دعوه للمشاركه فى (((اغنيات متشابهه)))

**فاضل الخالد** · #1 23/12/2010, 10h28

اقتباس:

المشاركة الأصلية كتبت بواسطة الباشاقمرزمان

من برنامج الموسوعة الغنائية
واحد اتنين .............شادية ومنير مراد وحسين السيد
واحد+واح ............شادية وبليغ حمدي وحسين السيد
سبحان الواحد الأحد...............المجموعة
غلطة واحدة......فايزة أحمد ومحمد الموجي ومحمد حلاوة
تلات شهور ويومين اتنين...شادية ورياض السنباطي وحسين السيد او فتحي قورة
فاضل يومين وحنبأى اتنين ..........لحن وغناء رياض السنباطي وكلمات حسين السيد
كل الأحبة اتنين اتنين.........ام كلثوم وزكريا احمد وبيرم التونسي مقام راست1942
تلات ايام غايب عني........فايزة احمد وعبد العظيم محمد وحسين السيد
احنا الثلاثة أطبا القلب.......الثلاثي المرح ورؤوف ذهني ومحمد عزت
تلات سلامات.........محمد قنديل ومحمود الشريف ومرسي جميل عزيز
احنا ثلات عروسات.............الثلاثي الطروب
جانا ثلاث عرسان........الثلاثي المرح ومحمد الموجي وصلاح فايز
الثلاثية المقدسة........ام كلثوم ورياض السنباطي وصالح جودت
السحر سحر الأربعين ...........فايزة أحمد وكلمات حيدر محمود
خمسة في ستة.......شادية ومنير مراد وحسين السيد
قلبي يا غاوي خمس قارات...........فؤاد المهندس وشويكارومنير مراد وحسين السيد
معادنا بكرة الساعة خمسة....ليلى مراد ورياض السنباطي وحسين السيد
مبروك سبع بركات...عبد الحليم حافظ ومنير مراد وحسين السيد
عشرين مليون.....محمد عبد المطلب وعطية شرارة وإمام الصفطاوي
ممكن أجيب من الذاكرة حيث انها نشطت من المرة السابقة وبعدين انتو في الرياضيات يعني ملعبي لكن خلينا نشوف نشاط الإخوة الأفاضل

تحياتي لكم

الاستاذ الفاضل مصطفى /الباشا قمر الزمان
وهل ابقيت لنا حاجة لنقولها او نكتبها
وفعلا كنت موسوعة غنائية تلألأ علينا منهانوركم ايها القمر الساطع في عليائه رغم ان الارض حاولت الليلة الماضية من حجب انواركم عنا فلم تفلح الا لسويعات
لذلك سأكتفي بالنزر اليسير مما بقي في الذاكرة لاغان تتغنى بلغة الاعداد والارقام عساه تحاكي مفردات اعتدنا عليها مع النقود
1- في ديالوج( تاكسي الغرام )، فأن (هدى سلطان )تسأل (عبد العزيز محمود )
يا احسن زبون عايز كم غالون
فيجيبها قائلاً
اثنين ،ثلاثة، خمسة
وحسابك قبل ما انسى
فترد لتقول
ادي خمسة ونمرتين
ميرسي يانور العين
2- ل(فريد الاطرش )اغنية يقول فيها
ثلاثين يا حبيبي ثلاثين
الشهر ايامو ثلاثين
يا ريتك تسعدني يوم
وتنساني تسعة وعشرين
3-غنت (نور الهدى) في فيلم مجد ودموع
مبروك عليكِ سبع بركات

4-( ناظم الغزالي) له اغنية مطلعها
سبع ليالي وليلتين وليلة احلالي الليالي
5- (احلام وهبي) غنت كذلك اغنية تقول فيها
سبع ايام من عمري حلالي
سبع ا يام من غير الليالي
6-( عزيز عثمان) في اوبريت اللي يقدر على قلبي يخطفو وانا اجري وراه في فيلم عنبر
كان قد غنى ليلى مراد
مربوط ع الدرجة( الثامنة) ...
ومرشح آخذ( التاسعة) غير العلاوات
مع تحياتي للجميع

