صرخة أجير

**abuzahda** · #1 02/11/2010, 23h47

اقتباس:

المشاركة الأصلية كتبت بواسطة سعدالشرقاوى

http://http://www.youtube.com/watch?v=6qc7RAEuZEA[/URL]

(صرخة أجير)
سعدالشرقاوى
عاملالى سـاهيه وسـايبه الحــبل فى شـنافــى
وكعوبى رسمت شقوق فى الأرض وانا حافى
شايل ونافـك ألم ولا كانش عـــمره خفـــيف
عامل هناك تجويف بيحــــزّ فى كـــــــتافى
,,,,,
شامم عرق طميها والأرض محــروته
مكتوب تاريخ عمرها فى السّاقيه والتوته
شقــيان انا والبقر طول عمرى متعــلـّق
بقــــدم مفلــّق وعايش طافح الكـــوته
,,,,,
ظلمتى ليه قســـمتى يابلـــــدنا ياحرّه
وسقيتى أخويا العسل وانا حظىّ فى المرّه
ابنك لوحده وانا اللىّ غريب فى وسطيكم
وتقيل عليــــكم كأنىّ خلــــفة الضـّرّه
,,,,,,
مليونه لعـبه ف ايديه وجنيهى معادينى
مش قادر احصل عليه الا بطلوع عينى
سكــّنتى جارى قصور وانا بالعيال مقهور
وحفرتى بنـّا بحور طاب مين يعدّينى
,,,,,,,
أهو ساق عليكى الهبل ملـّكتيه الفدادين
وأنا التزمت الأدب بيّعتينى القيراطين
وروحت أخدم جنابه مالتقيت مطرح
لو قلت أطفح باقيت عيلتى هياكلوا منين
,,,,,,
فى الاعداديّه فشل ابنه اللىّ أصبح بيه
وانا ابنى جاب لامتياز ماسألتى مرّه عليه
سفــّرته برّه نشر علمه فى حبل غسيل
وحجز عليه الكفيل بالأمر يخدم فيه
,,,,,,
ولحدّ امته المرض هايعيش على التسكين
مفعول علاجه انتهى بروشـتـّة للمساكين
طاب مانتى عارفه انّ عمر الضـّرب ما يعلـّم
والطير بيرقص اذا اتألــّم من السـّـكــين
,,,,,,
من يوم ما مات الضمير فيكى ياست الناس
والعدل أصبح ضرير مشطوب من الكرّاس
سلــّمتى ليه السـّيادة لكلّ ندل عـــويل
وهان عليكى الأصيل تحت القدم ينداس
,,,,,,
يابلدنا عيدى القسوم ياللىّ ترابك خير
وماتـتهميش مظلوم خايف من التزوير
خللىّ المكافأة تساوى تعبى و شقايــه
يايكون عزايا انىّ مصرى عند أهله أجير
,,,,,,
مانا طبعى دغرى ونفسى ف كلمه واجعانى
ماقدرش اشيلها على نفسى اللىّ واخدانى
يظهرلى فيكى انّ حبىّ من طرف واحد
ياتصارحى نفسك تقولى انّ انتى كارهانى

,,,,,,,

[/QUOTE]

حلوة يا عمّي سعد ....
أحلى من توت الربيع

التدوير ، عامل موسيقى داخل المربعة
( ولو انك كسّلت في الأخيرة !)

و الملف الصوتي إهداء لـضيوفك الكرام ، عشاق فنك الواضح الصريح

**د أنس البن** · #2 03/11/2010, 17h29

يا عم سعد يا جميل يا فلاح يا مصرى يا قرارى ..
صرخت صرخه قويه بالإنابه عن ملايين المصريين المهمشين ,تقريبا حوالى 80 مليون إلا حوالى تلات اربع تلاف تقريبا اللى كلنا بنشتغل عندهم بشكل أو بآخر
ألف شكر يا شاعر يا أصيل , كل يوم بتحلو والله

**سعدالشرقاوى** · #3 04/11/2010, 07h05

اقتباس:

المشاركة الأصلية كتبت بواسطة د أنس البن

يا عم سعد يا جميل يا فلاح يا مصرى يا قرارى ..
صرخت صرخه قويه بالإنابه عن ملايين المصريين المهمشين ,تقريبا حوالى 80 مليون إلا حوالى تلات اربع تلاف تقريبا اللى كلنا بنشتغل عندهم بشكل أو بآخر
ألف شكر يا شاعر يا أصيل , كل يوم بتحلو والله

