دعوه للمشاركه فى (((اغنيات متشابهه)))

[د.حسن]

المشاركة الأصلية كتبت بواسطة رضا رشيد

لكن عندى هنا فى النمسا مازال سلوهم موجود وبيقولوا
Danke

زعلتنى أخى الغالى أ. رضا
هما كمان فى النمسا العيشة عندهم Danke ؟؟!!
مع تحياتى

[د.حسن]

المشاركة الأصلية كتبت بواسطة رضا رشيد

دلوقت عرفت يادكتور حسن سر أختفاء المناديل من السوق
السبب ( أبو نور )
طب كان خلى شوية .. نمسح بيهم دموعنا
على العموم أسمح لى بمنديل حضرتك
علشان

أمسح دموعى بمنديلك ع اللى جرى

أخى الفاضل أ. رضا رشيد
طبعاً عندك حق (تجرى دموعك)
طالما سِلوهم طلع Danke
سأرسل لكم حالاً المنديل بالإيميل
وإحكى لهم (ع اللى جرى)
وقول لهم :(جرى إيه ياعزالنا)
مع تحياتى

[د.حسن]

المشاركة الأصلية كتبت بواسطة فاضل الخالد

العزيزان
الاستاذ رضا المحترم
الدكتور حسن المحترم
كيف والحالة هذه ان نوفر المناديل للمطربة رجاء عبده حيث تحتاج لوفرة منها حسب ما أكدته في اغنيتها المشهورةاالبوسطجية حيث تقول بعد ان اشتكوا البوسطجية من كثرة مراسيلها
وعيوني لما بكوا ---زادت مناديلي

أهلاً بأخى الفاضل أ. فاضل الخالد
(هى جت كده لوحدها)
إسمح لى أن أنوه لكم أن عيون السيدة رجاء لما بكوا دابت مناديلها ..
فى حين أنه لو زادت مناديلها لكان هناك وفرة بالأسواق
وهو مالم يحدث سواء فى مصر .. أو فى النمسا
مع تحياتى

[د.حسن]

المشاركة الأصلية كتبت بواسطة محمود العيادى

الدكتور حسن التحاليل الي بتعملها للردود حقيقيه مش اشاعه و تشخيصك في الرد فيه شفاء ناجح للوقايه من الوقوع في اخطاء لغويه يعني الردود لازم تبقي مضبوطه حتي لا يكون هناك تعقيم علي كلامك .

حبيب قلبى أ. محمود
بمشاركتكم تلك قد أصبتم كبد الحقيقة ووصلتم لقلب الموضوع رأساً على عقب
وأرجو أن يتسع صدركم لتستطيعوا حل عظام المشاكل بدون جلد الذات
( حد فهم حاجة ؟ )
آهى دى عاملة زى تصريحات المسئولين فى التليفزيون
مع تحياتى

[د.حسن]

المشاركة الأصلية كتبت بواسطة الباشاقمرزمان

د.حسن


ملف رائع يجمع بين الأصالة والندرة ... ده مش يعجبنا بس ويعجب اللى بيحب الأصالة.... شكرا لك يا د.حسن

لا شكر على واجب أ. مصطفى
فإنى أعتبر ما أقوم به هو واجب علىّ
تجاه إخوانى وأخواتى وأبنائى وبناتى بالمنتدى
مع تحياتى

[عفاف سليمان]

المشاركة الأصلية كتبت بواسطة رضا رشيد

السيدة الفاضلة .. مدام عفاف
أشكرك
وعلى فكرة اللى قدمه عمنا .. دكتور حسن فى ملفه هو اللى كان نفسى أعمله
بس زى ماقلت لحضرتك .. الوقت
يمكن أقدر أعمل ملف زيه بعد عمر طويل

