دعوه للمشاركه فى (((اغنيات متشابهه)))

**Islam Eidrisha** · #1 01/11/2010, 08h27

دعوة لطيفة وفكرة خفيفة لتنشيط الذهن
شكرا يا أخت عفاف
استحضرتني الآن طقطوقة جميلة من الطرب المعتق
م البلكونة للشباك
مع
عبد اللطيف أفندي البنا

#2 01/11/2010, 09h25

طيب معلش يا أبلة عفاف انت عارفة ان فهمي على قدي

تقصدي ايه بالشباك ؟؟؟

النافذة ولا شباك الصياد

اصل انت ما شكلتيش الكلمة

وانا يدوب باتهجى عايزة تلخبطيني

علي أي حال أشهر أغنية عن الشباك
غناها محرم فؤاد في فيلم حسن ونعيمة؟
حليها انت بأة

**عفاف سليمان** · #3 01/11/2010, 09h34

اقتباس:

المشاركة الأصلية كتبت بواسطة إســـلام

دعوة لطيفة وفكرة خفيفة لتنشيط الذهن
شكرا يا أخت عفاف
استحضرتني الآن طقطوقة جميلة من الطرب المعتق
م البلكونة للشباك
مع
عبد اللطيف أفندي البنا

اخى الكريم
إسلام
مشاركه حلوه منك لنفس معنى الاغنيه
سلمت يداك واتمنى ان الجميع
يشارك معنا فى هذه الدعوه

اقتباس:

المشاركة الأصلية كتبت بواسطة الباشاقمرزمان

طيب معلش يا أبلة عفاف انت عارفة ان فهمي على قدي

تقصدي ايه بالشباك ؟؟؟

النافذة ولا شباك الصياد

اصل انت ما شكلتيش الكلمة

وانا يدوب باتهجى عايزة تلخبطيني

علي أي حال أشهر أغنية عن الشباك
غناها محرم فؤاد في فيلم حسن ونعيمة؟

حليها انت بأة

اخى الكريم الاستاذ مصطفى
مش قصدى ان المشاركه تبقى نفس اسم
الشباك
لكن قصدى تنوع الاغنيات
اى
يوجد مثلا
لعبد الحليم
اغنية قدك المياس يا عمرى
ونفس الاغنيه غناها
محرم فؤاد
وايضا اغنية
دوبنى دوب......غنتها فايزه احمد
وايضا الفنانه نجاة
وهذا القصد من الموضوع
ان كل مطرب ومطربه غنوا نفس الاسم
لبعض الاغنيات وليست اغنية الشباك فقط
انا جبت المشاركه دى بس على اساس تكون مثل
ونكمل عليها
تحياتى لك وللجميع بارق واطيب الاوقات
اختنكم عفاف
على فكره
اغنيه محرم فؤاد الحلوه داير شباكها
بس كنت جبت الرابط بتاعها بالمره
تحياتى

#4 01/11/2010, 10h12

ماشي يا أبلة عفاف
شوفي عن الشباك حتلاقي

تحت شباك الجميل لمحمد عبد الوهاب

وفي غير الغناء حتجدي

شباك النبي-------- للشاعر جمال بخيت

شباك التذاكر ------ لفؤاد المهندس

شباك حبيبي ------ فيلم

الحلوة دي داير شباكها ----- لمحرم فؤاد

وفيه أغنية لمحمد فوزي في احد الأفلام مش متذكرها

وبرضه فيه منولوج لمحمود شكوكو

**أمل الصافي** · #5 01/11/2010, 14h01

انا من بلد الشبابيك (فيروز ووديع الصافي)

**عفاف سليمان** · #6 01/11/2010, 16h24

مساء الورد والفل والياسمين
الان سوف نتكلم عن
السمر
او الاسمر
1_يلا اسمرانى
فايزه احمد
2-عطشان يا أسمرانى محبه

نجاة
3-اسمر يا اسمرانى
عبد الحليم
4_ سمره يا سمره
كارم محمود
5_اسمر اسمر طيب مالوا
صباح
6_ ابحث عن سمراء
محرم فؤاد
7_اسمرانى اللون
شاديه
8_قالوا البياض احلى ولا السمار احلى
سعاد مكاوى
9_البيض الاماره
عبد الغنى السيد
اتمنى ان تكون اختياراتى جميله
عن السمر واغنيات السماره
واذا كان حد عنده اغنيات اخرى للسمر ياريت يشارك معنا
كما لم اجد اغنيه لشريفه فاضل غنتها فى فيلم سلطانة الطرب
اسمر ملك روحى
او اذا كانت فى اغنيات منيره المهديه القديمه
تحياتى
وامنياتى لكم باوقات طيبه
اختكم عفاف

**رضا رشيد** · #7 01/11/2010, 18h58

وكمان .. قالوا

ياحلو ياأسمر .. عبد الحليم
أبوسمرة السكرة .. قنديل
جميل وأسمر .. قنديل
أسمر ياسمارة .. شريفة فاضل
أسمر ياجميل .. عبد العزيز محمود
سمارة .. ليه الحلو بيتدارى .. نجاة
سمراء ياحلم الطفولة .. عبد الحليم