اقتباس:
المشاركة الأصلية كتبت بواسطة محمود العيادى
عمنا الشاعر صاحب الاحساس الجميل عم السيد باشا ابوزهده عاوز اسال سؤال هل صحيح انت قاعد في كندا اشك دا انت قاعد علي كنبه تحت شجره توته و ساعه مغربيه و بتنادي علي الحمام يخش البنيه ( عش الحمام )لاني شامم ريحه بلدنا في كل كلامك ده انت لمست حاجات كتير قوي في القصيده دي و عظمت الوفاء و الاخلاص اللي اصبحوا النهارده مش موجودين و حتي عند كارفور و لا الهايبر امانه عليك ياشيخ سيد تكتر من الكلام الدافي ده لاننا محتاجين ليه قوي اليومين دول و بحبك قوي و تحياتي .
|
الفنان الجميل
عمّي محمود العيادي
إنت طلعت لي من أي محارة ؟! يا عمّي محمود
أيوة يا سيدي ، بكلمك من كندا (أكبر تلاّجة في الدنيا)
لكن مصر ، جمرة في وجاء الروح ، يا عمّي محمود
و المسافة بيننا ، عجيبة ! ....... إسترتش !
ساعات تضيق ( زي الدنيا)
و ساعات توسع (زي صدر أم)
،
،
بُص يا عمّي محمود (علشان شكلك ، كده ، ما بتحبش النكد)
أنا بهديك "زفة فلاّحي"
اللي كانت سبب " مين يشتري مني"
،
و خط القنال ، أفراح موصولة
* * * *
زفة فلاّحي
جاي له المأذون يجايله*
يعدلـُّه كل مايله
وعروسته قاعدة جوة
لابسة له نايلو نيْ له
علشان يعمل عمايله
ويقول كل اللي قايله
اللي حبيب زمايله
عمره ما لعب بذيّله
في الفجر هيقرا آيْ له
والضهر راح يقيْلوا
ويارب في العشيّة
ماييجي حد شايله
ولو كتـَّر جمايله
هندادي فيه ونحايله
وننوَّر كل حيْ له
علشان نفرح بعيْل له
يجايله* : يدعي أنه من جيلـُه
__________________
أستغفِرُ الله العظيم وهو التوّاب الرحيم
رد: مين يشتري مني؟ قصيدة لسيد أبو زهده
العرض المتطور