اخى الكريم استاذ
((رضا رشيد))
مين اللى يشكر مين
الدعوه الجميله زادت وزانت نورها بمشاركتكم الجميله الطيبه والمعلومات الحلوه
وخفة ظلكم وروحكم الجميله
يبقى مين اللى يشكر مين
سعدت بقرائتى للمشاركات الحلوه
بينك وبين والدنا الغالى
د حسن
ربنا يسعد اوقاتكم بالخير
وانا اللى اقولك
شكرا
بس بدون دموع ولا مناديل

المشاركة الأصلية كتبت بواسطة د.حسن

أخى الحبيب الغالى أ. رضا

أحمد الله عز وجل أن الملف أعجبكم
وبعدين فيها إيه لما الملف ياخد تسعين سنة
هو مُش بعد تسعين سنة الليل طلع له نهار ؟؟!!
عموماً .. علشان سِلو بلدنا بيخلينا نقولوا إحنا
عملنالكو حتة ملف .. يارب يعجبكو

مع تحياتى

والدنا الغالى
العبقرى
صاحب اجمل قفشات ومداعبات جميله لابنائه وبناته واخوانه واخواته
((د حسن))
اسعدتنى جددددددددددا
فوق الوصف هذه المشاركات الطيبه
والقفشات الرقيقه الجميله التى تنم عن شحصيه
مرحه وجميله مثل شخصكم الكريم
والدى الغالى
سعدت بمقاطع الاغانى الجميله فى بكره واحنا
واحنا كان نفسى يكون فيها
حليم وهو بيقول
احنا احنا احنا
اللى آمنا للزمان احنا
سعدت بهذا الكوكتيل الجميل
ربنا يبارك لنا فيك مشاركاتك الجميله
اسعدكم الله بكل خير
ابنتكم عفاف

[عفاف سليمان]

المشاركة الأصلية كتبت بواسطة محمود العيادى

عزيزي الباشا قمر الزمان طبعا مفيش مشاركات عن الورد بعد عبالحليم حافظ ما قال رميت الورد و لازم نقتدي بيه لانه رمز لجيلنا و كمان الورد مش مضمون بعد انتشار الورد الصناعي مع ان موسيقار الاجيال محمد عبد الوهاب قال علشان الشوك اللي في الورد بحب الورد و برضه في اغنيه مين يشتري الورد مني و انا باغني و نروح بعيد ليه عندنا في فن السمسميه بنقول مين يشتري مني جوز الحمام بني ....

اخى الكريم الاستاذ
((محمود))
ياريت تعرفنا بالسمسميه واغنياتها فى المشاركات القادمه التى تخص تشابه الاغنيات
او معانى الكلمات
تحياتى وسعدت بمشاركاتك الجميله والمعلومات

المشاركة الأصلية كتبت بواسطة محمود العيادى

كمان يا استاذنا وليد توفيق كتر خيره كسب دعوي ميراث القمر و اقتسمه مع حبيبته و غني تيجي نقسم القمر انا نص و انتي نص و هناك اغنيه جميله جدا للراحل بليغ حمدي كلاما وتلحينا و غناها في غربته في باريس و هي اغنيه القمر مسافر و ان كان عدويه سجلها و غناها .

لاول مره اعرف هذه المعلومه عن
((بليغ حمدى))
وعن الاغنيه القمر مسافر

[COLOR=blue]

المشاركة الأصلية كتبت بواسطة د.حسن;482056[/COLOR

]

حبيب قلبى أ. محمود

بمشاركتكم تلك قد أصبتم كبد الحقيقة ووصلتم لقلب الموضوع رأساً على عقب
وأرجو أن يتسع صدركم لتستطيعوا حل عظام المشاكل بدون جلد الذات
( حد فهم حاجة ؟ )
آهى دى عاملة زى تصريحات المسئولين فى التليفزيون

