلـــــت حتهــــدى وتليــــن
اتاري كنت عبيط والنكــــد
بدل الصـــــاع زاد صاعين
ارجع م الشغـــــــل أقول هو
الأكل يا حلـــــــــــــوة فيـــن
أصلي صحيت ياخويا الضحى
م النوم تعبانة ومصدعة حبتين
رحـــــت انام لي ساعتيـــــن
بعدها قلت لي بيضتيـــــــــن
حمدت ربنا وبسملــــــــــــت
وكلت وغسلــــت الايديــــــن
كتمت قهري وغيظي وقلتلها
سلامتك يا نور العيــــــــــــن
ورحت ع الشغل من تانـــــي
أصل باشتغل ورديتيـــــــــــن
ارجع الاقيها نايمـــــــــــــــة
وحاطة راسها على مخدتيـن
والشعر زاد نكشه نكشتيــــن
والهدمة على جدتهــــــــــــا
ما اتغيرت من يوميــــــــــن
وفى الآخر يا ام مدحــــــت
مش عايزاني أجوز اتنيـــن

يا
باشا الله يزيدك من نعيمة
بس انت قول
وميهمكش اي حاجة
ولو ان الموضوع حساس حبتين
بس انا على ثقة انك تقدر تشيله

[عفاف سليمان]

المشاركة الأصلية كتبت بواسطة الباشاقمرزمان

أهلا بيكي يا أستاذة سلوى
فعلا محتاجين حد يفك الاشتباك لأن كلام أم احمد حلو ومظبوط من زاوية معينة وانا حبيت أقول ان هناك زوايا أخرى يعني الرجل أحياناً بيضطر للزواج الثاني إضطرار بس كالعادة الأستاذة عفاف بتشوف الدنيا بعنيها هي مع ان فيه ستات ممكن يطفشوا العفريت مش جوزها بس ...
ده مجرد وجهة نظر .... وأم أحمد فتحت موضوع ممكن نتناوله من زوايا كثيرة وكأنه موضوع نقاش بس الحوار يكون بالشعر هذه المرة.
شكرا للست أم أحمد على هذا الطرح الرائع وشكراً للأخت عفاف على وجهة النظر المحترمة وشكراً لك أستاذة سلوى على المداخلة الرائعة.
تحياتي لشخوصكم الكريمة

اخى الكريم
(((أ مصطفى)))
ارجوا الا تأخذ كلامى بمحمل الضيق
او انى متحيزه
لكن انا اخذته من وجهة نظر معينه
لكن الزواج الثانى
بيبقى له ظروف معينه
لابد ان تتحقق
يعنى متبقاش العمليه زى الشماعه
اللى بيضعها الرجل
على كاهل المرأه
ويقول خلااااص
راحت عليها
او زهقتنى...لما الراجل بيحب
ينظر الى امرأه اخرى
بيطلع القطط الفاطسه
فى زوجته الاولى
فكان رأى ان
يساعدها اولا
بالنصح والارشاد
ويساعدها نفسيا فكلمه حلوه منه
تساعد هذه المرأه على
ان تحسن من نفسها
يعنى مش زى بعض الرجال
ما يصدقوا انها اتلخمت بالعيال
والبيت ويروح يدور على اللى
هترجع له شبابه
واتمنى ان ارى
المساجله الشعريه التى بينك
وبين
غاليتى الست ام مدحت
ارق تحياتى
اختك عفاف

المشاركة الأصلية كتبت بواسطة ام مدحت

الحبيبة الغالية

ام حماده
الاخت الاستاذة/عفاف سليمان
مرورا كريما جمّل كلماتى المتواضعة واكمل منقوصها
ومداخلة مفيدة ومثمرة
بارك الله فى قلمكم الناطق بالحكمة
لكم مودتى

بارك الله لنا فيك غاليتى
ست الكل
(((ام مدحت)))
انتِ الاجمل والله ودائما تتحفينا
بموضوعات جميله وتحدث فى الاجواء
وهذا حال الكثير من نساء العالم
وحبيت بس اشارك هذه الفكره
والكلمات الرائعه التى رسمتيها
علينا بقلمك الذهبى
لك ارق تحياتى غاليتى
وانتظر مداخلاتك انتِ
واخونا
أ مصطفى(الباشا قمر الزمان)
الى اللقاء الجديد
اختك عفاف

