ليه خيالك .. وأعمال أخرى

[سمير حسين]

.. الأستاذ الباشا .. تحياتى .. بصراحة لقيت الموضوع خد وقت معايا .. ست ساعات أكتب مناظرة بينهم ( هو ) و ( هى ) جعلت الألوان تتحدث بلسان كل منهما أنا تخيلت الحكاية سهلة ولما تعبت قوى قلت أصالحهم وأخلص .. ما تنساش لسه فيه خطوبة وفرح .. الموال طويل .. وممكن كمان نجوز ولادهم .
.. وبعدين قول لى بعد الأتهام اللى سيادتك كتبته أنا ممكن أحب
أى حد تانى :

اتهموني فـ بنات كتيرآخرهم

بتعة العمشة بنت ام سماعين

بتعة وعمشة وبنت أم سماعين .. والله حرام يا سعادة الباشا مش ممكن واحد عنيه حلوين وملونين ويحب بتعة العمشة بنت أم سماعين ..

حطمنى عمى البــــــــــــــــــــاشا

وبقيت م المظلــــــــــــــــــــومين

من بعد حكـــــــــــــــــاية العمشة

وخـــــــــــــــــــالتى أم اسماعين

وكمان تتهمنى ف بتعــــــــــــــة

ودا يرضى يا عمنــــــــــــــا مين

ما خلاص السُمعة إنهــــــــــارت

وبقينــــــــــــــــــــــــــــا مُتهمين

والنــــــــاس بقى شافوا كلامك

ومعايا كمان شاهــــــــــــــــدين

...

أضحك الله سنك يا عم سمير

والله ضحكتني يا شيخ

الراجل كان بيشكي حاله وانه نبه حبيبته وحذرها من كلام العوازل والحقاد وقالو لها انه بيمشى مع نسرين وهناء وجابوا كل اللى يقدروا عليه حتى بتعة ما سابوهاش قال يعني الواد مش مخلي وانه ما يستاهلهاش وده عشان هي تصدق ويزيد الفراق وانت عارف غيرة العوازل وخاصة الستات بتعمل ايه فكان هي لازم ترد وتعاتبه ليه ساب الايام تعدي وما يحاولش ولا حتى عاتبها وان ده هو اللى خلا الغيرة تاكلها وخاصة لما قالولها ده نسيكي وخطب بنت عمه شرين
العتاب بين الأحباب بيكون له طعم تاني بس لسة انتمعرفتوش