**د.حسن** · #2 23/12/2010, 13h10

كل الإمتنان لأخواى الغاليين أ. مصطفى و أ. فاضل
بصراحة 10 ÷ 10 .. نجاح سلام

تعالوا نشوف الأرقام فى الوطنيات :
- واحد م إللى كانوا زمان بيحاربونا مع العدوان .. شادية
- من وراكم ياجنود ياللى واقفين ع الحدود كلنا إيد واحدة .. فايدة كامل
- ياعقد لولى فيه 10 حبات ياشمعدان قايداه 10 شمعات ياعيد ميلاد عمره 10 سنوات جونا الحبايب يشربوا الشربات .. شريفة فاضل
- هى إرادة شعب إتحرر يوم 23 .. عبدالوهاب
- فجر 23 يولية أول فجر حقيقى طلع على بلدى الحرة .. مجموعة الفنانين
- زى النهارده من 50 سنة أممنا كنالنا وده أعظم هنا .. فرقة السمسمية
- 100 سنة واكتر خلصوا فى 10 لا رجعية ولا إستعباد .. عبدالوهاب
- مبروك مبروك عقبال 100 ياحبيب أمتنا العربية .. فريد
- مع 1000 سلامة و ح استناك .. شادية
- يا 1000 حمدالله ع السلامة .. كارم محمود
- 2000 سلامة تسلم ياغالى .. عبدالوهاب
- وفى الجزاير بلد المليون (...) .. عبدالحليم
- شكواها رددها الكون ومعاها 20 مليون .. إسماعيل ياسين
- 20 مليون وزيادة كانوا عايشين هنا أموات .. إسماعيل ياسين
- 20 مليون عبدالناصر ح يحاربوا الإستعمار .. عبدالمطلب
- الجيش 20 مليون .. صورة غنائية لمحمد الكحلاوى
- إفتح على حوض الورد أبو 80 مليون شجراية .. عبدالحليم
- ملايين الشعب تدق الكعب تقول كلنا جاهزين .. عبدالحليم
- ملايين ملايين من كل مكان زاحفين .. المجموعة
كفاية كده .. المشاركة تعدت المليار

مع تحياتى

#3 23/12/2010, 13h22

اقتباس:

المشاركة الأصلية كتبت بواسطة فاضل الخالد

الاستاذ الفاضل مصطفى /الباشا قمر الزمان
وهل ابقيت لنا حاجة لنقولها او نكتبها
وفعلا كنت موسوعة غنائية تلألأ علينا منهانوركم ايها القمر الساطع في عليائه رغم ان الارض حاولت الليلة الماضية من حجب انواركم عنا فلم تفلح الا لسويعات
لذلك سأكتفي بالنزر اليسير مما بقي في الذاكرة لاغان تتغنى بلغة الاعداد والارقام عساه تحاكي مفردات اعتدنا عليها مع النقود
1- في ديالوج( تاكسي الغرام )، فأن (هدى سلطان )تسأل (عبد العزيز محمود )
يا احسن زبون عايز كم غالون
فيجيبها قائلاً
اثنين ،ثلاثة، خمسة
وحسابك قبل ما انسى
فترد لتقول
ادي خمسة ونمرتين
ميرسي يانور العين
2- ل(فريد الاطرش )اغنية يقول فيها
ثلاثين يا حبيبي ثلاثين
الشهر ايامو ثلاثين
يا ريتك تسعدني يوم
وتنساني تسعة وعشرين
3-غنت (نور الهدى) في فيلم مجد ودموع
مبروك عليكِ سبع بركات

4-( ناظم الغزالي) له اغنية مطلعها
سبع ليالي وليلتين وليلة احلالي الليالي
5- (احلام وهبي) غنت كذلك اغنية تقول فيها
سبع ايام من عمري حلالي
سبع ا يام من غير الليالي
6-( عزيز عثمان) في اوبريت اللي يقدر على قلبي يخطفو وانا اجري وراه في فيلم عنبر
كان قد غنى ليلى مراد
مربوط ع الدرجة( الثامنة) ...
ومرشح آخذ( التاسعة) غير العلاوات
مع تحياتي للجميع

