دعوه للمشاركه فى (((اغنيات متشابهه)))

[عفاف سليمان]

المشاركة الأصلية كتبت بواسطة abuzahda

طبعاً ينفع ، يا أستاذ رضا ....

و اذا كان الأغنيتين :

ياطول عذابي و دليلي احتار ، بيتكلموا عن موضوع واحد (الحيرة بين قرب الحبيب و بعاده)

فعمنا رامي في "ياللي كان يشجيك أنيني" جاب من الآخر !

عزة جمالك فين من غير ذليل يهواك (ياساتر يارب)

،

المهم يا أستاذنا ، أنا قصدت من باب المناكفة
(على المذهب الشبراوي)

أوسع نطاق تشغيل الذاكرة الغنائية للمشاركين ،

و عليه تكون :
لسة فاكر .... للست
و
ودّع هواك .... لطِلِب

بيتكلموا في موضوع واحد

أي خدمة يا ست عفاف
و ده نصيبك من الأضحية
علشان ممنوع الدبح في كندا
كل سنة و انتم طيبين

افهم من كده ان ده حقى ناشف يعنى
مفيش لحمه
ممممممممممم
طيب امرى لله
كفايه ان حضرتك شاركت ونورت الموضوع
وكلمات اغنيات اكثر من رائعه
لأم كلثوم
ومحمد عبد المطلب
بس ليه يودع هواه
وهى تقوله لسه فاكر
الطيب احسن
ليه مثلا ميبقوش
ساكن فى حى السيده وحبيبى ساكن فى الحسين
محمد عبد المطلب
والحب كده
لام كلثوم
ع العموم مشاركه جميله من حضرتك استاذنا
(((ابو زهده)))
بس ده مش كفايه
يظهر ان انا واخى استاذ
((( مصطفى)))
طماعين شويتين
من مشاركتكم((( لحضرتك))) ووالدنا الغالى د (((حسن)))
واخونا الاستاذ((( رضا رشيد)))
هننتظز مشاركه جديده
ويبقى وصل حق اللحمه والعيديه
وكل وقت وانت وجميع الاسره
وجميع اهل سماعى بخير وصحه وسعاده
اختك عفاف