اقتباس:
المشاركة الأصلية كتبت بواسطة Hisham Khala
كل عام و انتم بخير
و عيد سعيد
الكلمات جميلة و صادقة و مش عارف اوصف احساسي بيها بكلمات و لكن ربنا يقدرني و اوصفها بالموسيقي ، انا كنت باغنيها و انا بأقرأها و فكرتني بالمارد العربي في اللاشعور و انتبهت انني بأدندن بعض الكلمات من لحن المارد العربي و عملت اسكتش في دماغي عبارة عن خلطة من الآلات الشعبية التي تعبر عن الاحاسيس و آلات النفخ النحاسية التي تعبر عن الحماس و القوة و الاصوات البشرية التي تعبر عن جموع الشعب ، و بادعو الله إني أعرف آنفذ أفكاري ، لأن كل الكلام دا سمك في ميه.
|
اشكر لكم ثناؤكم الذى لا ارانى استحقه
استاذى د/هشام
وادعو الله ان يمتعكم بالصحة والسعادة
وكل عام وانتم بخير
وقد اشقت عليكم قرا أتها بالخط الصغير
حيث لم تستجب معى اللوحة فى بعض المشاركات
واظن ان العيب من عندى
لك كل تقديرى واحترامى
(حال الوطن)
للغناء الجماعى
آهو كان زمان بيدوخ
وغلبنا نتكلم
دى الوقت كله شروخ
وماعادش يترمّم
,,,,
محتاج لصرختنا
عنوان لثورتنا
والأيد بارادتنا
تتمدّ وتسلم
,,,,
قوم ياوطن مجروح
مليان صديد وجروح
قوم لسّه فيك الروح
ولسان بيتكلم
,,,,,
ايه باقى م الهمّة
غير صحوة الأمّه
خايفين من الغمّه
والدنيا ح تضلـّم
,,,,
قوم ياوطن مسكين
عايش على التسكين
لو فى التاريخ ماسكين
م الماضى نتعلم
,,,,
قوم ياللىّ طار طيرك
عشـّش فى بيت غيرك
بيعيش على خيرك
وعشـّك اتسمّم
,,,,,
دا الانتماء موجود
عزلته ليه بسدود
خلـّيت مابينـّا حدود
والزّاى هانتلملم
,,,,,
الغى الحدود ياوطن
خايفين عليك م الزمن
تتباع ومن غيرتمن
ولسا نـّا متكمّم
,,,,,
قوم حطـّم الأسوار
لولادك الأحرار
خليك كبير الدّار
والكلّ حايرمّم
,,,,,
رد: حال الوطن
العرض الشجري