أستاذنا الفاضل /خالد الفاضل
هو البرنامج الذي ينتج كل هذا حسب الإدخالات التي قمت بإدخالها فيه لكن ما تأتي به حضرتك فيه الجديد وبإذن الله سوف يُضم للموسوعة في حينه وخاصة المطربين العظماء أمثال ناظم الغزالي واعتقد ان عنده أكثر من كدة من حيث الأعداد تسلم لي على هذه الإضافات وسأعود بعد ذلك للذاكرة

فقد غنت شادية مع شكوكو أو اسماعيل يس وأحد الممثلثين اللبنانيين احنا التلاتة سكر نباتات احنا الثلاثة شرباتاتة في الانسانية مش في التابتة

وفي فيلم آخر منير مراد واحد الممثلين ومعهم حصان وغنى احنا تلاتة ومش ممكن نكون ابدا اتنين
وتذكرني الأرقام بطريقة العد في التعليم أيام الكتاتيب
واحد اتنين عم حسين.... تلاتة اربعة في المطبعة... خمسة ستة ماشيين في السكة..... وهكذا حتى العشرة
وكمان واحد اتنين تلاتة إبرة الخياطة رايحة فين يانينا.....
بابا جاي إمتى جاي الساعة ستة راكب والا ماشي راكب بسكلتة...
وغنت فايزة أحمد ضحكة وضحكة يبقوا اتنين

تحياتي

**عفاف سليمان** · #4 23/12/2010, 13h40

اقتباس:

المشاركة الأصلية كتبت بواسطة د.حسن

والله يا أ. مصطفى إتلقطت وإتسجلت من لحظتها

بس قلت ياه كل السنين دى كنا بنكتب
" نادية لطفى " غلط

مع تحياتى

ايوا يا استاتذتى الكرام
هى كده بتنطق كده
ناديا
ههههههههههههههه
والله مى بنتى قالت لى انتى غريبه قوى
فى حد يكتب ناديه ...ناديا
ههههههههههههههههه
معلش بقه عندى عطل استيعابى
المهم طيب انا افتكرت بعض من الاغانى اللى فيها اسماء
اقولهم بالمره واخلص ولا ايه رائيكم
طيب هما يادوب
اسمين
رجب حوش صاحبك عنى
وهذه الاغنيه غُنت فى فيلم
ثرثره فوق النيل
لعماد حمدى واحمد رمزى
وفكريه فين انتى تعالى
رجاء عبده مع محمد عبد الوهاب
واذكر ايضا فى فيلم
لمحمد عبد الوهاب مع راقيه ابراهيم
لما قالت له
لكن يا محسن
بس مش فاكره باقى الاغنيه
تقريبا دا شايفنى وانا شايفاه
وعرفنى وانا عرفاه
اما عن الارقام
للاااااااااسف
موعدكمش
(قال يعنى كتبت مره حاجه حلوه
انتم اللى بتكتبوا كل جميل وحلو والله)
انا مش ضليعه غير فى
اللغه العربيه
اما الحسابات والذى منه دى
لا لى فى الضرب ولا القسمه
ولا الجمع ولا الطرح
يعنى هشوف من بعيد واقرأ
وامرى لله
بس حد يقولى احسبى ابدا
لكن ممكن اضرب
ههههههههههههههههه
ارق تحياتى لكم جميعا
اختكم عفاف

**سامي عبد العزيز** · #5 23/12/2010, 17h03

السلام عليكم

نعود للأرقام

و ناقصنا كم مليون حاجة - شادية
عشرين عاما و أنا أبحث عن أرض و عن هوية - أم كلثوم - عبد الوهاب
طريق واحد - من نفس الأغنية
شبر واحد - فايدة كامل
ساعة واحدة - شهرزاد
فاتو الحلوين واحد واحد - هدى سلطان
للساعه اتنين مستنيه - زكي مراد
بين اتنين احتار قلبي - رجاء عبده
أنت وانت اتنين سوا - ليلى مراد
اللى غايظني وهيجنني فى الدنيا دي أربع مشاهير - أحمد غانم
أنا فت 16 سنه - فايدة كامل
خمس سنوات و سبع سنوات - أغنية قاضي البلاج

