اقتباس:
المشاركة الأصلية كتبت بواسطة محمد محمدالعقاد
1000طــظ
من طرف اللسان بتبظ
علـــــى دي حيــــاة
وألف آه
ع اللي غاوي يعيشها حظ
وميت ندامة
من هنا ليوم القيامة
ع اللى فاكر
إنه شاطر ولا يقدر
إنه يهرب م المقدر
ولا يلقى طوق نجاة
ألــــف آه ..
على دى حياة
وألف طظ
ف اللى غاوى يعيشها حظ
******
العمر فات
والأمانى إتبخرت والأمنيات
منها اللى مات
واللى إنطوى
صفحة ف كتاب الذكريات
كلها كانت سراب
ف الطفولة والشباب
وف آخر العمر إكتشفت
إن الحياة
ماتساويش ولا حتى طظ
وألف آه
ع اللى غاوى يعيشها حظ
******
كل شئ محسوب عليك
خطوتك
أو نظرتك
أو كلمتك
وكل شئ تجنيه إيديك
والحياة دار إختبار
جايز تعدى
وألف آه م الإنتظار
ع اللى مستني القرار
وألف طظ
ف دى حياة
واللى غاوى يعيشها حظ
******
كل شئ ف الدنيا بختك
حتى أهلك
أمك وأبوك
وأخوك وأختك
كل دول ف الدنيا بختك
أما أولادك وزوجتك
برضو بختك
يبقى إيه بالإختيار
قوللى فين تلقى الرضا
ولا فرصة للفرار
والسلام النفسي عَز
يبقى طظ
ف دى حياة
وألف آه
ع اللى غاوى يعيشها حظ
شعر: محمد العقاد
|
بسم الله الرحمن الرحيم
الشاعر الاستاذ
محمد محمد العقاد
أسعدك الله بكل خير
يا سلام يا سلام على ده كلام.... والله يا أستاذنا حضرتك
جبت المفيد ووصلت لآخر الكلام
الحياه فعلاً لا تحتمل الفهلوة ولا اللي مستني الحظ علشان يعيش
ولكن كل شئ في الآخر مقدر ومكتوب
مقطوعه شعريه جميله دمها خفيف تحتوي على حكم صائبه
وكلمات بسيطه وسلسه ومعانيها واضحه وضوح
الشمس في كبد السماء
جزاك الله خيراً ومتعك بالصحه والعافيه
مع خالص تحياتي واحتراماتي
ليلى ابو مدين
ملحوظه صغيره: طظ باللغه العثمانيه القديمه تعني الملح
رد: طـــظ
العرض الشجري