المشاركة الأصلية كتبت بواسطة عزام هواش

يا

باشا الله يزيدك من نعيمة
بس انت قول
وميهمكش اي حاجة
ولو ان الموضوع حساس حبتين
بس انا على ثقة انك تقدر تشيله

اخى الكرم والصديق العزيز
(((أ عزام)))
انا معك ايضا انتظر
المساجله الشعريه والحواريه
بين
***أ مصطفى واختنا أ ام مدحت***
بس نشوف هتوصل لفين
واى حاجه انا تحت امركم
شوم ...حلل...اطباق طايره
لزوم المعركه
انا تحت امركم
يلا ورونا
ان شاء الله مافى اى معارك
وننتظر الحوار الثنائى
ان شاء الله
ارق تحياتى لكم جميعا
اختكم عفاف

المشاركة الأصلية كتبت بواسطة عزام هواش

يا

باشا الله يزيدك من نعيمة
بس انت قول
وميهمكش اي حاجة
ولو ان الموضوع حساس حبتين
بس انا على ثقة انك تقدر تشيله

الله يخليك يا أستاذ عزام الموضوع بالفعل حساس وفيه كلام كتير
الحقيقة الست أم أحمد تناولت الموضوع من خلال السلبيات التي تنتج عن الزواج الثاني وعرضته بشكل رائع وبديع.....هذا اذا تزوج الرجل من زاوية فراغة العين....والأخت عفاف تناولته من زاوية ان انتقال الزوجين من حياة العزوبية إلى الحياة الزوجية ينتج عنه بعض الخلافات نتيجة الحياة الجديدة ويمكن بالتفاهم أن تذوب وتستمر حياتهما في وفاق .......بينما تناولتها انا من خلال أن الزوج المستقر حتى لو كان لديه مشاكل بسيطة لا يمكن أن يفكر بحال من الأحوال من الزواج الثاني والذي تزوج مرة لا يكررها إلا إذا لم يحصل على إيجابيات الزواج وأهمها السكن والمودة بل على العكس كل الأمور هي التي تدفعه للزواج الثاني وبانتظار تواصل الحوار الشعري ان شاء الله

[عزام هواش]

المشاركة الأصلية كتبت بواسطة الباشاقمرزمان

الله يخليك يا أستاذ عزام الموضوع بالفعل حساس وفيه كلام كتير
الحقيقة الست أم أحمد تناولت الموضوع من خلال السلبيات التي تنتج عن الزواج الثاني وعرضته بشكل رائع وبديع.....هذا اذا تزوج الرجل من زاوية فراغة العين....والأخت عفاف تناولته من زاوية ان انتقال الزوجين من حياة العزوبية إلى الحياة الزوجية ينتج عنه بعض الخلافات نتيجة الحياة الجديدة ويمكن بالتفاهم أن تذوب وتستمر حياتهما في وفاق .......بينما تناولتها انا من خلال أن الزوج المستقر حتى لو كان لديه مشاكل بسيطة لا يمكن أن يفكر بحال من الأحوال من الزواج الثاني والذي تزوج مرة لا يكررها إلا إذا لم يحصل على إيجابيات الزواج وأهمها السكن والمودة بل على العكس كل الأمور هي التي تدفعه للزواج الثاني وبانتظار تواصل الحوار الشعري ان شاء الله

نعم صديقي الله يقويك وانا اشد على يدك ووجهة نظرك صحيحة ...والمرأة عندنا ممكن تتفهم اي شيء الا مسألة الزواح من اخرى وهو الشيء الاسرع في تصديقه عن الزوج لو وصل لها خبر مثل هذا
ومن الامثلة العربية التي يترددها النساء بالموضوع

القديم بيحلى ولو كان وحله
لو بحبك يافخره ما كان جاب عليك الاخرى
بالقبور ولا على الصدور (يعني تتمنى الموت لزوجها ولا يتزوج عليها)