مع تحياتى

الله الله الله
عليك والدنا الغالى
د حسن
********
طيب فى حد يعرف يجيب الحاجات الحلوه دى
القلب والكبد والصدر والعظام والرأس والجلد
فى مشاركه وجميله وخفيفه
بس حلوه والدنا الغالى
( حد فهم حاجة ؟ )
اكيد كفايه انها ترحيب جميل وخفيف من حضرتك
و
آهى دى عاملة زى تصريحات المسئولين فى التليفزيون
بس ع الاقل دى مفهومه والدنا
((د حسن))
عن تصريحات التليفزيون

تحياتى وامنياتى لكم باوقات طيبه
كما اود ان اقدم ارق تحياتى
لاستاذنا الفاضل
((فاضل الخالد))
واخونا الاستاذ
((مصطفى))
على مشاركتهم الجميله
و
المناديل
ويارب ما نحتاج للمناديل
لا فى الدموع ولا للبرد
ويكفى وجود
(((الورد* .*.*.*.*والود)))
دمتم بخير جميعا
والى مشاركه جديده
اختكم عفاف

[رضا رشيد]

المشاركة الأصلية كتبت بواسطة د.حسن

حبيب قلبى أ. محمود
بمشاركتكم تلك قد أصبتم كبد الحقيقة ووصلتم لقلب الموضوع رأساً على عقب
وأرجو أن يتسع صدركم لتستطيعوا حل عظام المشاكل بدون جلد الذات
( حد فهم حاجة ؟ )
آهى دى عاملة زى تصريحات المسئولين فى التليفزيون
مع تحياتى

طبعا فاهمين .. ياحبيبنا
ماهو ده زى الكلام اللى قالته المذيعة فى الفيلم
وهو
نشكر الأستاذ ( على حسن سلوكة )

[رضا رشيد]

المشاركة الأصلية كتبت بواسطة د.حسن

أخى الفاضل أ. رضا رشيد
طبعاً عندك حق (تجرى دموعك)
طالما سِلوهم طلع Danke
سأرسل لكم حالاً المنديل بالإيميل
وإحكى لهم (ع اللى جرى)
وقول لهم :(جرى إيه ياعزالنا)
مع تحياتى

لك الشكر .. يادكتور حسن
المناديل وصلت
بس للأسف ( الكمرك) جاية من الضنك
عليها كتير
ومادام أحنا فى حالة ( Danke )
ماقدرتش أستلمها .. وقلت لمسئول الجمرك
قولى عملك أيه قلبى
ياظالمنى
ورد الراجل وقال ..
أنت اللى ظالم مش أنا
زعلت ومشيت وأنا
باصعب على روحى

[رضا رشيد]

أيه رأيكم
تعالوا نتكلم شوية عن
العيون والقلب .. والخدود .. والشفايف .. والرموش
والشعر الحرير اللى على الخدود يهفهف
دول كمان غنوا للأيادى ..
وغنوا فى فيلم ( الكيف ) للقفا
بس أحنا هانختار الكلام الجميل بتاع الزمن الجميل .. ماشى
وأنا عارف أن الموضوع ده هايخلى عمنا .. دكتور حسن يتحفنا بملف جميل ممتع .. أنا هابتدى وكلنا نكمل .. يعنى
أيدك فى أيدى ياعم .. ياعم
وهات أيديك .. ترتاح للمستهم أيديا
وهات عينيك .. الباقى معروف
ولما قالوا .. عيون الحليوة
قالوا كمان .. العيون الحلوة تحت الرمش الأسمر تستخبى
ورمش عينه اللى جارحنى
وعينى بتضحك .. وقلبى بيبكى
ولما سألت وقالت ..
مين السبب فى الحب .. القلب والا العين
رد عليها وقال
قلبى وعينى أختاروا
وكلام كتير أتقال .. بس المهم فى الموضوع ده أن حبيبنا ( قنديل ) .. غنى وقال
وحق ورد الخدود ... ( والعود وتفاحه )
كانت جرأة من ( مرسى جميل عزيز ) .. وعدت على الرقابة
تكملوا معايا