ليه خيالك .. وأعمال أخرى

**حماد مزيد** · #1 20/09/2010, 22h27

لو كان حبيبك هجر
ولا بعـــادو ســـــفر
يكفيـــك عنــو خبر
أفضل من الأوهـام

لوكنت عايش أمل
ما يـوم عنك سأل
يكفيك طيفه وصل
واحلم مع الأحلام

**سمير حسين** · #2 21/09/2010, 00h01

.. الأستاذ الفاضل / حماد مزيد .. أهلا وسهلا بك هنا لتزيدنى شرفا بهذا المرور الجميل .. لكم وحشة كبيرة .. وسعيد جدا بهذه الطلة الجميلة ..

**سمير حسين** · #3 21/09/2010, 13h13

.. الفرح ..

ما تزعليش قـــــــــــوى يا جميلة
يا حلـــــــــــــــــوة يازينة الملاح
بلاش خصـــــــــام تانى ما بينـــا
حقك عليه النوبة سمــــــــــــــاح
...
التـُقل ده ليــــــــــــــــــــه يا صبية
يا شاغلة قلبى وعنيـــــــــــــــــــة
قوليلى إيه غير قلبــــــــــــــــــــك
من ناحيتى وتـُغـــــــــــــدرى بيه
...
أنا نفسى أعلن فرحتنـــــــــــــــــا
وأقدم الليلة شبكتنـــــــــــــــــــــا
وسط الحبايب والخـــــــــــــــلان
ونعلق الزينة على بيتــــــــــــــنا
...
شكلك جميــــــــل قوى ياعروسة
والطرحة بيضــــــــــــا ومنقوشه
يا أحلى م القمرة الليلــــــــــــــــة
يـــــــــــــارب م العين محروسة
...

**سمير حسين** · #4 21/09/2010, 20h19

.. رسالة للشيطان ..

نعيــــــــــــــــــــــــد تانى الكلام

بلاش كلام أوهــــــــــــــــــــــام

لازم تكون دوغــــــــــــــــــــرى

وإلا عليك الســـــــــــــــــــــــلام

...

أنا شفت أعمـــــــــــــــــــــــالك

ودارى بأحـــــــــــــــــــــــــوالك

خليـــــــــــــــــــــــك على مهلك

يا شيطـــــــــــــــــــــان بأفعالك

...

النـــــــــــــــــــــاس بقوا فاهمين

عارفينـــــــــــــــــــــك تبقى مين

مندوب من الشيطـــــــــــــــــــان

أحفظنــــــــــــــــــــــا يارحمن

آمين آمين آمين

...

**سمير حسين** · #5 21/09/2010, 22h24

.. ضحكة غريبة ..

أيــام كتير با أقعد أفكــــــــــــر

وساعات بتاخدنى الظنــــــــون

صمتك شغلنى وزاد شكـــوكى

إبعدى سهم العيــــــــــــــــــون

نظرتك قاسية وحـُكمـــــــــــك

ظالم ما بيعـــــــــــرف قانون
...
أنا نفسى أصــــدق ولو ثوانى

إن قلبك ما يقدر يخـــــــــــون

وإن كنتِ صــــــــادقة وحبتينى

كله علشانك يهــــــــــــــــــون

بس حاجة عايز أقولهــــــــــــا

ضحكتك دايما غريبـــــــــــــــة

ومش عارفها من أى لـــــــون ؟

...

**سمير حسين** · #6 22/09/2010, 20h34

.. الضمير ..

كان صــاحى جوانـــــــــــــــــــــــــا

وبإيــــــــــــــــــــــــــدنا موتنــــــاه

وكان هو الأمــــــــــــــــــــــــــــــــل

مـــــــيزان وأهملنــــــــــــــــــــــــاه

سألت فين هـــــــــــــــــــــــــــــــوه

قالولى خاصمنـــــــــــــــــــــــــــــاه

وممكن على بـُكــــــــــــــــــــــــــره

نكون خــــــــــــــــــــلاص نسينــاه

أصل إحنا من مُــــــــــــــــــــــــــدة

ع الرف علقنــــــــــــــــــــــــــــــاه

...

**سمير حسين** · #7 23/09/2010, 21h02

.. زهقان ..

زهقـان ... زهقـان .. زهقـان

سيبنا الفنـــــــــــــــــــــــــــــون

سيبنا الألحــــــــــــــــــــــــــــان

بدأنا نـُدخل فى التوهـــــــــــــان

خـــــــير الكلام .. ما فيش كلام

لا رموز خفية .. ولا أديــــــــان

بـــــــــــــــــــــــــــلاش غمــوض

لازم كلامنا يكون بمـــــــــــــيزان

بدأنا نكتب حاجات كتــــــــــــــــير

واضحـــــــــة وصريحـــــــــــــــة

وعيب وجـودها فى هـــذا المكان
...

زهقان ... زهقان ... زهقــان

نسيت حليم وطلب وشـــــــادية

وفايزةأحمد ... وقصص زمـان

حلوة وجميلة وكــــلامها راقى

لا إسقاطات ... ومفيدة كمــان

زهقان ... زهقـــان ... زهقـان

ياريتنـــــــــــــا نرجع زى زمان

...