والدى العزيز
ومنهل كلماتى
مثال الكرم والشهامة
د/انس البن
تعلمنا منكم الا نكتم فى صدورنا الاحساس
وان نبوح بما يجول فى الخاطر
وان نحرص على توصيل الامانة
بشكلها الواضح والصريح
لكم كل تحية وتقدير

**سعدالشرقاوى** · #4 04/11/2010, 07h00

اقتباس:

المشاركة الأصلية كتبت بواسطة abuzahda

(صرخة أجير)
سعدالشرقاوى
عاملالى سـاهيه وسـايبه الحــبل فى شـنافــى
وكعوبى رسمت شقوق فى الأرض وانا حافى
شايل ونافـك ألم ولا كانش عـــمره خفـــيف
عامل هناك تجويف بيحــــزّ فى كـــــــتافى
,,,,,
شامم عرق طميها والأرض محــروته
مكتوب تاريخ عمرها فى السّاقيه والتوته
شقــيان انا والبقر طول عمرى متعــلـّق
بقــــدم مفلــّق وعايش طافح الكـــوته
,,,,,
ظلمتى ليه قســـمتى يابلـــــدنا ياحرّه
وسقيتى أخويا العسل وانا حظىّ فى المرّه
ابنك لوحده وانا اللىّ غريب فى وسطيكم
وتقيل عليــــكم كأنىّ خلــــفة الضـّرّه
,,,,,,
مليونه لعـبه ف ايديه وجنيهى معادينى
مش قادر احصل عليه الا بطلوع عينى
سكــّنتى جارى قصور وانا بالعيال مقهور
وحفرتى بنـّا بحور طاب مين يعدّينى
,,,,,,,
أهو ساق عليكى الهبل ملـّكتيه الفدادين
وأنا التزمت الأدب بيّعتينى القيراطين
وروحت أخدم جنابه مالتقيت مطرح
لو قلت أطفح باقيت عيلتى هياكلوا منين
,,,,,,
فى الاعداديّه فشل ابنه اللىّ أصبح بيه
وانا ابنى جاب لامتياز ماسألتى مرّه عليه
سفــّرته برّه نشر علمه فى حبل غسيل
وحجز عليه الكفيل بالأمر يخدم فيه
,,,,,,
ولحدّ امته المرض هايعيش على التسكين
مفعول علاجه انتهى بروشـتـّة للمساكين
طاب مانتى عارفه انّ عمر الضـّرب ما يعلـّم
والطير بيرقص اذا اتألــّم من السـّـكــين
,,,,,,
من يوم ما مات الضمير فيكى ياست الناس
والعدل أصبح ضرير مشطوب من الكرّاس
سلــّمتى ليه السـّيادة لكلّ ندل عـــويل
وهان عليكى الأصيل تحت القدم ينداس
,,,,,,
يابلدنا عيدى القسوم ياللىّ ترابك خير
وماتـتهميش مظلوم خايف من التزوير
خللىّ المكافأة تساوى تعبى و شقايــه
يايكون عزايا انىّ مصرى عند أهله أجير
,,,,,,
مانا طبعى دغرى ونفسى ف كلمه واجعانى
ماقدرش اشيلها على نفسى اللىّ واخدانى
يظهرلى فيكى انّ حبىّ من طرف واحد
ياتصارحى نفسك تقولى انّ انتى كارهانى

,,,,,,,

حلوة يا عمّي سعد ....
أحلى من توت الربيع

التدوير ، عامل موسيقى داخل المربعة
( ولو انك كسّلت في الأخيرة !)

و الملف الصوتي إهداء لـضيوفك الكرام ، عشاق فنك الواضح الصريح

[/QUOTE]

اخى الكبير
والذى تعلمت ننه كل جميل
ابو وجد
الشاعر المبدع
والاديب الرائع
الفيلسوف
الاستاذ/سيد ابو زهده
عرفناك امينا على الكلمة
لاتدخر توجيها ولايبخس جمالا
وألفناك شاعر تعشق الشعر وتـتـنفسه
وستظل مائدة علومكم عامرة لنا
نقتبس منها كل غال وثمين
وصلتنى بلهفة وفرحة ملاحظتكم
وهى محل تقدير واحترام
ورغم مراجعتى للعمل اكثر من مرّة
فلم اتداركها
الا بتوجيهاتكم
متعكم الله بالصحة والسعادة
ولاحرمنا منكم ابدا
واسعد قلوبكم باولادكم
وجعل صفاء نفوسكم
فى ميزان حسناتكم
آمين