ليه خيالك .. وأعمال أخرى

**سمير حسين** · #1 02/10/2010, 20h35

.. الأستاذة الفاضلة .. ناهد هانم .. والله وبصدق .. ردكم هذا أوحى إلىّ بأفكار جديدة فى الموضوع وأستاذ الباشا كان له وجهة نظر فى شوية إتهامات شعرية بحيث يكون الموضوع متجدد .. لكن خوفا من ملل البعض من إخوانى هنا للتكرار جعلنى أختصر الحكاية .. لكن ربنا يكرم الأهلى غدا ويفوز حتى يكون عندى دافع وتكون نفسى مفتوحة مع تقديرى لأحبائى التوانسة لكن إذا لم يحدث سأحقق رغبة أستاذى الباشا وأفكر فى الزواج من بتعة العمشة بنت خالتى ام سمعين .. هدية عمنا الباشا ..
.. شكر لكِ أستاذتنا الفاضلة ..

#2 03/10/2010, 17h01

زعلني اليوم عم سميـــر
واعتبر نفسه م المتهمين
وان انا اتهمته في بتعـة
بنت الست ام سماعيـن
يرضيكم ياناس يعمل كدة
يعتبرني ابن عم حسين
من العوازل واللايميــن
طيب خليكو شاهديـــن

**ليلى ابو مدين** · #3 03/10/2010, 17h35

ما تزعلش ..يا باشا
من ابن عم حسين
ده قلبه ..قلب أبيض
زي الفل والياسمين
بيقولك كده من عشمه
وإحنا أهو شاهدين
مالنا إحنا ومال
العوازل واللايمين
دا إحنا أحلى صحبه
في منتدى السماعيين
***

**سمير حسين** · #4 03/10/2010, 21h03

.. مشاجرة ..

أيوه يا سيــــــــــــــــــــــدنا الباشـا

بقيت م المتهمـــــــــــــــــــــــــــين

أنت اللى تاهمنى ف بتعــــــــــــــة

العمشة بنت ام سمعـــــــــــــــــين

ولعلمك أخــــــــــــــــــــوها قابلنى

وإدانى قلمين حلـــــــــــــــــــــوين

وقاللى حا تتجـــــــــــــــــــــــوزها

ومعادنا يـــــــــــــــــــــــوم الاتنين

وكلامى إن شــــــــــــــــــــــاء الله

بكره حيكـــــــــــــــــــــون مع مين

مع سُمعة اخــــــــــو بتعة العمشة

والا أنت والسامعــــــــــــــــــــــين

ما هو أنت عملت لى أزمــــــــــــة

فى حكاية بقالهـــــــــــــــــا سنين

وليلى هــــــــــــــــــــانم أبو مدين

كمان من الشــــــــــــــــــــــاهدين

...

بعدين ف الوقعـــــــــــــــة السودة

يــــــــــــــا سمـــير يا ابن حسين

إزاى حكايتنــــــــــــــــا حا تخلص

والكـُــــــل متفقـــــــــــــــــــــــــين

عايزينى أسيب الحلــــــــــــــــــوة

وآخـُـــــــــــــــــــــد ست الوحشين

يا أخوانا حــــــــــــــــــــــد يقوللى

تتحــــــــــــــــــــــل إزاى مشكلتى ؟

ـ
أتجـــــــــــــــــــــوز بتعة العمشة ؟

ولا أم عيون حلــــــــــــــــــوين ؟
...

#5 03/10/2010, 22h34

انا حاروح منك فين يا عم سمير حسيــــن
مادام ليلى ابو مدين ومعاها السماعييــــن
خلاص حيحلوا موضوع بتعة وسماعيــن
نــرجع مرجوعنا لأم عيون حلويــــــــــن

#6 03/10/2010, 22h57

هـيّ

انت لسة برضه بتقول عيونك كدابين ؟
طب واحنا سوا كنت بتبص لميــــــن ؟
وعيونك ليه تملي زايغة شمال ويميـن
حاقول واعيد واشكي عذابي لميــــن ؟
ده انت خليــــــــت الشك عندي يقيــن
ومش عايزني اصدق العوازل واللايمين

ومدام عيوني هي احلي عيــــــــــــون
ليه تبص لكل واحدة م الماشييــــــن ؟
والا انت عندك حبايب غيري تانييـــن
وبتتسلى بقلبي وعيوني الحلويــــــن
يا حبيبي عيون مين فينا هي الكدابين؟