ليه خيالك .. وأعمال أخرى

[سعدالشرقاوى]

أكيــــــــــــــد عرفتى يبقوا مين

اللى نسيونى وســـــــــــــابونى

أشكى همى طـــــــــــول السنين

هما أجمل حـــــــــــــــاجة فيكى

عيونك أحـــــــــــلى كــــــدابين

وانا كمان عرفت هما مين
ياساحر العيون
يااستاذ سمير
متعنا الله باعمالكم
واسعدنا بكم دائما
مع تمنياتى بالتوفيق

[سمير حسين]

الأستاذ الشاعر الكبير .. صاحب أجمل توتة
( سعد الشرقاوى )
أهنئكم أولا على الألفية الشعرية التى وصلتم إليها
والتى أثرت الشعر بحلو كلماتكم الرائعة وأشعاركم الجميلة
كما أشكر سيادتكم لإطلالتكم على بعض كتاباتى
وهذا يسعدنى دائما عندما يأتى التقدير من صاحب قلم
وفكر ورأى وله باع طويل فى عالم الشعر
شكرا لك شاعرنا الكبير
...

[سمير حسين]

.. مسافر ..

راجع لك تانى يابـــــــــــلدى

وراجع للعـُـــــــــــزاز ناسى

ولو ما ملكتش الأجــــــــــرة

أجى لك ع القــــــــــدم ماشى

وأعيش العمــــــر فى أرضك

ما بين أهلى وأحبـــــــــــــابى

وأنسى قسوة الغـُـــــــــــــربة

دا حبـــــك من ساسى لراسى

...

[سمير حسين]

.. مُش كدابين ..

لأ .. عيونى مُش كـــــــــــدابين

وحياتك أنت دول مظلــــــــومين

أنت ســــــــــــاكن بين رموشهم

رغم بُعدك طــــــــــــــول السنين

...

خــــــــــلاص نسيت تبقى مين ؟

أنت حبيت واحـــــــــــــــدة غيرى

وسيبت قلبى مشغـــــــــول حزين

وأنت يا ما غـــــــــــــــــــدرت بيا

وخــــــــــدودى لسه فيهم علامـة

من دموعى مجـــــــــــــــــروحين

...

بس بصــــــــــراحة نفسى أقولك

يا أبو العيون السهتــــــــــــــانين

أى حــــــــــــــــــــــــــــــد يحبهم

علشان جُمـــــــــــــــــال وملونين

جاى النهــــــــــاردة تقول عيونى

يبقوا هما الكـــــــــــــــــــــــدابين

طب كـــــــــــــده عينك فى عينى

ساعتها تعرف مين اللى فينـــــــا

عيونه هما الكـــــــــــــــــــــدابين

...

[ليلى ابو مدين]

بسم الله الرحمن الرحيم
شاعرنا الكبير... الحكايه كده إحلوت وبقى سجال ما
بين عيونه وعيونها
بس إحنا كده بقينا محتارين
مين فيهم اللي عيونه كدابين
نصدق مين ونكدب مين
وياريت في الآخر يطلعوا هما الاثنين
صادقين
ونطلع احنا اللي عيوننا مخدوعين
الله عليك يا أستاذنا
متعك الله بالصحه
مع خالص تحياتي واحتراماتي
ليلى ابو مدين

يا عم سمير لا هي ولا هو بيفهموا في لغة العيون
وعشان كدة مش عارفين يترجموا صح
ومن كتر حبهم لبعض الخوف مخليهم يفتكروا ان عيونهم كدابين
مع ان عيونهم فاضحاهم
والحب طالل منهم ومدلدء على الأرض كمان

أهو كدة فيه نوع من أنواع التطور

[سمير حسين]

الأستاذ .. الباشا قمر زمان
متمرس وذو موهبة فى إكتشاف نظرات العيون
أجمل تعبير : الحب المدلدء
من كتر حبهم لبعض الخوف مخليهم يفتكروا ان عيونهم كدابين
مع ان عيونهم فاضحاهم
والحب طالل منهم ومدلدء على الأرض كمان

.. شكرا أستاذنا الباشا لهذه الطلة الجميلة التى أفتقدها كثيرا ..