ليه خيالك .. وأعمال أخرى

[سمير حسين]

.. زمان ..

لسه فاكر....................

أيــــــــــــوه ما نستش اللى كان

واللى شوفناه ف حبنـــــــــــــــــا

أيام زمان ...................

لمــا كنتِ بتصحى من قبل الأدان

وتدقى على قلبى بمشاعـــــــــرك

نضحك وتصحى الجـــــــــــيران

كنت أحس والدنيــــــــــــا ضلمة

كأن نور الشمس بــــــــــــــــــان

أخرج وإيدى حاضنة إيـــــــــــدك

والطريق بالناس مَــــــــــــــــلان

وكل كلمة حب حلــــــــــــــــــــوة

تبقى خضرة ع اللســـــــــــــــــان

فارشة لينــــــــــــــا ف كل خطوة

سكة مفروشة بالريحــــــــــــــان

يــــــــــــــــــــــــــــــــــــــــــــــاه

دا كان زمان

...

جاي تقول ده كان زمــان
وانا فاكرة كل همســـــــة
وكل اللى بينا واللى كان
كأنه كان من لحظـــــــــة
شفت في عنيك الأمـــــان
والحب من أول نظـــــرة
وحبك في عنية بــــــــان
وعشنا أيام مع الفرحــة
أغنية حب على كل لسان
وقصة كتبناها كلمة كلمة
بكل الشوق والحنـــــــان
ومع كل نظرة وكل لمسة
غنت الطيور في كل مكان
وجاي دلوقتي تقـــــــــول
ده كان زمــــــــــــــــــان

[ليلى ابو مدين]

شاعرنا الهمام
الاستاذ سمير حسين
الله الله الله
اسمحلي أقول لسيادتك أن قصيدة كان زمان من أجمل ما كتبت
هنا في ....ليه خيالك ..والدليل على ذلك هذا التفاعل
الجميل من أستاذنا الباشا قمر زمان
فموضوع الابيات ثري جداً ومن الممكن كتابة عشرات القصائد
عنه ومشاركة مني وتفاعلاً مع كلماتك الرائعه
وأيضاًهذا الحوار الراقي الذي بدأه أستاذنا الباشا
فقد كتبت رد على "هي" بكلمات قليله فأرجوا الا أكون تجاوزت حدودي وأطمع في كرمك الكبير
***
أيوه هاقــــــــــــولك ده كان زمـــــان
بعد ما بعدتــــــــــي عني ونسيـــــتي
حبي وشــــــــــــــوقي..واللي كـــــان
ليه بتفكري في أيـــــــــــــــــام زمــان
وبتطلبي دلوقتي مني الحب والامــان
وإنتِ اللي غدرتــــــــــي وخنتــــــــي
ودوقتيني السهد واللوعه والحرمـــان
جربي بقى دلوقتي غدر الايــــــــــــام
ومتسألنيش على اللي كـــــــــــــــــان
اللي كان خلاص بقى طي النسيــــــان
ما راح وراحت معاه اللهفه والاشجان
****

[عفاف سليمان]

صباح الفل
طيب انا اكتب رد لمين فيكم
ليك شاعرنا الاستاذ
((سمير))
ولا لاستاذنا
((مصطفى))
ولا
لغاليتى
(( ليلى))
ماشاء الله عليكم
كلامكم بالشعر جميل
لغه وزوق وفن اصيل
ارد انا على
مين ولا مين
حلوه الكلمات استاذ
(( سمير))
بس ليه كان زمان
ليه ميبقاش فيه امل
دا الامل بيبقى احلى
لما نقول
اه
كــــــــــــــــــان زمان
خلى الامل يجى فى بكره
وبكره نعيش فيه
ونفتكر معاه
احلى ذكرى
ومنقولش تانى
اه كان زمان
طبعا انا مش كاتبه خاطره
ولا مداخله
دا رد فقط
تحياتى وامنياتى لكم باوقات طيبه
دمتم لى بخير جميعا
اختكم عفاف

[سمير حسين]

الأســــاتذة الأفاضل

الأستاذ .. الباشا قمر زمان

الأستــاذة .. ليلى أبو مدين

الأستــاذة .. عفاف سليمان
...
أولا : شرف لى تواجدكم دائما هنا وهذا يسعدنى جدا جدا
ثانيا : هذه الجملة بالذات من الأستاذة ليلى زعلتنى جد جدا :
كتبت رد على "هي" بكلمات قليله فأرجوا الا أكون تجاوزت حدودي وأطمع في كرمك الكبير