#6 23/12/2010, 17h22

انا قلت حد حيجيبها لكن أبدا دايما ناسيني
خلاص نسيتو

7 سنين في العطارين وانا بحبك يا مصطفى

وده كان الأولة في الغرام
والتانية فاتوني
والتالتة نسيوني

**محمد الصباح** · #7 23/12/2010, 20h19

لسه فى اغانى
واحد مفيش غيره(القلب يعشق كل جميل) ام كلثوم
باب الغفران ب 5اركان ليلى مراد
لحظة واحدة كان يجره ايه نجاة الصغيرة

**د.حسن** · #8 23/12/2010, 21h45

اقتباس:

المشاركة الأصلية كتبت بواسطة الباشاقمرزمان

انا قلت حد حيجيبها لكن أبدا دايما ناسيني

خلاص نسيتو

7 سنين في العطارين وانا بحبك يا مصطفى

مشكلتى إنى فعلاً عشت أكتر من 7 سنين فى العطارين
لكن برضه أنا بحبك يامصطفى
ماتزعلشى .. عندى القهوة دى
واحد مظبوط واتنين مصرى
ع النار حاضر جاى لك دُغرى
مع تحياتى

#9 23/12/2010, 22h16

اقتباس:

المشاركة الأصلية كتبت بواسطة د.حسن

مشكلتى إنى فعلاً عشت أكتر من 7 سنين فى العطارين

لكن برضه أنا بحبك يامصطفى
ماتزعلشى .. عندى القهوة دى
واحد مظبوط واتنين مصرى
ع النار حاضر جاى لك دُغرى

مع تحياتى

ياسلام عليك يا دكتور حسن
دايما رافع من روحي المعنوية
وبمناسبة العطارين
وبما إني من الأزهر وجنبي حارة العطارة وسوق العطارين
ما كنتش أعرف ان فيه حي العطارين في اسكندرية
وقلت الأغنية دي معمولة علشاني
وبما ان الحديث عن العطارين والعطارة
فيه مسلسل العطار والسبع بنات
وكمان يا ام المطاهر رشي الملح 7 مرات
ومقام الطاهر رشي وإيدي 7 شمعات
سبع سنين ويوم كلمات محمد اسماعيل الحان وغناء الكحلاوي
زورونى كل ســــــــنة مرة ........سيد درويش
غلب حمار اللى له حمار يحمــله لك ست انفــــــــار...... شد الحزام وسيد درويش
ســبع صـنايع فى إيدينــــا والهـــــم جايــــــر عليــــــنا .... لحن الصنايعية سيد درويش
جاية من الترعة ســـمعوا رنـــة خلخـــــالى
لحقـــونى ســبع جدعــان طالبيـــن وصــالى
نظرونى يا خويا وراحوا واقعين فى جمـالى
قدمــــوا لأبويا مهــــرى ميتــين خيـــــــالى
طلعت يا مـــــحلا نورها
العشرة الطيبة.... سيد درويش
فيك عشرة كوتشينة في البلكونة....محمد عبد الوهاب

وتحياتي

**د.حسن** · #10 23/12/2010, 21h37

اقتباس:

المشاركة الأصلية كتبت بواسطة سامي عبد العزيز

السلام عليكم

نعود للأرقام

عشرين عاما و أنا أبحث عن أرض و عن هوية - أم كلثوم - عبد الوهاب
طريق واحد - من نفس الأغنية
شبر واحد - فايدة كامل

وعليكم السلام أخى الغالى أ. سامى
الله ينور عليك فى إستكمال الأرقام الوطنية
وبالمناسبة إفتكرت رقم وطنى أخر :
أطلب تلاقى 30 مليون فدائى فى جميع الميادين .. عبدالحليم
ومن الأغانى الوطنية الحديثة :
- 60 مليون فدائى
- مصر سنة 2000
مع تحياتى