الورد .. وأعمال أخرى

[د أنس البن]

المشاركة الأصلية كتبت بواسطة ممدوح محفوظ

فى ذكرى سعاد حسنى


الفن حَبْ سُعاد و الحُسن فيها احتار ...

سينما ومَغنى ورِقه تشبه الازهار ...

ايه سِر فَنك و مين قلبك خَفى سِره ...

حتى رَحيلك عنا لسَه فيه أسرار ...ء



زوزو ده إسم الدلع اما الحقيقى سعاد

للسندريلا زمن فاتنا و عمره ما عاد

لسه السفيره عزيزه جوا القلوب عايشه

و نعيمه حَبت حَسن ولكل حب معاد ...ء

جميله يا أستاذ ممدوح , عجبتنى قوى , فيها صدق واحساس جميل , والى الأجمل والأجود ان شاء الله

[ممدوح محفوظ]

المشاركة الأصلية كتبت بواسطة د أنس البن

جميله يا أستاذ ممدوح , عجبتنى قوى , فيها صدق واحساس جميل , والى الأجمل والأجود ان شاء الله

أشكرك يا دكتور أنس .. يسعدنى جدا إعجابك بكلماتى.

مهندس / ممدوح محفوظ ..ء

[ممدوح محفوظ]

مَالى و حَالى التبَدل ليه ومِتْغيَّر
لا كَهْل انا حَصَّلتْ .. و لا فتى صُغيَّر
يا ليلى نِجْمك لمَعْ و التانى مِتدارى
و السِر حيرنى .. زى ما العَلن حيَّر ...ء

[ليلى ابو مدين]

المشاركة الأصلية كتبت بواسطة ممدوح محفوظ

مَالى و حَالى التبَدل ليه ومِتْغيَّر

لا كَهْل انا حَصَّلتْ .. و لا فتى صُغيَّر
يا ليلى نِجْمك لمَعْ و التانى مِتدارى

و السِر حيرنى .. زى ما العَلن حيَّر ...ء

الشاعر الاستاذ ممدوح محفوظ
أجمل ما في أشعارك الرباعيه هي المباشره وصدق الاحساس
والمعاني الواضحه والثريه
اسلوبك في نظم الشعر يدل على أن خير الكلام ما قل ودل
ولكنه ذو دلاله جميله رقيقه لا تخلو من الحكم
الى الامام دائماً
مع خالص تحياتي واحتراماتي
ليلى ابو مدين

[ممدوح محفوظ]

المشاركة الأصلية كتبت بواسطة ليلى ابو مدين

مع خالص تحياتي واحتراماتي
ليلى ابو مدين

الاخت ليلى
لكى كل الشكر و التقدير

مهندس / ممدوح محفوظ ...ء

[عفاف سليمان]

قالوا الشعر دا فن يا ناس
زوق وادب وكمان احساس
ولما تلاقى هنا فيه ناس
بالود تقول اجمل احساس
للورد جمال وريحه ومعنى
بعبيره ننسى
اوجعنا
استاذنا المهندس جميل المشاعر
ورقيق الاحساس
الاستاذ
((ممدوح محفوظ))
حاولت ان اقتبس من كل ما كتبت الاجمل
ولكن فى كل مشاركه اجد فيها اجمل
واجمل من السابقه والتى تليها
بصراحه معرفتش اخذ انهى واحده
كلهم حلوين
كلهم عبير وتعبير عن كلام جميل
ومواقف لشاعر نبيل
للسنديلا كتبت ولجمال قلت
وللريحانى شرحت فى كلمتين حلوين
تحياتى لك استاذى والينا المزيد
لك خالص تحياتى
اختك عفاف

[ممدوح محفوظ]

المشاركة الأصلية كتبت بواسطة عفاف سليمان

لك خالص تحياتى

اختك عفاف

انتى أختى فعلا
لن انل كل هذه المجامله و الاطراء سوى من اخت لى
أراكى تعشقين فايزه ... فاقول لكى (ده كتير عليا )...ء
اخوكى ممدوح

[ممدوح محفوظ]

ربى بِأيامك وقْفَه و حَجْ و عيد
لَتسَامِع إلى تاب ... و تِرحم إلى بِعيد
إهدى يا هادى و اغفر للعباد يا رَحيم
الى يسيبك خَسَر ... والى يلبى سَعيد ...ء

[عفاف سليمان]

المشاركة الأصلية كتبت بواسطة ممدوح محفوظ

ربى بِأيامك وقْفَه و حَجْ و عيد

لَتسَامِع إلى تاب ... و تِرحم إلى بِعيد
إهدى يا هادى و اغفر للعباد يا رَحيم

الى يسيبك خَسَر ... والى يلبى سَعيد ...ء

اخى الكريم الباشمهندس
(((ممدوح)))
عيد اضحى سعيد على حضرتك
وعلى اسرتك الجميله
ويارب ينعاد عليكم
على خير وصحه وسعاده
وفرحه وهنا وراحة بال
ارق تحياتى
ويارب يتقبل الله منا ومنكم
صالح الاعمال
اللهم آمين
ارق تحياتى
اختك عفاف

[ممدوح محفوظ]

الاخت فايزه ...كل عام وانتى بخير
و كل عام و جميع الاصدقاء بخير
و اعتذر عن الخطأ فى الرباعيه الاخيره

ربى بِأيامك وقْفَه و حَجْ و عيد
لَتسَامِح إلى تاب ... و تِرحم إلى بِعيد
إهدى يا هادى و اغفر للعباد يا رَحيم
الى يسيبك خَسَر ... والى يلبى سَعيد ...ء