بدرية السيد - الاغاني المصورة

**عادل فؤاد رفاعى** · #1 17/09/2010, 00h16

اقتباس:

المشاركة الأصلية كتبت بواسطة د.حسن

أخى الحبيب أ. حبيب
لا شكر على واجب
هذا الفيديو قمت بتسجيله من سنوات طويلة
من برنامج فنون تقديم نائلة فاروق
طبعاً من القناة 5
أما عن طلبكم برفعه ع اليوتيوب
فإننى أخص منتدانا سماعى بما أقتنيه
وعلى الرغم من ذلك أجد مقتنياتى المرفوعة هنا
منتشرة ع النت !! طب أنا عرفت إزاى أنها مقتنياتى ؟
من العلامة الموجودة (clccard) !!
والتى كانت تؤرقنى وقت التسجيل
إلا أنها أصبحت -دون قصد-
علامة مسجلة لتسجيلاتى
مع تحياتى

د.حسن مفيش حد يقدر يقول بخ ولا يكح فى أى منتدى للطرب القديم إلا لو خد من سماعى..أنا مش عارف دا تميز ولا إحتكار

..طبعا المقارنة بين سماعى وباقى المنتديات كالمقارنة بين العملاق والقزم,,وطالما فى ناس بتنقل من سماعى دا خير ..أحنا يهمنا إيه إلا نشر الفن الراقى..ونخلى الناس تعرف الطرب والفن الراقى على أصوله

بس بالنسبة clccard..مكن حد يحط عليها صورة ولا من شاف ولا من درى

.والملفات ال mp3 تتشال دمغة سماعى وتتحط دمغة اى موقع .بس الكل بيبقى عارف انه من سماعى..نعمل إيه ما انتوا خاويتوا النوادر فى منتداكم بقى

**عادل فؤاد رفاعى** · #2 26/09/2010, 16h35

دكتور حسن...فيديو من بتوعك..ع اليوتويب..طب تبقى ادهوملى وانا ارفعهم ع اليوتويب بعد ما احط شعار سماعى.قبل ولاد الذين دول

**د.حسن** · #3 26/09/2010, 22h13

اى والله أستاذ حبيب
فعلاً هذا الفيديو من تسجيلاتى
ورفعته هنا فى سماعى وليس فى أى مكان آخر
وإسمى بالكامل مكتوب عليه !!
ولو بحثت ستجد كل فوازير رمضان التى رفعتها هنا
موجودة فى عدة منتديات دون الإشارة إلى منتدانا
المهم أن يُصبح سماعى مركز إشعاع ونقل
إلى كل منتديات الشبكة العنكبوتية
مع تحياتى

**hesham eid** · #4 26/09/2010, 22h31

أستاذنا الغالى / د حسن
لايمكن بأى حال من الأحوال أن ينكر كنوزك الغاليه أحد ولايخفى على أحد مغارتك ومافيها من كنوز جعلك الله دائما وأبدا معطاء وأنعم عليك بالصحه والعافيه .

هشام عيد