.. يا أستاذة ليلى .. أؤكد ثانية أن تواجدكم فقط شرف فما بالى بأن يضع كل منكم أفكاره وأشعاره هنا أستاذنا القدير الباشاوأستاذة ليلى وأستاذة عفاف والله سعدت جدا وما تأخرى فى الرد اليوم إلا لوجودى فى مامورية عمل فأرجوا لكل من يستكمل نصا لى أو يكتب إضافة ممنوع كلمة إستئذان المكان لنا جميعا نتناقش ونتحاور ونكتب ما نحسه .. فأهلا بكل من يتواجد فى ليه خيالك .. وأكرر دون إستئذان ..
ثالثا : بعدما قرأت أشعاركم مش عارف أكتب إيه الموضوع بقى أجمل مما كتبته وأعطى أستاذنا الباشا الفرصة يرد لأنه صاحب هى .. ويارب يكون متواجد علشان أعرف أرد عليه هو أنا أنسى اللى عمله معايا بعد حكاية بتعة العمشة وكل الناس الحلوين خاصمونى بعدها..

أطيب تحياتى لكم وأهلا بكم شرفتونى
...

اتهمتني بالغـــــدر والخيانة
والبعد والهجـــــر والنسيان
ونسيت وعـــــودك الرنانة
وانك لي السنـــــد والأمان
ابويا لما عـــــرف الحكاية
قاللي لا تغـــــادري المكان
وان كان شاريكـــي بأمانة
بكرة يخبط على الببــــــان
قلت حبيبي هو هنايـــــــا
وفرحي على طول الزمـان
وبعت من قلبي رسالـــــة
بكل الشوق والحنــــــــان
لجل ترفع عني الوصايــة
والكلام ونظرات الجيـران
يوصلنى الرد بكل قســـاوة
ده كــــــان زمـــــــــــــان
****
كل الناس سمعت أهاتي وأناتي
ودمعي ع الخد سايل ليـــــلاتي
كتبت شكوتي بدموعي وآلامي
ويالله لحن شجن يا عم الألآتي
حبيبي نور عيني وروح قلبــي
كل الناس بيلوموني في حبـــي
قالوا غدار وساعة الجد يجري
قلتلهم حبه جوة دمي بيســـري
قالو لي بكرة من الأسى حتشكي
قلت مكتوب على الجبين وربـي
تيجي ليلى بو مدين وتلومنــــي
بس الحق على اللى كان حبيبي

[سمير حسين]

اتهمتني بالغـــــدر والخيانة
والبعد والهجـــــر والنسيان
ونسيت وعـــــودك الرنانة
وانك لي السنـــــد والأمان
ابويا لما عـــــرف الحكاية
قاللي لا تغـــــادري المكان
وان كان شاريكـــي بأمانة
بكرة يخبط على الببــــــان
قلت حبيبي هو هنايـــــــا
وفرحي على طول الزمـان
وبعت من قلبي رسالـــــة
بكل الشوق والحنــــــــان
لجل ترفع عني الوصايــة
والكلام ونظرات الجيـران
يوصلنى الرد بكل قســـاوة
ده كــــــان زمـــــــــــــان

( الباشا قمر زمان)

_______________

***

إنت خاينة .. أيوه خاينـــــة

والحكاية قـُـــــــــــدام عنيكم

زى نــــــــور الشمس باينة

ليـــــــــــــه حلفتى إنك إنتِ

برضه تانـــى لقلبى راجعة

...

الخيانة تبقى أقوى بالكــلام

والوعود الزايفة دايمــــــــا

تطفى أشواق الغـــــــــــرام

والخيـــــــــانة فى المشـاعر

أقوى أنواع الانتقــــــــــــام

...

زى ما مَر الزمـــــــــــــــــان

بقسوته ونده عليّــــــــــــــــا

إنتِ كنتِ بقسوتــــــــــــــــك

أكــــتر شويــــــــــــــــــــــــة

عارفة إيه هى الخيــــــــــــانة

إنك إنت والزمـــــــــــــــــــان

كان حكمكم قــــــاسى وشديد

زى حكم الموت عليُـــــــــــا

...

( سمير )
...